請問自閉囝囝搭飛機有冇什麼要注意？

Thisisbeanie

囝囝啱啱3歲，想同佢搭飛機去旅行，近近哋去上海探朋友（3個鐘到），請問A仔搭飛機有沒有什麼問題？會不會辛苦過普通人？

cloverz

可以出發前做定D準備, 因為佢未必咁易接受新環境, 同佢睇關於機場同搭飛機既故仔書, 講定個流程佢知 (eg.要自己坐,帶安全帶)
有偏食習慣的話book定o岩佢食既兒童餐或自己帶定小食.
特別係起飛/降落時氣壓有機會令到耳仔有d唔舒服, 食下野會舒緩到.
帶定圖書/貼紙書/小畫板.etc,等佢有d野做, 一般飛機坐位有screen睇卡通片或玩小遊戲都可以分散到注意力.
仲有旅行帶定隻心愛既公仔/被仔去陪伴都會較有安全感~
我仔頭一次就搭左4個鐘, 係起飛果下唔舒服喊左幾聲 (同機都有其他BB喊)
之後係咁飲橙汁同打機, 到而家問佢都仲話鍾意搭飛機

lulumelody

佢地好鐘意踼凳，坐位按排要考慮，而且如果去厠所，佢地好怕冲水聲。最重要有嘢食，有嘢比佢地玩！

YANMA0724

我有預備定耳機同佢鐘意既兒歌，起飛同降落前比提子乾或者橡皮糖佢食，減少耳仔痛

LeeCC

3歲應該未會亂講野，只要令他舒服，吾驚就可以

我個八歲，一上機就問呢架飛機會唔會好似馬航甘，唔見左？

又問d氧氣mask幾時跌下來，機長幾時會講brace，brace

girlsc

我仔從歲幾年起每年都搭3,5次飛機，最長飛過5個幾鐘。每次帶定飯，小玩具，圖書和iPad 基本無咩大問題，記得准備幾樣零食起飛降落時食，以免耳朵疼。有本圖書叫on the plane唔錯，之前讀多幾次俾佢聽，在飛機上可以重複下書裡的對話，佢好鐘意。