考小一的心路歷程

kitkit89

相信各位家長一直沒有看輕樓主女兒是否村校出身，或歧視樓主住公屋，看不過眼是樓主的態度，相信女兒是唯一可以挽回面子安慰自卑心理的重要因素
想分享一下超級天才陶哲軒的故事，明明兒子是超級天才，他父母卻希望大家當兒子是普通小孩，明明可以幾年讀完大學，他父母卻想兒子放慢腳步，為的是培養性格，所以陶哲軒是天才卻不會有扭曲的人格
要明白這世界天外有人，人外有人，時刻保持謙卑的心才學到更多。女兒每次面試完也有唔識，我地認為不要緊錯誤中也可以學習。

ppmmbb

原帖由 s.andp 於 16-10-07 發表
雖然樓主有追名牌的心，但也人之常情，窮就唔可以報或讀拔拔咩? 自問，大家唔想自己的小朋友考到咩?樓主衰 ...

我相信大家不是看不起村校，只是說私幼的父母多數願意給予更多資源、後勤比小孩，你個case的父母味做緊大家講緊果d支援囉!

karen55407

kitkit89 發表於 16-10-7 08:06
相信各位家長一直沒有看輕樓主女兒是否村校出身，或歧視樓主住公屋，看不過眼是樓主的態度，相信女兒是唯一 ...

面試唔係識晒就得，要睇埋你嘅態度同禮貎

Kakawing329

其實講左咁耐,原來樓主都唔明,根本就冇JM係睇唔起村校,睇唔起你同你女女,好多JM都話你女女好叻TIM,咁多JM講黎講去其實叫你應該量力而為,唔好盲目追名牌,其實真係咁難明??而家唔係村唔村校出身GE問題,係大家知道你少少背景,叫你量力而為,量入而出.....唔係一味揀有名GE學校就叫做好,最少應該去了解下邊間學校岩自己小朋友,邊間佢中意,學校理念係咩....

你報咁多,連理念都搞唔清,比你去到2ND IN 3RD IN人地都未必揀你,最基本學校一定係優先揀同自己理念一樣GE家長,有誠意GE家長,而唔係只求入名校GE家長囉。

而且JM們都FEEL到你同你女都好大壓力,一考完出黎就問識唔識,考左D咩??亞女講句話遲左做動作,你就好失望,你需要唔講出口,但其實小朋友感受到,對佢黎講係一種好大GE壓力,你打份工,同老細講完話唔識你老細面色一變,你自己都會覺得難受有壓力啦,何況係個小朋友???

既然你都報晒,又一心一意去考,其實都冇人阻到你,不過老實講,你一開始就錯左,雖然你出發點係好,但你一直揀"我"想要GE學校,而唔係小朋友GE角度出發。

bananaGi

蒙特梭利 發表於 16-10-5 22:12
好煩。日日開baby kingdom 都見到 !

我都開始認得佢

bananaGi

Eat_Sleep_Play 發表於 16-10-7 00:05
咩嘢叫 try my best only good thing？

我都唔明佢講咩.....

bananaGi

明天更好！ 發表於 16-10-6 13:30
老實講，極希望入DGJS

好誠實，加分。

mekomekomeko

kitkit89 發表於 16-10-7 08:06
相信各位家長一直沒有看輕樓主女兒是否村校出身，或歧視樓主住公屋，看不過眼是樓主的態度，相信女兒是唯一 ...

eeie

明天更好！ 發表於 16-10-7 08:01
老實講，人天性上，某程度是自私的。三千幾人考女拔，相信冇人是想「你個女考到，好過我個女考到」吧？只是 ...

唔好意思, 我真係冇哩個想法!  人地考到我真係會欣賞囉, 我女考唔到亦只係無緣!
我諗教女都一樣, 唔應該抱住哩個想法去做人吧!  

Beiku

明天更好！ 發表於 16-10-7 08:01
老實講，人天性上，某程度是自私的。三千幾人考女拔，相信冇人是想「你個女考到，好過我個女考到」吧？只是 ...

不敢苟同

kitkit89

eeie 發表於 16-10-7 11:21
唔好意思, 我真係冇哩個想法!  人地考到我真係會欣賞囉, 我女考唔到亦只係無緣!
我諗教女都一樣, 唔應該 ...

非常同意，看來樓主的世界裏人性非常黑暗，只有負能量、憎人富貴厭人貧與鬥爭比較，我身邊的家長朋友，reject 的互相鼓勵，人地考到真心恭喜，希望你別把這些扭曲價值觀教給女兒，聽你說女兒資質不錯。

tsewong

Eat_Sleep_Play 發表於 16-10-7 00:05
咩嘢叫 try my best only good thing？

我諗佢嘅意思係: I will try my best for those things I consider good and important,

dickey09

就借樓主的標題講一講小兒和我去年考小一的心路歷程。去年我們都為小兒報了11間直/私小學，因為我們對大抽獎信心不大，所以就不知不覺間就報了11間。不過我們都有我們的原則，家住九龍，所有港島及新界區都不報(但居然有報將軍澳其中兩間)。小兒面試後，當然有問考了什麼(特別問得多的，是一間會問回前一次面試時的內容的學校)，他答識與唔識，我們都不會為意。收到reject信，都跟小兒講，他表面像冇事，實則他都不開心。直至收到第一封offer信，他才鬆了一口氣，我們夫妻都鬆了一口氣。因此，我好明白樓主會為小朋友多報幾間的原因，但希望他同時會明白到自己所做的是會帶給小朋友壓力。

karen55407

Beiku 發表於 16-10-7 11:27
不敢苟同

我都唔明點解唔希望大家一齊考到嘅？我考唔到，你考到咪恭喜你囉！就算你間間考到，你都係讀得一間之嘛！

PanMada

明天更好！ 發表於 16-10-7 08:01
老實講，人天性上，某程度是自私的。三千幾人考女拔，相信冇人是想「你個女考到，好過我個女考到」吧？只是 ...

放鬆d, 人地考到係人地叻，同自己考唔考到無關係架，又唔係人有你就無既世界，老實講，人地考唔到，都未必輪到你，好好focus 自己小朋友先係重點
同埋，考唔到都唔代表d 咩，考小就好似緣分遊戲，配對岩既好多時都有好結果，盡左力就唔好諗太多

Kakawing329

回覆 明天更好！ 的帖子

你咁GE心態已經錯,人地考到我女考唔到,或者我唔多唔小會唔開心,但唔會咁諗!!!自己亞女唔得,就係同間學校冇緣

lui

karen55407 發表於 16-10-7 08:04
你的行為，我不敢茍同！

我只會想個女考到，唔會想人地個女考唔到，更加唔會想我識既考唔到。原先也支持她，不過愈來愈奇怪。大家都系不用回覆，大家省點氣做自己的事。

lui

kitkit89 發表於 16-10-7 11:36
非常同意，看來樓主的世界裏人性非常黑暗，只有負能量、憎人富貴厭人貧與鬥爭比較，我身邊的家長朋友，rej ...

絕對是，我們有reject的大家相互鼓勵，令對方從新振作。有offer也不會周圍炫耀，低調感恩，大家也送上真心的祝福（有d什至說他也感受到冇比激動想喊）小一遊戲不是你死我亡的，如有，這是人性黑暗面。