純粹分享 因為見好多JM都問關於做評估既問題 當時我好緊張好擔心唔知要點做, 最後我幫女女安排評估,CAC一次,私人心理學家一次, CAC的感覺好馬虎(個人認為)所以做多次評估,最後結果有少許出入 睇過政府後來經濟好左就出去睇私人精神科醫生
醫生糾正左我,我都想同各位家長分享一下
我當時既概念係,要先做評估,有需要再去見醫生
反而醫生同我講,其實最好係先見醫生, 一個有經驗既醫生頭一兩次的時候已經係為小朋友做緊評估 係咪有需要繼續睇醫生,有無需要再進一步評估,需唔需要做訓練佢都會俾建議 基本上已經可以慳返做評估既錢,(我知道之後都覺得自己蠢左,洗成5,6千蚊) 而且可以直接有治療,更加既係,後來我都發現,個評估報告基本上無用過
如經濟有困難既家長最好先找CAC做評估, 一來便宜,$100做到一次評估 二來會有埋轉介信俾你排政府醫院 不過比較唔好就係排得耐,但呢個係最經濟既做法
如果CAC要排好耐唔想等的話,可以見一次精神科醫生,要求佢寫封轉介信去排政府醫院。 通常專科醫生既信會比較有力。
大家交流一下,希望幫到大家~ | 
發表於 16-10-24 19:03
