資優兒童疑問

maggiecykwong

看過很多post 見資優兒童很多時附帶情緒或行為問題。想請問其實乖資優的小朋友是很少數嗎？例如有熱誠、專注學習、沒附帶情緒問題的乖資優是否很難有？還是一定會附帶情緒或行為可題呢？謝謝

pamelaywy

一定有。
只是沒有問題的資優兒在生活上沒有遇上甚麼問題，每天享受學習生活而又受到學校注意，佢地嘅家長根本無野要係討論區講（曬命例外，不過我估無）

maggiecykwong

pamelaywy 發表於 16-10-12 07:07
一定有。
只是沒有問題的資優兒在生活上沒有遇上甚麼問題，每天享受學習生活而又受到學校注意，佢地嘅家長 ...

明白了，謝謝你的回覆。

小曳人

品學兼優嘅人，一定有！我地細個都總有d同學又叻又乖

只不過，通常只有遇到有困難嘅人先有人要問，有野可分享

KarenKang

其實是否一般人對資優不夠理解才覺得他們有問題？
究竟是有主見vs唔聽話？
好奇心强，喜歡挑戰vs頑皮搗蛋？
求知慾強，愛說話vs無禮貌？
想像力豐富vs專注力不足？
由於不理解他們的世界，他們的優點變成問題及缺點。
傳统的教育下有幾包容這種孩子？家長或老師越管，他們越反叛。如果懂得尊重他們想法，得到他認同，他們的所謂行為問題會少很多。
如果教導他們明白上課多說話會影響别人，教他們同理心，而不是去斥責或罰他們，他們會比較接纳。懲罰他們雖一時受壓接受，但内心受了委屈，下次可能變本加厲。要多點耐性及愛心！ 經驗告訴我不同老師的處理手法不同，結果真是兩極！
一個認為他行為好有問題，頑劣，一個認為他聰明伶俐。感覺好像個仔精神分裂咁！呵呵！

monsterparentss

其實樓主有小小似講我仔仔，學習有熱誠、專注學習、沒附帶情緒問題。係學校品學兼優（不是曬命），係屋企同我都好friend，咩都同我分享。

所以有人話仔仔係資優生，我話唔係，佢無情緒問題，只係記性好同鐘意學習，佢數學科學，邏輯思維係比較強。

小曳人

monsterparentss 發表於 16-10-12 23:43
所以有人話仔仔係資優生，我話唔係，佢無情緒問題，只係記性好同鐘意學習，佢數學科學，邏輯思維係比較強。

你可以好謙虛唔去話自己孩子叻(資優)，但請你唔好將誤解不斷傳開去...

資優兒可以由唔同範圍當中揾到，一般而言，記性好、分析/理解能力高，做IQ評估就自然會高分，如果分數高於130，就係資優，資優兒個個性格唔同，同其他小朋友一樣，只係好多時佢地諗野方法唔同，EQ又好多時較低，做成誤會或沖突

但資優絕對唔等於有情緒問題！

你最多只能夠講，佢無情緒問題，所以無打算去做評估，唔知係唔係資優

monsterparentss

回覆 小曳人 的帖子

Sorry呀！我唔係刻意將誤解不斷傳開去，我就是不了解資優小朋友，所以嚟了解一下，
如果用辭有錯，敬請見諒！

zngo

小曳人 發表於 16-10-15 17:14
你可以好謙虛唔去話自己孩子叻(資優)，但請你唔好將誤解不斷傳開去...

資優兒可以由唔同範圍當中揾到，一 ...

講得非常之好(emoji)(emoji)(emoji)

zngo

monsterparentss 發表於 16-10-15 20:49
回覆 小曳人 的帖子

Sorry呀！我唔係刻意將誤解不斷傳開去，我就是不了解資優小朋友，所以嚟了解一下，

品學兼優的資優小朋友一定唔少，情緒問題心理學家解釋＂是我們不理解他們的真正用意及想法＂而誤會了他們而做成的！際遇真的非常重要，我細仔的報告評語是＂學習熱忱極高，積極正面，喜歡接受挑戰，對事充滿熱誠，是一位非常乖巧的孩子＂，但在校若果遇到沒有教學熱誠不負責任的班主任就大件事，初期阿仔會忍耐一下但日日如是，返學只見老師用了一半時間大聲責罵其他同學，佢開始上堂黑面，繼而有情緖唔肯返學，覺得浪費佢時間，返學極大壓力，但班主任覺得，資優學生真係太麻煩，投訴阿仔上堂黑面，家長日攞成績表，在我面前拍枱責駡阿仔，點解科科9字頭但佢果科只得8拾幾分，點解上其他科品學兼優上佢堂要黑面等等……，所以真的希望大家不要再誤會資優小朋友，有情緒問題！其實人就是會有情緒，點解要對資優生有特別要求呢？

