孩子很hea,仍會供他海外讀書嗎?

進進媽

如題

進進媽

仔仔現在中四,在香港完全沒有動力讀書,今年忽然話要到外國讀書,他心態是覺得海外較興鬆及感覺他想途避dse.感覺很迷惘,明知他在香港,也不會有大進步,只是在捱,希望他到外國接受教育會有所改變,但又怕他到外國也一樣hea,本身不是大富大貴,供孩子讀書也是很慳才有能力供,家長們,請問,外國讀書真的能令孩子改變嗎?換轉你們,會怎樣選擇呢?

brother4

會的買個希望，但選英國政府预科中學約1萬五千鎊(學費包宿舍)，2年AL，報非聯招本地大學，平均每間大學有二個選擇，可選熱門科及容易入科較保障。

亞旺媽

回覆 brother4 的帖子

我都係有呢個問題呀~ 我仔係香港又係好hea, 但我知佢好聰明, 唔知咩原因, 佢就係讀得唔好, 成績又差~

1998Ruby1998

我雖然唔係家長，但係我想分享交流一下。
我自己今年過去英國讀書，我阿媽話係一場“一百萬的賭博”。筆錢係阿爸阿媽儲30年的錢。
我雖然畀老師讚我聰明，肯努力讀書就一定考得好，但偏偏我就好似爛泥扶唔上壁，恨鐵不成鋼。我唔玩Facebook Instagram，唔出街同同學玩，唔打機（我親手剷電話game app，因為我突然有一日唔想玩）。但係我對住本書／notes，我就睇極都唔明，中文考試差到reading卷 100分我攞30分，數學又不夠好，仲要讀account 同econ，簡直就攞命。阿媽更加話“你入大學機會渺茫，都係快d搵foundation／college。”
面對住DSE來臨，老師每堂都叫我努力溫書，日日補習，禮拜六日都又朝補到晚，我感覺麻木，學校咩“人生規劃”課，淨係講DSE同揀大學，只字不提畢業以後應該點。

考完試之後，我以為自己會好開心，睇翻以前因為溫書冇睇的節目同打機。但係原來事實係，我心好空虛，DSE的重擔消失，就好似人生唔見左目標。原來學校冇教過我DSE後應該點行，淨係教我讀書。呢段時間，我去幫小學補習，我先搵翻自己掉低十年的鋼琴同埋有想做的工作。

放榜之後，成績比預期好多，都有本土大學offer，雖然阿媽明顯想我留翻香港，就算我懶唔讀書都可以好似以前咁督促我溫書。但係我依然揀左世界排名低幾十名的Birmingham。阿爸阿媽唔睇好我，話我咁懶，去邊都冇用。

但係我想試下自己，總有一日我要離開父母，總有一日我要靠自己，我冇可能成世都畀父母督促。我都同補習小學生的爸媽傾計，他們都鼓勵我出國，他們裡面有兩個更係去英國讀書添。他們話，要一個人獨自處理學業同其他事先會知道一個人的能力和興趣。學生係香港懶散可能係搵唔到興趣同鬥志，加上香港讀書文化，父母“皇帝唔急太監急”同補習，變相依賴，喪失目標同鬥志，讀書邊成滿足父母的工作，而不是為自己的將來。

但係我從來未試過咁期待讀書同積極去搵讀同一科／住同一個hall，以前的我求其就算，鵪鶉到唔咁同陌生人講野，但係今次我自己主動要同大學代表 interview，email 大學都係我自己去send，冇人逼我做。我覺得自己沉睡左的鬥志翻生。

外國大學係輕鬆，但係要求學生主動學習，呢樣野我地香港咁多年讀書都冇，一下子冇父母監督，老師冇要求交功課，真係會有一部分的學生變得更懶散。但係我想，唔試真係唔知能力，雖然呢個要洗好多錢，但係起碼畀學生同父母一個交代。我有3個同學Form 4 因為學校成績唔好，中文都唔好，所以去外國讀書。依家有兩個讀Aviation，讀得開心過以前。另一個派左第一次AL成績，4條A，呢個她係香港點都讀唔到咁高分，頂多攞4。

如果去讀sixth form／boarding school去考AL，我相信都會有幫助，班size少，學校分配畀學生的資源既平均又多（香港學校行精英制，成績唔好被遺棄一邊），學生有可能會在求學時認識到讀書好的朋友，也有老師指導，應該會搵到人生真正的目標。我阿媽以前係英國讀中學，過到去的時候，她成績最好（英國人程度淺得制），於是阿媽為左可以稱霸同衛冕第一名，努力讀書。

