學校上雜誌...看完内容....

Jasmine-4711

今日見到在今期某雜誌上,新校長上雜誌...不施壓創佳績...看完内容我笑到.....各位想報小一的家長咪當廣告係真的.學校同老師都很好及有愛心,但請想報的家長可看看事情的另一面:

1)新校長上場話本校程度低,由小一起要加功課

2)有閱讀册每月要呈交班主任,要知学生看了多少本中文、多少本英文書及報章, 学校有target訂明的,多係有奬狀......而不是雜誌中寫自動自覺去看書....當然你唔看冇人罰你....但有群衆压力要拿奬狀....有的家長甚至借書填名,根本冇睇過

3)我識的大部份家長初小已開始補習,我的小朋友小三也撐唔住要去補....而並非個别例子...人人資質唔同,老師怎可兼顧....一係家長教....一係去補習

4)p3 TSA冇催谷?有加習作...數学都一日做三本書/作業,每本兩頁(2016唔洗考就例外)

5)預習課文是寫在手册上,不是自發

6)不倚重抄背?高小要背默一段課文(非詩詞/名著)

7)高小一小時内完成功課?那麼校長選了尖子接受訪問了....weekday大概要超過兩小時做功課,未計每周要温默書同測驗.開学至今一個月都默左書三次,測左兩科.不過測驗改名叫進評/中評姐.

我不是説此校不好,它已比其他校好很多,老師很有愛心,但在考慮報讀前,請別只信雜誌,可以入來問下本校家長.

gk678

推

bennylouisa

對比某d學校，
算ok啦，
個人感覺，
不過不失~

CKCKmom

我小朋友只是初小，但我覺得程度及功課量十分適中啊！聽聞比以前多功課，但專心做的話，通常個幾鐘可以做完同温完書了。應該比起很多學校輕鬆吧！

Hoho_baby

Jasmine-4711 發表於 16-10-8 09:38
今日見到在今期某雜誌上,新校長上雜誌...不施壓創佳績...看完内容我笑到.....各位想報小一的家長咪 ...

第一點，以小一來講我覺得已經比其他學校輕鬆咗， 有家長話中文用書已經比以前深咗 （買第二冊instead of 第一冊）， 但我覺得小朋友都跟到， 而且默書真係好輕鬆，都唔算係默書而係創意默寫， 對小朋友建立自信好緊要， 眼見有d 學校小一以已經默句子好有挫折感， 我好感恩小朋友可以入到北衛
至於閱讀獎勵計劃， 我覺得無乜問題呀， 都係一種鼓勵， 只係借書抄書名既家長太過重量不重質， 亦都唔誠實， 我情願小朋友無做都唔會教佢地唔誠實
其他果d 我小朋友仲細未感受到， 不過我覺得小一二係建立自信同規律， 小三開始要追上學業， 始終讀書no pain no gain, 最緊要小朋友唔好怕讀書， 喜愛閱讀，培養興趣， 呢樣我覺得北衛係做到既
可能有少少離題唔好見怪

ivyscyip

Hoho_baby 發表於 16-10-17 02:05
第一點，以小一來講我覺得已經比其他學校輕鬆咗， 有家長話中文用書已經比以前深咗 （買第二冊instead of  ...

唔係話學校唔好，只不過無校長講得咁輕鬆。作為一個小三同小六家長，好同意樓主啊！我女小六個班無補習的，應該一隻手數得晒，我女係其一。
你到小五就明點解要抄書名，老師會發返黎重寫， 要夠書先過關。

Hoho_baby

ivyscyip 發表於 16-10-17 10:18
唔係話學校唔好，只不過無校長講得咁輕鬆。作為一個小三同小六家長，好同意樓主啊！我女小六個班無補習的， ...

明白！ 咁真係要好好了解下！

bennylouisa

可以理解.
廣告當然係讓你看到美好的一面.

simonwan

ivyscyip 發表於 16-10-17 10:18
唔係話學校唔好，只不過無校長講得咁輕鬆。作為一個小三同小六家長，好同意樓主啊！我女小六個班無補習的， ...