dlam141231

是有的, 我兒今年大四, IQ高, EQ高, 自幼品學兼優.   舉個例子, 我父親曾對我說, "你真係識教仔, 個仔好乖."   那是兒子15,16歲時, 有一年的暑假在外公家住上兩星期, 外公長年身體不好, 要卧病在床.  外公說, 兒子在客廳上網, 每每聽到外公房間有動靜, 就會立起身來, 問外公是否要飲水, 又或見外公要去衞生間, 他就在一旁參扶.

brng

回覆 zngo 的帖子

請教，你怎樣處理阿仔所面對的情況?

zngo

brng 發表於 16-10-23 11:47
回覆 zngo 的帖子

請教，你怎樣處理阿仔所面對的情況?

我們找群體活動給阿仔，引導佢喜愛籃球，不斷告訴他人生不只求知識也要學習社會的群體生活，刻意在考試前帶他去行山一整天，告訴他只要平日専心上堂便可以輕鬆溫習面對考試，因他仍然極討厭這學校，所以我們幫他轉了輕鬆多智能活動學校，讓他知道這世界有很多不同能力的人，小學要學習接納別人及自己，上到中學先盡情追求自己想要的！評估時及學校的心理學家也説，小學是他最痛苦的時候，但上到中學就會突破突出自己的長處發光發亮！叫我們小學只要幫佢減壓，放學有得睇書發夢玩玩具咩都得，真的，他現在讀b1中學F1，一開學已經見到積極的他迎接挑戰，每日一早起床自己早半小時出門希望一開門就入去，佢而家讀得好開心，因為有突擊測驗又有好多好多新嘢學，啱哂佢！最緊要相信專業的意見！

zngo

dlam141231 發表於 16-10-23 09:42
是有的, 我兒今年大四, IQ高, EQ高, 自幼品學兼優.   舉個例子, 我父親曾對我說, "你真係識教仔, 個仔好乖. ...

真係值得恭喜

zngo

dlam141231 發表於 16-10-23 09:42
是有的, 我兒今年大四, IQ高, EQ高, 自幼品學兼優.   舉個例子, 我父親曾對我說, "你真係識教仔, 個仔好乖. ...

唔小心send給多咗一次

brng

回覆 zngo 的帖子

多謝你的回覆。
為何心理學家預計你兒子的小學生活是痛苦的? 因為太多规範? 程度太淺?

因為我也正為孩子選小學而烦惱。他的情緒有時是源於他的想法。如老師駡其他小朋友，他會情緒低落，因為老師教教學生原諒別人，但為何老師又不原諒其他小朋友。我們知道的，當然會向他解釋，但很多時候他會“收埋”胡思亂想一番。

想替他選關愛小學，又怕程度較淺會悶。選程度高的，老師一般較嚴又怕他受不了。我现積極想辦法替他適應小學生活，但又無從入手。

你所說的專業意見是否教育心理學家的意見? 可否pm 有關資料給我。

謝謝!

zngo

brng 發表於 16-10-23 21:33
回覆 zngo 的帖子

多謝你的回覆。

我是評估時心理學家告知，每一個人性格不同，因為阿仔是情感敏感型，加上追求知識及學習熱忱極高，但他讀的小學沒有精應班，所以滿足不了他而學校也沒有調適，所以小學生活是佩合得不適當而有壓力！又加上遇到不太負責任的班主任！你孩子做評估了嗎？可以聽取意見再了解自己小孩的性格找學校，進取形便找進取的小學，我阿仔喜歡嚴的老師及進取的學校！每人性格不一様！

zngo

brng 發表於 16-10-23 21:33
回覆 zngo 的帖子

多謝你的回覆。

我仔在中大做評估的

Wonderlady

原帖由 zngo 於 16-10-23 發表
我仔在中大做評估的

評估會給予選校意見嗎？

Wonderlady

原帖由 Wonderlady 於 16-10-24 發表
評估會給予選校意見嗎？

即係五歲左右，選小學之前要去評估？