開學差不多一個月，你地D小朋友心散完未?

lukeskywalker

放完暑假，個囡好唔專心，功課多甩漏，好似仲未回魂，小一時做功課好爽快，升小二後時時做做下功課走去做其他野或傾計。小二D野又多左，又難左，搞到日日都冇乜時間休息和玩。

wan_sosin

呀仔今年小三，暑假尾去咗一星期旅行，開學都好順利，做功課好快手，5點落球場打波踢波，如第日有默書測驗，就6點幾玩完返嚟溫書等食飯。
到目前默過兩次書，一次數小測，全部滿分。
不過回想佢上年小二開學，都係有D散慢，做功課不太積極。但今年佢就好明白，好好爭取時間，自己先會有更多自由時間。

lukeskywalker

wan_sosin 發表於 16-9-28 07:51
呀仔今年小三，暑假尾去咗一星期旅行，開學都好順利，做功課好快手，5點落球場打波踢波，如第日有默書測驗 ...

係喇，快快手搞掂D功課咪可以多D時間玩咯。

S-Kwok

仔今年小三，開學至上星期都唔太順利。上星期佢小息時，見到好多同學仔約埋一齊做功課，佢又去埋堆一齊做，再加上我放寬，約定若可以1830前做完功課，可以一邊食飯，一邊睇“快樂童盟”（好多實驗講，我仔勁鍾意睇），佢就快手咗，不過，咁啱呢幾日又只得1、2樣功課，所以真係可以趕得切睇。希望佢睇到自己努力就可以做到自己想做嘅嘢之後，繼續努力。

lukeskywalker

S-Kwok 發表於 16-9-28 08:11
仔今年小三，開學至上星期都唔太順利。上星期佢小息時，見到好多同學仔約埋一齊做功課，佢又去埋堆一齊做， ...

1-2 樣功課實在太幸福，我囡小二開始就開行turbo ，日日6-8 樣(emoji)，小一就5-6樣。

熙fi媽媽

我個仲未

MASAYA

之前暑假一收到功課就做晒先，然後玩晒成個暑假，一開學就要重新適應，今年改變策略，臨完暑假先做晒d功課，今年開學完全冇問題

little_yolky

MASAYA 發表於 16-9-28 11:24
之前暑假一收到功課就做晒先，然後玩晒成個暑假，一開學就要重新適應，今年改變策略，臨完暑假先做晒d功課 ...

其實.........我覺得係性格問題。家姐未開始放暑假已經做晒暑期作業, 玩足兩個月, 一開學已經馬上standby。不過佢乖, 開學前睇晒所有教科書。至於阿妹............真係做到最後個禮拜, 開學前連A-Z都唔記得, 俾我省咗佢一輪, 開學表現都比小一好既, 「大部份」時間會主動完成功課, 但會間中甩轆, 係需要間中被省類型。

Rachelmummy2008

回覆 S-Kwok 的帖子

請問快樂同盟是電視節目，還是網站上看呀？

Rachelmummy2008

我女小三，她好識睇吾同場合做吾同嘅嘢。
小息時就狂玩，上課時要大聲朗讀就讀，要睇書時也會專注睇，有空檔時間便做下功課。
但她是很難叫溫書或在家做練習的。

S-Kwok

Rachelmummy2008 發表於 16-9-28 13:24
回覆 S-Kwok 的帖子

請問快樂同盟是電視節目，還是網站上看呀？

99viu台，星期一至五， 1830-1900

neko1234

lukeskywalker 發表於 16-9-27 21:55
放完暑假，個囡好唔專心，功課多甩漏，好似仲未回魂，小一時做功課好爽快，升小二後時時做做下功課走去做其 ...

一樣。仲要手冊唔抄，又甩呢樣果樣..我地功課已經算少，但都可以搞到默書無時間溫，無時間玩或講故事...
小一時通常晚飯前搞掂，而家拖拖拉拉，搞左搞右到八九點都未做完功課。

S-Kwok

little_yolky 發表於 16-9-28 13:16
其實.........我覺得係性格問題。家姐未開始放暑假已經做晒暑期作業, 玩足兩個月, 一開學已經馬上standby。 ...

上到小四，其實係咪應該開始要備課？

little_yolky

S-Kwok 發表於 16-9-28 15:22
上到小四，其實係咪應該開始要備課？

唔知喎, 我自己由幼稚園開始就會溫習同備課的, 所以唔知幾時要備。不過, 阿女開始上常識堂會jot notes, 因為佢無備課, 所以課文有講既佢都照jot, 阿sir終於忍唔住：唔駛寫, 本書有講的。所以, 我都諗住叫佢先備下課。如果我一早同佢講, 係唔會有人理我的, 你知啦, 老師講一句好過我哋講一百句, 依家俾老師話過, 咁我再講, 咪事半功倍囉。

S-Kwok

little_yolky 發表於 16-9-28 15:43
唔知喎, 我自己由幼稚園開始就會溫習同備課的, 所以唔知幾時要備。不過, 阿女開始上常識堂會jot notes, 因 ...

嘩，一直都咁有準備。
係咪將課文內容睇吓，有個概念就ok.
我見阿仔本science 都開始深，我都諗緊係咪要叫阿仔先將課文睇一次先

little_yolky

S-Kwok 發表於 16-9-28 15:52
嘩，一直都咁有準備。
係咪將課文內容睇吓，有個概念就ok.
我見阿仔本science 都開始深，我都諗緊係咪要 ...

我以前自己係暑假時睇晒所有教科書, 因為有例題, 所以係睇完就明。上堂前一日, 會預習, 因為以前係由第一課順序教, 可以預習, 然後會溫習當日教過內容。

阿女依家返全日, 忙好多, 所以只係暑假睇晒教科書, 我觀察緊幾時要我出手幫佢。但佢無叫, 又無理由多事出手啫。