無責任心小提琴/樂理老師

sissysze

小朋友自小一開始跟佢拉小提琴，一直都ok, 唔係收得平，教得唔係特別好。但學開費事轉嚟去，一路學咗3年，今年6月叫我考5級樂理，話佢啲學生上10堂左右就ok, 6月尾開始上得嚟，10月考就得。甘我都係你度學咗3年小提琴，咪信你囉。又係無收平加。市場價。不過跟開你，你拍心口話ok, 我做家長咪信你囉


一路暑假都話進度ok架，每次上堂應該1個鐘樂理, 45分鐘小提琴，次次拎咗小提琴時間嚟上樂理我都無出声。小提琴價錢收得貴過樂理。

到9月尾先開始操卷，做第一份時都重話ok, 合格呀，無乜問題。到10月7号嗰個long weekend, 去捉3日，隊足3份past paper 都fail, 重要唔係 marginal fail, 6字頭都無。我心唸，乜我小朋友蠢得甘緊要。情急下揾了懂教樂理朋友問。佢亦親自同小朋友傾了電話。朋友comment 係你呢個老師玩你。好多嘢佢無教。

即時火都嚟埋，我比捉錢你去教。好多應教嘅無教。你教唔切咪出声補鐘，咪耍我呀…  小朋友平時話頭醒尾，教樂理朋友話無理由一啲好basic. 嘅嘢都唔識....

跟你3年，講個信字。幾千蚊樂理錢就出賣人格。

奉勸大家揾老師時小心啲。嘥錢事小，嘥我一個暑假嘅時間事大

FrankieFlute

原帖由 sissysze 於 16-10-17 發表
小朋友自小一開始跟佢拉小提琴，一直都ok, 唔係收得平，教得唔係特別好。但學開費事轉嚟去，一路學咗3年， ...

10堂就教晒五級樂理兼操試卷，除非音樂根底非常好。我通常都向家長承諾五至六個月，即起碼都20堂，這樣便非常穩陣。我想知，貴子女是否已應考？且看成績如何？

sissysze

原帖由 Oboe_FRSM 於 16-10-17 發表
I think you replied to my post, but somehow it is not showing.  I think it is a bug of Edu Kingdom.  ...

覆咗，但唔見哂

sissysze

原帖由 FrankieFlute 於 16-10-17 發表
10堂就教晒五級樂理兼操試卷，除非音樂根底非常好。我通常都向家長承諾五至六個月，即起碼都20堂，這樣便非 ...

佢實牙實齒話得，甘我自己唔識。蠢咗選擇信佢 。自己衰，無特別keep check小朋友啲嘢教成點，識唔識，教哂未。上星期好彩找了另一老師惡補了4堂（4小時），補堂老師（不是我自己朋友，係同學介紹）話唔明點解gr 4, gr 5本書甘多嘢無教。另外就係佢同小朋友改 past paper 嘅比分手法都好有問題。其中一份作曲佢比12分。好友 ＆ 補堂老師睇完都錯好多。無可能拎到12分。佢甘比分法你都唔合格，小提琴老師嘅操守好有問題。   重有，我有唸過話有無得話病就可以改下一次考，2位跟手尾嘅都同我講話除非係跌斷手腳，or 入咗醫院，之前一早applied sick leave, 唔係你唔使止意你有得改期。但考試前2日呢位小提琴老師一而再，再而3甘同我講叫我sat 朝打請sick leave.  嗰朝再去睇醫生。 當下真係心唸到底你係乜嘢人，做老師點可以做到你甘。

   覆返你，我最後有去到考。

Gina11

我好怕拍心口答家長幾多堂完成個樂理課程。有學生8月先學，家長話要10月考，離報名得3堂。最後學咗3堂通知佢應該報吾到10月。因學生有機會海外升學，想快手考咗去，知道吾考得，學咗1個月吾學。
我教咗咁多年，真係好少數係10堂可以完成。45分鐘課節，average真係半年。

sissysze

原帖由 FrankieFlute 於 16-10-17 發表
10堂就教晒五級樂理兼操試卷，除非音樂根底非常好。我通常都向家長承諾五至六個月，即起碼都20堂，這樣便非 ...

