迎接升中，請教點樣操英文會話？報course?

happy105

請大家指教一下

Grandplace

回覆 happy105 的帖子

報英國文化協會，果度學英文ok的

Kathy_bo

要勤力

Yanamami

其实語文好难立時三刻会改善，要長時间浸，臨升中先操，成效不彰｡不过做点都好过唔做~只係上堂作用唔大，—班人講到两句三句？如佢無信心可能－句都唔肯講？或者小班三四个人甚至1:2私補会好d? 不过听寫讀講同期進補会好d, 上Youtube睇多d英文節目，tune下耳仔，令佢feel comfortable去講会好d.从生活中盡量提供机会接触英語(明珠930有好多好節目)~
http://www.edu-kingdom.com/forum.php?mod=viewthread&tid=3322365&extra=page%3D2

c1234

回覆 Yanamami 的帖子

謝謝妳分享

little_yolky

Yanamami 發表於 16-8-27 11:30
其实語文好难立時三刻会改善，要長時间浸，臨升中先操，成效不彰｡不过做点都好过唔做~只係上堂作用唔大， ...

阿女依家升小四, 我報咗oral班, 我都覺得遲咗。阿蛇話佢無信心講, 佢已經响學校上咗幾年drama, 真係一D用都無, 佢自己都話drama上埋今年就唔上了。其實香港傳統既學校, 小朋友講英文既機會真係=0, 無辦法。希望學得幾年會好D。但就唔好彩, 西人班响星期一, 趕唔切, 只可以報星期六BBC, 我都係鐘意外國人多D。阿妹就慘, 要執既嘢太太太多, 未輪到oral, 仲排緊隊。

妹妹頭

回覆 Yanamami 的帖子

我都非常同意, 語文真係唔可以食特效藥, 我個女都要由小一開始進補中文同英文, 到小四至叫做唔駛我再擔心, 我都放左4年時間至開始有收穫, 繼續小五同小六, 希望上中學可以比較穩定

Yanamami

little_yolky 發表於 16-8-29 11:34
阿女依家升小四, 我報咗oral班, 我都覺得遲咗。阿蛇話佢無信心講, 佢已經响學校上咗幾年drama, 真係一D用都 ...

其实揾班上要揾d真正用得著英文既班，未必指定oral班……唔知点講~
例如阿女幼稚園上phonics, 或去澳洲国際学校/耀中既Sat course(唔一定係oral, 可以係综合，甚至兴趣班)，寫作班(briefly上过短期)……班中老師自然全英，連小朋友之间可能家庭对英語重視程度相約，从小浸开英文都樂意用英文溝通……而唔係上果种course, 全班都英文底弱，大家都唔敢講既班｡暑假好多地方有辦英語camp,浸亦从生活層面多接触，去旅行去到英語国家亦鼓勵多听多講……真係点可以靠平日番学吖~家長要从小不断搵机会浸佢㗎｡我女好彩小五六係英語科主任做班主任，所以都多机会講英文，佢虽然係讀中小，但班內同学间竟有唔少時间用英文溝通，無人逼喎，即表示佢地对用英文溝通已到舒服地步~

小時了了

little_yolky 發表於 16-8-29 11:34
阿女依家升小四, 我報咗oral班, 我都覺得遲咗。阿蛇話佢無信心講, 佢已經响學校上咗幾年drama, 真係一D用都 ...

過來上水跟我女間英文 center 學好過啦 (星期六2:00 - 3:30 或 3:30 - 5:00) 我女跟嗰個女Miss 跟咗一年, 上Trinity Oral 班 (但我唔考試的, 因為我純粹俾阿女每星期有1.5hr 同外籍人士溝通而已). 我呢兩年幫阿女去過幾間英文 center 上英文 Oral 班, 佢最鍾意呢個, 因為呢班夾埋佢只有 3 個學生 (最多5人), 成堂純吹水講野, 無咩野功課, 佢話無壓力

我兩年前曾經幫阿女報英文朗誦班, 係英國女Miss , 呢個仲好啲嘅, 每年校際英文朗誦節跟佢學嘅學生必攞獎, 但阿女唔鍾意上台朗誦, 又覺得個Miss 要求高及嚴 (即是每一個字英文發音要好準, 尤其係英文尾音一定要有, 發音唔正確不斷要阿女糾正及講到正確為止, 又要有感情, 又要有少少動作, 每晚係屋企又要自己練習.....), 阿女好唔鍾意.

