不能集中, 過份活躍, 多言, 情緒易沖動, 有冇經驗家長 ?

bbkisskiss

女女就來3歲, 經常坐唔定, 走來走去, 多言, 不能集中, 情緒極容易沖動, 經常做D唔啱的事:
如: 打人, 大叫, 叫咗唔好搞都不停咁搞, 每樣野都要叫10次先做到咁... 有時真係吾識點處理, 打罵確實唔係一個好方法, 我地唔想日日咁鬧佢, 況且佢唔驚,

經驗家長, 可以分享下你地點教小朋友 ?

bestwish

都似ADHD, 係冇得教, 真係講極都唔聽, 我現在都開始投降。唔係唔想教, 而係跟本就係病態, 你點教都唔會聽你講。現在相反用多D愛, 唔太過份, 我都費鬼事理佢。我囝又係超沖動, 好少事都發皮氣。

可以問下CAC 幾多歲可以做評估, 可以排定期。

katy211

講 d 社交故事, 獎勵好行為

luckygirl2011

小朋友玩玩具, 聽故事有沒有耐性?

bbkisskiss

回覆 bestwish 的帖子

你有冇去做評估?

bestwish

bbkisskiss 發表於 16-9-15 10:07
回覆 bestwish 的帖子

你有冇去做評估?

私家醫生評估左係ADHD, 不過唔嚴重, 唔使食藥住, 另排左CAC & 政府精神科

bbkisskiss

回覆 bestwish 的帖子

你仔幾大呀 ? 我都唔想成人鬧佢, 我巳經好有耐性, 但如果佢打人, 話十次都唔理時, 真係冇理由唔鬧, 怕會竉壞咗佢, 有時真係唔識點做好

annie0517

我女細時都係咁，仲超快。你快啲去做評估，6歲前係黃金期做訓練，就算唔㩒到佢活躍，都要教曉佢規矩，大大下會慢啲，懂得自制時，就會有規矩。你鬧佢冇用，佢自己控制唔到，佢都唔想，你自己要响佢面前講嘢同做嘢都慢啲，慢慢cool down 佢，問佢做咩頭先咁做，理解下佢嘅原因，有時佢哋有佢地嘅理解，未必係錯，但行動中如傷害到別人，你就响佢冷靜時，先認同或表示理解，如"原來你係咁諗"或 "我又冇諗過喎"，唔好先話佢錯，最後先同佢講: 不過，剛剛咁郁會整到其他人，所以要小心，etc.... 我哋係父母都唔理解明白佢哋，就冇人明白開解佢哋。我知有時係好氣餒，但唔好放棄，你都放棄就冇人幫佢㗎喇。

annie0517

仲有佢哋摸嘢，係佢哋嘅學習方式，用觸覺，有啲小朋友用聽覺，有啲視覺。但就會比人覺得佢哋多手多腳，其實侜好慘，佢天生係咁。你試下迫個用聽嘅小朋友用觸覺，佢都會無所適從，發皮氣，係好正常。

bestwish

原帖由 bbkisskiss 於 16-09-15 發表
本帖最後由 bbkisskiss 於 16-9-15 15:32 編輯

回覆 bestwish 的帖子

禁我仔又唔會係出面打人，如果打人就當然要鬧啦！

bbkisskiss

回覆 annie0517 的帖子

我而家都覺得佢地係唔可以惡對佢, 因為係冇用, 佢地唔驚, 反而仲反效果.. 我都學緊要先冷靜咗佢先, 再慢慢同佢講。咁應該帶佢去邊做評估 ? 但我聽過人講話如果政府做, 會有record , 唔知會唔會有影响..?

annie0517

我都唔知，我女嘅高班老師建議我主動同小學老師講，唔係老師先介定咗佢係曳，不斷罰佢，仲麻煩。依家開咗學2-3星期，仲未知有咩影響。你可以去私家醫生評估咗先，先開始咗訓練。政府有排排，我女排咗年幾先見到心理學家，到時心理學家判到症，你都排唔到服務啦。我女都係用私家醫生信，嗱嗱聲去排先排到兩年eetc.

bbkisskiss

回覆 annie0517 的帖子

好, 唔該哂你

bbkisskiss

回覆 annie0517 的帖子

介唔介意PM 我邊間私家醫生, 我住 TKO架

朱古力小b

bbkisskiss 發表於 16-9-12 16:21
女女就來3歲, 經常坐唔定, 走來走去, 多言, 不能集中, 情緒極容易沖動, 經常做D唔啱的事:
如: 打人, 大叫, ...

我唔肯定你囡囡的情況算不算ADHD,不過行為同我仔有8-9成似，我仔2歲半開始有呢種情況，之後排cac+私家又做過評估。現在3歲半，報左個course（現在仲上緊）係類似行為治療，是教管教方式的，每星期上一堂的，現在上左一大半，我仔改善左好多，如果低收入家庭好似仲可資助，有興趣pm我，費事人地以為我sell野jm一齊加油

bestwish

朱古力小b 發表於 16-9-20 13:06
我唔肯定你囡囡的情況算不算ADHD,不過行為同我仔有8-9成似，我仔2歲半開始有呢種情況，之後排cac+私家又做 ...

只係家長上堂, 是嗎?

朱古力小b

bestwish 發表於 16-9-13 11:35
都似ADHD, 係冇得教, 真係講極都唔聽, 我現在都開始投降。唔係唔想教, 而係跟本就係病態, 你點教都唔會聽你 ...

小朋友幾歲啊？

朱古力小b

bestwish 發表於 16-9-20 17:30
只係家長上堂, 是嗎?

係家長+小朋友一齊上，家長要用耳機，導師在玻璃鏡後看到你同小朋友，佢一路教你d技巧，密集式咁去訓練！

katy211

我囡囡同你小朋友情況差不多
如果好多方法都試過但都無改善的話就去見醫生先，叫佢寫信排公立醫院
小朋友仲細俾D耐心教
我囡囡醫生話首先要改善左行為，唔好影響學校社交生活同學業，
再搵方法慢慢訓練。一但社交生活出現問題就會引發好多其他問題出現
我覺得都幾岩

fm721

各媽媽們，大家好，我最近也開始懷疑囡囡有些疑似過度活躍症，囡囡現時2歲9個月，有返過N班，係12月細B，現時讀緊K1，由N班到宜家K1我都有問老師佢返學情況，老師都有話佢係課室有走來走去，我有問番佢咩事行開位，佢就話同學仔都有走開，我估佢意思係佢跟風，見人行佢又行，另外，問老師情況時有提及到話佢排隊時成日東張西望，叫我多啲提醒佢，同係屋企教下佢排隊，我同樣問佢點解，佢話佢想望下啲同學仔，囡囡唔算多言，但佢成日重複條問題問幾次，我答完又會再問的，脾氣唔太特別差，有時百厭我鬧佢佢會聽的，但一去到新環境佢就會走來走去次次都要叫佢先會跟番我地，請問囡囡既情況算唔算專注力低及過度活躍呢？如果要評估可以點搵相關機構呢？謝謝各位幫忙