請問大部分學生點解要補習？系補專科定功課班？
太多功課？課程太深？教淺考深？
我都系北衛家長，孩子重未要補習，想瞭解下。
謝謝！

Jasmine-4711

我估人人唔同.追唔上大隊先要補.多數係操卷班,父母跟功課.边科唔好就補边科

200904

我也是北衛家長。我的小朋友小二，每天都盼望返學，好開心。
我覺得學校始終是學習的地方，而學習的輕鬆也不能只用量來考核。如果一定要用功課量來說，我女兒動作慢，做功課的時候，常常會互相聊天，的確要用蠻長的時間來做。（作爲家長，的確嘔血），不過，我寧願她們以輕鬆心情做功課，做完再玩，與邊玩邊做，其實也沒什麽了不起。衹要最後她們的確掌握知識點，有時談話内容，也是把知識生活化，又何嘗不可？我最開心的是，她們說老師很有愛心，講解也很生動，讓她們明白。有一次，我不太明白中文卷老師的批改，我寫了紙條請教老師，老師都很耐心地教小朋友，I feel good！
學習，總是要與時并進，其實中文課本直接用B，不用A，我覺得無所聞，畢竟沒有衝突，中文，不像數學，一定要螺旋式溫習，上新。衹要小朋友接受到，就好。另外，我也欣賞學校的創意默寫，讓小朋友增加了信心。
小二，尚未寫在手冊上要預習，其實，我一直希望小朋友有預習，不過，她們愛看書，一有空就看書，（最衰就是看書不記錄）。我認同讀書不是爲了記錄，衹要她們享受其中，也就好了。
小二，我們尚未有學業補習，身邊的同學補習，大多是因爲父母工作忙，要托補習社補習。不過，尚未發現有教淺考深的現象，所以現在還沒有補習的安排。不知道高年級如何？

bennylouisa

衛理堂本身的功課唔算多，
只係，
個別班主任會暗示同學要多補習，
當然，
係好明顯的暗示，
作為家長，
你會唔會受其影響？！

200904

回覆 bennylouisa 的帖子

你是說幼稚園還是小學？衛理堂是幼稚園。

不過，無論幼稚園還是小學都沒有被暗示過。

Jasmine-4711

回覆 200904 的帖子

咁你女兒叻,所以冇老師暗示.成績唔太好的,先有人暗示.
有家長話有老師介紹埋補習社添,有幾個家長去左.

小二同小三,係另一个境界,要求高很多.有BCA,–定會操,功課會劇增.

Kittythemama

Hoho_baby 發表於 16-10-17 02:05
第一點，以小一來講我覺得已經比其他學校輕鬆咗， 有家長話中文用書已經比以前深咗 （買第二冊instead of  ...

請問轉全日學校有無講會有咩改變？心儀北衛，希望了解多d(emoji)(emoji)

keith_ccc

相比其他同區同級學校北衛巳經好開心、當然你攞佢同國際學校比一定差好遠。但如果你諗住以前半日制430穿梭機年代先叫快樂上學，我諗要有時光機先幫到你...

Jasmine-4711

Kittythemama 發表於 18-1-18 16:14
請問轉全日學校有無講會有咩改變？心儀北衛，希望了解多d(emoji)(emoji)

下午唔教書，但有類似科目的興趣班及課外活動。有類似生命教育的班。

有提過功課輔導班，但冇講是否人人都可上及一周幾多日。

happypapapa

Kittythemama 發表於 18-1-18 16:14
請問轉全日學校有無講會有咩改變？心儀北衛，希望了解多d(emoji)(emoji)

上午8點上堂，下午3點放學。逢星期五就下午1點放學

ANChan59

作為過來人，我睇完之後覺得現正家長是否知道其他學校操成點，谷成點！同基灣比較吓！

每個校長有自己一套，前校長梁麗䴡一向鼓勵少功課多閱讀，但家長們成日投訴少功課！現在得賞所願！你們亦可以投訴多功課！

閱讀計劃更奇怪，十年前到現在只是要求學生記錄看了什麼書，你想欏奨咪睇多 d，你想慢慢睇又冇人迫你，我真係唔知投訴乜。因為欏唔到奬！？

功課時間跟功課量有關，同時跟小朋友的手腳及頭腦快慢有關。當年阿仔放下午班，回到家七點左右做完，有同學做到十點十一點！

抄背，跟背默是同一樣嘢？


*******

雖然過了好多年，我仔已經大學畢業，出來做事了。到現在我們都極力推蔫北衛，包括阿仔，他在Big 4 做顧問，他的上司想知道他讀什麼小學及中學。

1。他的觀點是考完試才放聖誕節，是真正放假。

2。功課真係少，好少抄寫。

3。創思小組幫到高學習能力學生的弱點，例如同理心，團隊合作，創意思維等等！

4。TSA一概唔操，唯一操及提醒的只是Pre-S1，因為要為師弟師妹。

5。北衛晤谷，學生但去到神校、大學一樣可以突圍！

ivyscyip

ANChan59 發表於 18-5-13 01:26
作為過來人，我睇完之後覺得現正家長是否知道其他學校操成點，谷成點！同基灣比較吓！

每個校長有 ...

1。宜家係聖誕假後考
3。今年冇創思了

北衛同梁校長年代已不同，呢兩年好明顯睇到分別。北衞當然冇基灣咁谷，但我睇到的係內在的轉變，好難形容俾你聽。同其他家長傾過，都有同感。