求助辦法！••••真系開始頂唔順啦

felixfafa

阿仔讀緊主流小學二年班，入學時已經通報左學校關於他的情況，所以老師方面算好包容。二年級開學無耐，唉，情況依舊日日俾老師罰，日日新鮮，星期4上音樂堂屢叫唔聽，最後整爛樂器、又去玩門鈴，學校通告又折飛機，跟住下一站就系垃圾桶，搞到我完全唔知道有通告，等等。而家我最頭疼的系，他個腦真系唔知道點運作，文具及日用品，成日用完後，就唔知道放系邊，搵唔翻，問返他使用經過，根本答唔出，完全無條理性，問前2秒鐘做過的事，可以答你：唔知啊！···你話他無記性，但事實又唔系，其他野超級無敵有記性，唉，真系人都癲啊，日日跟住他屁股收拾，一D責任感都無，點搞阿，請問有咩方法可以訓練啊？

piglet0529

原帖由 felixfafa 於 16-10-01 發表
阿仔讀緊主流小學二年班，入學時已經通報左學校關於他的情況，所以老師方面算好包容。二年級開學無耐，唉， ...

似乎你應該去過動寶寶那邊問下過來人

chowqv

小一時，有咩訓練？

wballp

明顯adhd

zenwin

我女兒有過度活躍症和專注力不足,朋友送了一隻共振音樂CD 給我,我覺得都幾有用

Tifftiff0115

有冇聽過執行功能呀？好似訓練抑制力同訓練記憶呢？好似適合喎。

felixfafa

回覆 Tifftiff0115 的帖子

無聽過哦，醫院有嗎？咁精神科覆診時，我可唔可以要求醫生安排？⋯阿仔未到ADHD個臨界線，所以醫生每次都係話：繼續觀察啦！⋯⋯真係頂唔順

felixfafa

回覆 zenwin 的帖子

邊度有得試聽啊？網上有無？⋯聽講幾貴，如果唔啱用，我又會俾爸爸鬧

chowqv

felixfafa 發表於 16-10-7 10:27
回覆 zenwin 的帖子

邊度有得試聽啊？網上有無？⋯聽講幾貴，如果唔啱用，我又會俾爸爸鬧 ...

所有治療，都無包單一定啱；如果咁樣都要鬧，樓主要關注下夫妻關系，同爸爸對小朋友既態度。
有時，小朋友睇到，會有樣學樣，唔聽你講（我估你係ftm）

Monstereasy

原帖由 felixfafa 於 16-10-01 發表
阿仔讀緊主流小學二年班，入學時已經通報左學校關於他的情況，所以老師方面算好包容。二年級開學無耐，唉， ...

你既情況我仔小一發生，當時讀主流新派直資，班主任發現佢行為有d特別所以見教育心理學家發現佢係可能自傾。班主任好包容，但其他課堂老師唔明白，所以除班主任堂，音樂，美術體育大部份都比人罸。可能老師無SEN訓練對自傾學生無應對方法，只有隔離。
我有自己睇精神科同臨床心理學家，發現佢資優，但有輕微讀障同社交困難。
經過大半年觀察，我地決定轉去國際學校，原因係佢中文閱讀有障礙但英文無，加上我認為此階段學習社交比學知識重要，IS互動較多對社交有幫助，於是小二轉校。
在IS, 社交互動機會多，同時亦產生更多同學之間磨擦，小兒控制情緒差，因小事打架停課。當時跌落谷底，學校要我地交心理學家評估報告先可以復課。我當時認為學校因為發現佢係SEN想趕佢走，但學期中要轉校亦不容易。為應付學校，CP提議請shadow, 學校亦接納。
呢段時間，學校Learning support teacher, 每日教仔仔做mediation, relaxation學呼吸學控制情緒。Shadow除教仔上堂規矩，同時教老師如果教導SEN學生，學校老師為佢準備好多道具，如visual sign, 獎罸表等。
到學期尾，仔仔得到most improved studen award.
當初以為學校想趕佢走，好意外校長同我講"神安排佢來到呢間學校，係因為佢需要我地幫助，只要一齊努力佢會變得更好，我好相信佢既潛能！"
今年，無shadow協助，最近收到老師們既email, 老師們都好欣慰見到仔仔既進步。

希望你都一樣可以走出谷底，找到方法去幫助仔仔！

小余

Monstereasy 發表於 16-10-8 13:02
你既情況我仔小一發生，當時讀主流新派直資，班主任發現佢行為有d特別所以見教育心理學家發現佢係可能自傾 ...

請問你哋去邊到揾影子老師？
同埋係一拍即合還是都要試多幾個先啱？

Monstereasy

原帖由 小余 於 16-10-10 發表
請問你哋去邊到揾影子老師？
同埋係一拍即合還是都要試多幾個先啱？

影子係心理學家介紹，因為心理學家會backup佢。好幸運一拍即合，有informal見下面傾下計熟習下先。

sunday987

請問你係讀邊間國際學校？

係咪要 interview? 難唔難入？

acntx2000

Monstereasy 發表於 16-10-8 13:02
你既情況我仔小一發生，當時讀主流新派直資，班主任發現佢行為有d特別所以見教育心理學家發現佢係可能自傾 ...

Hi may I know which international school ur son go to ? Thanks.

Y123

有機會去參觀下特殊學校，可能對大家都好

Tifftiff0115

felixfafa 發表於 16-10-7 10:25
回覆 Tifftiff0115 的帖子

無聽過哦，醫院有嗎？咁精神科覆診時，我可唔可以要求醫生安排？⋯阿仔未到ADHD ...

你問下醫生呀。我知道香港都有Ｄ中心有開呢Ｄ小組，你都可以上網搵下。問多Ｄ聽下囉。

Baby2010

回覆 Monstereasy 的帖子

你好，我的小朋友的情況與你的小朋友情況好似，我而家既心情直頭跌咗落谷底，你可否PM我講多些當時既情況給我了解嗎? 萬分感謝 !

dragonviva

回覆 Monstereasy 的帖子

Hi! 我都煩緊學校問題，因老師教唔掂我仔，要我返屋企再教，我仔講極都亂做;

但轉國際學校我又唔認識，你可唔可以PM我係邊間學校? 我再詳細睇睇, 謝謝!

Monstereasy

原帖由 dragonviva 於 16-11-12 發表
回覆 Monstereasy 的帖子

Hi! 我都煩緊學校問題，因老師教唔掂我仔，要我返屋企再教，我仔講極都亂做;

國際學校比較接納不同類型既孩子，而欣賞孩子亦從不同角度。但要改善行為並非單靠學校能做到，家庭負出往往比學校還要多。不如你先和你心理學家溝通，找出改善方法，再和學校合作一同去收善。

idak

我個女戒咗睇電話，一星期二至三日跑步，再食魚油丸、益生菌同葉酸，情緒同專注力好咗。如果香港好似其他國家，有專比E類型的小朋友入讀的學校，我都唔會迫個女入主流學校。特殊學校乜類型都有，真係要睇你好唔好彩，d導師夾唔夾到個小朋友，否則入去都只係hea讀，求其揾樣技能比佢學，但我唔覺得真係為個小朋友好。