重有我火都嚟亦已寄信去考試局把申請人改回自己。不希望仍要經呢位老師收result.   重有一提，因為sat schedule 好full, 9月都有追佢問知道幾點考試未。一路話未知。後尾同學知道了考幾點，whatsapp佢，覆未收到，唔緊要。但我追得你代表我心急，佢最後都無一收到就通知我，我去上堂先比准考証我。

sissysze

原帖由 Gina11 於 16-10-17 發表
我好怕拍心口答家長幾多堂完成個樂理課程。有學生8月先學，家長話要10月考，離報名得3堂。最後學咗3堂通知 ...

我暑係上 1hr theory （$1300/4堂一個鐘）+ 45mins violin（$1200/4堂45分鐘）, 基本上成個暑假佢都偷咗 violin時間去教 theory, 所以計起上嚟唔止10堂。甘你都教得唔清唔楚，想點呀。教theory好友同小朋友傾完後話佢重要用一啲好蠢嘅方法教一啲好簡單嘅concept, 將啲嘢復雜化。批評佢其實係咪唔識教。

Gina11

sissysze 發表於 16-10-17 22:25
重有我火都嚟亦已寄信去考試局把申請人改回自己。不希望仍要經呢位老師收result.   重有一提，因為sat sche ...

時間從來不變，2-4PM（深資老師實知）係得10月因為好多人趕報出年考試，人數可能太多，故10月先有機會有4-6PM另一批。（我學生中西區安排左去何文田考 － 但係家長報名）因為我明自己家長唔趕考，所以我都慢慢黎，亦唔安排多一節時間學，變相我亦無收多學費。（因為呢位家長係跟我學樂理，所以好明我點教。家長自己考完先請我上門教琴）

sissysze

重有，補堂老師問我（即考試前1星期）我先知原來有得揀中+英卷。作死，完全無同我講過。雖然小朋友英文唔差，始終有起事上嚟可以用中文答都好啲呀。

sissysze

testing

sissysze

原帖由 Oboe_FRSM 於 16-10-17 發表
I think you replied to my post, but somehow it is not showing.  I think it is a bug of Edu Kingdom.  ...

你1st msg 真係覆唔到。其實我唔係輸打贏要，一定要合格。而係你點做人老師，未教哂嘢個學生去考試？同埋點解未教哂一直唔出声？佢啲time management 都好有問題，好友 ＆ 補堂老師都話正常10月中考，8月尾應finish 所有嘢開始操paper.  同埋比我發現gr4, gr5 書啲exercise 無做過甘制。我堅唔知佢教咗啲乜。

sissysze

原帖由 Gina11 於 16-10-17 發表
時間從來不變，2-4PM（深資老師實知）係得10月因為好多人趕報出年考試，人數可能太多，故10月先有機會有4-6 ...

聽你甘講，我而家有理由相信阿小提琴老師根本好少有學生跟佢去考樂理。點解你唔識得甘解釋返我知

Gina11

g4 , 5 先係最重要既。另： 個醫生紙，真係得既。（但我無教過學生／ 家長用，因為我絕對要學生差不多報名時已開始操卷先報得）我曾有學生用此方法－－》係琴行職員教家長，因為考完又見個學生又再學，我先知咩事。

Gina11

另： 家長試已考，知你好鬼興，不吐不快，而家唯有望PASS，唔使再對住份樂理，又要等出年再努力過。祝成功！

sissysze

原帖由 Gina11 於 16-10-17 發表
另： 家長試已考，知你好鬼興，不吐不快，而家唯有望PASS，唔使再對住份樂理，又要等出年再努力過。祝成功 ...

係，真係好鬼興。我唔開佢名已好厚道。而家要12月頭先有result, touch wood fail都唔知報唔報2月好。6月又撞學校考試。等出無年10月就乜記憶都無要再由頭嚟過。唯有祈禱希望合格不用再煩

sissysze

多謝你地聽我發嚕騷

Gina11

原帖由 sissysze 於 16-10-17 發表
係，真係好鬼興。我唔開佢名已好厚道。而家要12月頭先有result, touch wood fail都唔知報唔報2月好。6月又 ...

出咗成績如有咩冬瓜豆腐係報得切到出年第一個考期。(因未出明年考試日期，吾知1月定2月考，因2月頭新年，吾知考試局安排)

sissysze

另再請教高人，佢將我小朋友舊年考2級小提琴嘅成績貼咗出嚟，係無遮名甘貼。我可否要求佢拎走唔再貼？因為我已經唔再係佢學生。張cert 有我名，你係咪唔可以再show ? 謝謝