諗深一層，考DSE報大學果陣，18歲都未夠，就要決定自己以後40，50年的生活，其實真係好慘。

但係有樣野英國讀大學一定畀香港好，就係大學多，就算成績唔夠好鬥唔會好似香港咁冇書讀。如果去較次等的大學讀，收生門欄低好多（BBB或者BBC，即係大概DSE 444，443，不計中文 LS）。翻來香港打工的話，老闆對讀外國大學的人唔睇邊間直接睇見工表現（呢個係我有做HR的師姐＋補習學生父母講的，唔知係咪真），相反讀local的，第一間事就係睇邊間，理工，浸會，城大都會次等左（除非你做律師，會計等有牌的工作）。

ricetaster

答案唔係真嘅！ 你去中小型公司或者可以，去到具規模公司，尤其你係第一份工，除大學名氣及成績外，中學公開試成績，校長testimonial 都睇，好多人唔需要醒覺已經有你嘅水平，始終競争者多，希望你有水平以上嘅communication skill 及臨塲鎮定， 做好面試問题，有定心理準備唔知要見到第幾份工先有人請，千萬不是给interviewer一種 down 嘅感覺，神采飛揚一些。

brother4

有經濟能力及孩子肯去，可一試，英多數活動教學，及香港教得比英快 如數，希望孩子讀得開心及自信心回來，能夠開竅。

brother4

good,在英是讀什麼科?畢業未?

1998Ruby1998

回覆 brother4 的帖子

我讀英文系，Year 1

brother4

先借小小地方，講題外話，孩子小學有學習問題，需要支援，升中派二綫中文中學，中ㄧ考全級尾尾，孩子想入8大的目標是不可能，半推半就去英國讀AL，成績Ok,有英大學offer,但孩子出國另一方面是失敗(除讀書外)，原因孩子ㄧ罐罐頭如五香肉丁+陽春面，食足7餐，再讀多三年英國，一定營養不良，孩子知父母賺的是血汗錢(誇開咗) 。自己中學己放手，原因教育王國是一本教育天書，日日看約二星期才全看一次，得到好好啟發。如讀到書邊到讀都可，大學生/海歸派工作估約1萬多，如買樓5xx萬，唔食唔使儲50年，升職加薪快一點，不如用留大學錢幫孩子上車(是否轉直升機家長)

亮燈

原帖由 brother4 於 16-09-07 發表
先借小小地方，講題外話，孩子小學有學習問題，需要支援，升中派二綫中文中學，中ㄧ考全級尾尾，孩子想入8 ...

四阿哥，恕小弟不敢苟同。如我有錢買樓，我寧願將筆錢供佢去英國讀書，將來讀完書，做乜野工？買唔買樓？佢自己決定及承擔，唔關我事。因為，就算買樓俾佢，生性就好，唔生性就樓都賣埋，袋袋平安！激到斷氣都似，所以，我只供完佢讀書，以後既事，不理免煩惱。

manning2014

回覆 1998Ruby1998 的帖子

非常好的分享！比有用真實資訊給樓主去衡量自己的情況，並不是隨便叫人有能力就去啦。去外國留學並不是教育仔女的靈藥。不要以為喺度睇得多成功嘅個案，就成功機會大。因為失敗嘅、都唔會上嚟同你講，被人笑。祝願妳有個愉快嘅追尋夢想和 life-changing 留學經驗！

brother4

講得對，私樓冇錢，想抽居房白表，次次排隊尾，估樓要用自己名買，激死後冇眼看(又題外話)

brother4

英文出路，朋友英畢業後，落地生根，教書老師，亞細放假住佢家。另一位回港教書，後轉入政府工。

brother4

真有很多失敗去咗大陸/台湾升學，講番同孩子講非聯招全報 ，選高分及容易入，最後孩孑只報三大佢自己想的科，俾佢激死，入唔到想過從始消失，上天安排，俾自己繼續吹水(分享)

NanaLi1127

四阿哥:你個仔不是入到三大了嗎?

brother4

好彩，慢車邊，8月尾尾入咗

brother4

*摱*車邊

進進媽

很多謝各位心得,同仔仔傾了,過去一樣要讀書,只是教學方式可能跟香港有分別,他表示已一早知道,只是在香港真的沒有心機讀,希望到外國一試,既然咁講,可能我真的應該比佢一試。

brother4

不只教學不同，肯努力取高分不難，祝學業有成。