小四功課難了好多

細細粒媽咪

大家好
呀女剛小四, 發現D野深了好多, 之前我放工回家她大部份功課都完成, 但現在只可完成2-3本左右, 仲有3本以上未做.
我發現英文同數學明顯深了好多, 可能要用長了時間思考, 另好多時候都有約英及數有約3成唔識要問我, 因佢沒有補習, 我約6.30回到家看功課, 現吃埋飯都要8.30-9.00 才可完成功課, 功課多的時間可能要10時. 大家是不是都有這情況.

呀女三年級的成績算中上, 全級考40名以內.  

現在想找D數學及英文專科班(本地老師教個隻)給去讀, 希望有幫助.

請有經驗的媽咪分享一下.

huba

細細粒媽咪 發表於 16-9-24 17:58
大家好
呀女剛小四, 發現D野深了好多, 之前我放工回家她大部份功課都完成, 但現在只可完成2-3本左右, 仲有3 ...

既然是升了级，程度及要求自然也提升了。開學還未夠一個月，不如給女兒多些時間去適應一下新的節奏，不用急於找專科班。當然，如果女兒已儘力及開聲要求協助則要幫手了。

tutik

呀仔小四又係覺得深咗好多，每份功課時間都用多了，且如要改正，亦增加翌日功課量，且錯得太多或改正再錯，要小息去揾老師或留堂。所以我想唔查功課都唔得。
呀仔一星期兩日留校活動，時間真係好緊張。我冇諗過再揾補習比佢，因為訓都唔夠，我只想佢健健康康，應付到學校課程，keep 住有運動既生活。

babywoman

同我仔有啲似。
英，數都覺得深 咗，特別做數學時用多咗時間，找甚麼公倍數，公因數需花不少時間，英文要寫了草，亦花多咗時間，他在這個星期開始已有微言，希望他能克服到。
我地冇計劃找補習，數學就由佢 老豆去搞，中英我負責

tutik

回覆 IloveJJ 的帖子

好呀！近來有咩新體會呀？我覺得如果開始做功課小朋友應該做數先，因為如果擺最後，溫溫燉燉好多時連乘數表都會錯，根本就做唔到。仲有數學最好預先係長假期預習咗先。

S-Kwok

IloveJJ 發表於 16-9-25 09:45
我個仔呢，佢無乜野。我自己睇啲功課，係科科都深咗。
中文、常識: 問既野深入咗，要答既野唔係就咁填充， ...

我仔今年小三，又係答問題時會用自己嘅文字去寫，我覺得其實無錯，所以仲諗緊好唔好教阿仔要依書直宣。

tutik

IloveJJ 發表於 16-9-25 10:30
咁閱理呢啲，係要有嗰個字先有分架喎!

係架三年級必需習慣在文章中圈出相關句子，照抄當答案，呀仔上年用自己文字简略寫冇份架，我解釋比佢知，你現階段詞彙未夠豐富會答得唔貼題，照抄啦。今年我未研究情況係點。

conniecheung

我女都是，因為一至三年級 是我自己跟功課，晚晚都勞氣，會做到9、10點！自由活動時間好少！
今年四年級 ，功課多了、深了，我決定外判補習社，放學後下午茶，由4點開始補到6點半，7點返到屋企已經完成哂功課、溫哂書， 在家就很free，準時9:30-10:00上床訓覺！

SY_Joanne

原帖由 IloveJJ 於 16-09-25 發表
我個仔呢，佢無乜野。我自己睇啲功課，係科科都深咗。
中文、常識: 問既野深入咗，要答既野唔係就咁填充， ...

我個囝同妳個囝情況都相似，平日自己已係學校做咁啲功課，有時仲做哂番嚟！自己温習，相反起小三時，功課反而少咗！多咗時間玩同睇書!

阿囝話中文反而深咗好多，每星期要寫一篇隨寫文章，上星期仲要佢哋作詩，考起佢，因佢係呢方面比較弱，欠豐富想像力!

tutik

回覆 conniecheung 的帖子

補習社都好勁喎！一對幾仲快過呀媽人釘人，可能氣氛真係好啲，可以專心。呀仔去過兩個月功課班，啲導師狂鬧小朋友，兇到佢哋快快做加抄答案。
老師同我講媽咪你自己跟番好啲。。。。

@@

高小嘅閱讀理解好多時會問小朋友嘅見解/意見，我d 小朋友最差呢一環  

COE1205

@@ 發表於 16-9-26 08:43
高小嘅閱讀理解好多時會問小朋友嘅見解/意見，我d 小朋友最差呢一環  

...我仔都係小四,我都覺得今年中文閱讀理解真係難咗好多

little_yolky

IloveJJ 發表於 16-9-26 08:46
我仔無咁快手，但開學都試過响學校做，而家唔啦！佢話佢諗過，橫掂返屋企都要做，佢响學校都係睇下書好啲 ...

講下我女女, 佢都仍然响學校做功課, 可能因為跨區, 返屋企時間實在唔夠。

佢常識教緊疾病, 日日同C6講食呢樣又冠心病, 食果樣又話通渠水, 搞到C6樣樣都無得食, 好慘。
中文我又無留意, 只覺得量多咗, 至於深淺.......都係咁深啦。
英文............無聽佢講有問題, 咁即係無問題啦。不過, 佢話班同學覺得位miss上堂好悶。至於潦草, touchwood佢好鐘意既, 好似寫書法咁, 所以無乜困難, 寫得好開心。


數學最攞命, 多咗本高階。開學學HCF同LCM, 佢乘數表背得慢, 又唔識捷徑, 個個數係咁除, 計到喊晒。咁, 阿sir無教佢捷徑, 我又無理由教啫, 可能阿sir有策略呢, 我多事教咗可能仲累事。所以學期初睇住佢日日喊。近來, 見阿sir開始教佢哋快既方法(好彩之前無教, 原來阿sir真係一步步教既), 又話做高階唔識, 問咗爸爸都唔識做。嘩！爸爸都唔識, 咁深? 咁我睇下............唓, 有幾深, 計都唔駛計。咁我教完佢, 順便話埋俾佢聽, 高階呢本嘢唔係考你計數, 係考你概念明唔明, 只要明係唔駛點計, 如果唔明白題題要計, 真係做到天光, 咁考試點搞。佢終於 "叮" 咗一聲, 明咗, 做高階醒目咗。

睇嚟, 升上小四, 阿女仍需努力既, 仍然係體育科。

little_yolky

@@ 發表於 16-9-26 08:43
高小嘅閱讀理解好多時會問小朋友嘅見解/意見，我d 小朋友最差呢一環  
...

最搞笑開學初期, 佢話成日要諗嘢, 諗到個腦好攰, 笑死我。開咗學一個月, 適應咗了。