一默書我就激到喊

susi1024169

我仔都係咁，小學階段默書，10次都無一次合格，初初我都用盡方法要佢溫熟，但成效不大又大家辛苦，後來功課愈來愈多，我都放手由佢做完功課就算，測驗考試出默書範圍先專攻溫範圍，佢成績一直中上，因為其實默書只佔非常少分數，唔太影響成績表分數。
我心得係，每個人長處短處唔同，我果個記憶力係佢弱處，又係用盡好多方法都係成效不大，但隨住佢成長，佢會慢慢搵到佢獨有既記憶方法⋯

wan_sosin

原帖由 little_yolky 於 16-09-20 發表
點解阿妹知道家姐叻係因為勤力, 但佢仲係咁懶??????

呀妹心諗：咁鬼勤力做乜啫！又唔係一樣有得食有得玩有得瞓！懶D仲可以玩多D添呀！

little_yolky

IloveJJ 發表於 16-9-20 14:50
「觀察力強」都係天生架喎!講個例子: 我細仔幼稚園有默書，佢呢啲聰明仔，當然次次100分啦！咁慢 ...

觀察力可以透過視藝培養, 所以點解視藝要呈分。

little_yolky

IloveJJ 發表於 16-9-20 14:59
但你讚佢「觀察力強」既時候，係咪佢原本唔喜歡視藝，跟著透過視藝提升了觀察力先?如果唔係，咁佢即係無努 ...

千祈唔好咁講, 我家兩個孩子都係從小畫畫畫到大的, 觀察力就係咁練返嚟..............不過, 佢哋自己知唔知又係另一回事。
阿妹, 我真係從來無見過佢努力做過任何一件事。

little_kid

原帖由 IloveJJ 於 16-09-20 發表
如果是這樣，即是她已掌握了phonics，只是解決唔到phonics以外的小問題，咁佢係咪全部vocab都串到大部分， ...

係喎，我試下先。

little_kid

原帖由 wan_sosin 於 16-09-20 發表
呀妹心諗：咁鬼勤力做乜啫！又唔係一樣有得食有得玩有得瞓！懶D仲可以玩多D添呀！



  ...

你哋好好笑。 有方法教， EQ又高。

little_yolky

IloveJJ 發表於 16-9-20 15:14
咁你讚佢「觀察力強」時，咪話呢個就係因為你從小學習畫畫既結果囉！跟著加多句，証明有恆心就會成功，例如 ...

游水例子你係話我定阿妹? 如果係阿妹, 佢已經識游自由式了。位教練太厲害了。

波蘿包1

睇完樓上我都試下學下唔鬧人 平心靜氣教
再係咁鬧我都驚自己情緒差 希望有進步啦

simonwan

little_yolky 發表於 16-9-20 08:46
我哋學校部份家長(唔係小部份)好奇怪, 覺得如果學校測考默次數少咗, 小朋友會散咗, 會唔keep住溫習。舊年多 ...

好簡單姐！你同校長講，由下學年度開始，贊成多默多考多功課就編埋一班，想少功課的就另一班。每班功課默書測驗量不同，少功課的班就以閲讀爲主；甘就全部人happy 啦！順便做埋實驗，到畢業時就知道功課默書系唔系有用？

LuckyFish

我囝小一明天第一次默中文，呢幾日努力同佢溫，每日溫三個詞語，但發覺昨日溫過的今日又會唔記得，本來日日都溫到發火，咁啱睇到呢個舖，真係諗通好多。 我囝問我默書唔識會有咩後果，佢應該係驚比老師罰留堂，我於是同佢講：「媽咪盡力同你溫，你都要盡力記，到時盡力諗吓點寫，不過如果真係唔記得都唔緊要唔駛驚，唔識果啲老師會要你改正，寫多啲等你識囉！」 想起佢幾個月前還是幼稚園學生，其實呢兩個幾星期嘅小學生活真係同以好唔同，睇電視／玩／食飯／做功課／沖涼／睇書／瞓覺，真係每一樣都好趕好唔夠時間咁，佢都要時間適應，得果6歲人囝，真係唔想比咁大壓力佢。

little_kid

白費了我一星期同佢温書！ 明天默，今日再温點解可以全部錯哂！ 點解佢個腦好似漏斗，入幾多漏幾多？ 我真係唔明！

Sassa

身同感受，日日默一次都錯真係激到你到爆血管, 真係唔知可以點幫佢，仲要發脾氣，我細個默書通常都100分，從來唔使父母擔心

tinaleung

susi1024169 發表於 16-9-20 14:41
我仔都係咁，小學階段默書，10次都無一次合格，初初我都用盡方法要佢溫熟，但成效不大又大家辛苦，後來功課 ...

請教, 默書的目的係儲字庫, 答測卷其實當不供詞或作文時, 你小朋友點面對,

謝謝

MrBeast

little_kid 發表於 16-9-21 22:40
白費了我一星期同佢温書！ 明天默，今日再温點解可以全部錯哂！ 點解佢個腦好似漏斗，入幾多漏幾多？ 我真 ...

其實你試過什麼方法？有冇一邊個方法可以入到短期記憶（ie 記到幾個鐘至一兩日）？之後通常點錯？

skkeung

小學 階段只是態度問題，要從小培養！