本來打算今年9月再報呢個Miss 英文朗誦班, 諗住攞個校際英文朗誦獎用來升中用, 但阿女打死都唔肯再報, 唔肯上台比賽唉! 考呈分試已經壓力大喇, 咁情況, 阿女咁抗拒我都唔逼佢, 尤得佢輕輕鬆鬆係另一 英文 center 用英文吹水無壓力下講好啲英文好過

little_yolky

Yanamami 發表於 16-8-29 12:07
其实揾班上要揾d真正用得著英文既班，未必指定oral班……唔知点講~
例如阿女幼稚園上phonics, 或去澳洲国際 ...

佢哋從小我已經只准佢哋睇英文電視& youtube, 阿妹好醒架, 次次想睇電視就同我講：媽咪我想學英文。不過大咗, 常識堂要睇新聞, 所以都有睇中文電視了。家姐薄皮囉, 就算普通話都係阿妹講得好過家姐, 阿妹係厚面皮型, 就算唔識都照講, 用身體語言搭夠果隻。唉, 真係人人有一瓣要你煩。

暑假我都捉咗家姐上英文course, 一日oral, 一日writing, 佢唔同工人姐姐講嘢架, 又係C6累事囉, 乜都同佢做好, 唉！所以小朋友學習真係朋輩好重要架, 佢班同學都幾hea下, 佢又唔好彩, 唔知點解4年班主任有3年都係中文科老師, 加埋佢個性格, 真係.........唉！啱啱去完旅行, 真係人哋問佢幾多歲, 佢都唔敢答架。

anthony8899

請問大家有沒有上過monkey tree? 可以嗎?
金鍾BBC 唔就脚...

little_yolky

Yanamami  幼稚園係英普班？  發表於 半小時前


係村校, 我依家都好後悔點解當年無諗過報國際學校幼稚園。

妹妹頭

回覆 little_yolky 的帖子

唔怕, 膽量係訓練番黍, 我個女小一, 小二都好細膽, 真係人地問佢叫咩名, 佢都唔敢答架, 二年級下學期踼佢去幼童軍, 仲要唔係學校果D (唔想又係見慣見熟既面口-老師), 到三年級已經敢作敢為, 小四仲做埋隊長, 可以去CAMP時自己教小朋友, 會報番比領袖, 依家講咩都好大膽, 唔再做膽小鬼了

Yanamami

little_yolky 發表於 16-8-29 15:19
Yanamami  幼稚園係英普班？  發表於 半小時前

有人認為小朋友先学好母語再学外語，但其実学好母語到幼稚園N班真已可加外語(但必須係常接触果种，4歲学西班牙文，每周—堂，平曰無再reinforce係嘥氣)，关鏈係同佢講开果个語言既人唔好忽中忽英，半句中半句英，要持續講同－个語言，禁幾細开始都ok. 我同学嫁鬼，佢同女講广東話，老豆同女講英文；我姑姐嫁法国人，－样practice, 小朋友能流利講两种話，全無混淆。

妹妹頭

回覆 Yanamami 的帖子

我都識一個小朋友係MIX, 佢同老豆講流利既英文, 同阿媽就講純正既廣東話, 但同阿婆, 竟然講(可以接受既)普通話, 真係好得意, 可以即轉CHANNEL.  果個小朋友都只係得6歲咋

TwinWong

little_yolky 發表於 16-8-29 11:34
阿女依家升小四, 我報咗oral班, 我都覺得遲咗。阿蛇話佢無信心講, 佢已經响學校上咗幾年drama, 真係一D用都 ...

DRAMA 只係記住台詞, 同操到一点信心, 但成效都會有少少, 起碼讀音會好,
上到英中, 老師會要求囡囡回家用Q CARD 寫定3-5分鈡ENG SPEECH,
然后向下堂要續個學生出來講, 跟住會比返張評分紙啊囡, 睇到囡囡大約ORAL 能力去到邊,
讀音, 自信, 創作, 英語混用得如何, 如果無Q CARD 即場發揮同學仲會高分D, 中一會多点这样安排,
仲有另一堂以小組形式, 學生要自做英文劇本, 同學自己安排分配角色, 考試这部份有佔分,
做得好, 老師會錄底做日后參考用
小四可以試上英文NEWS, 外藉老師教同學生小組討論近期新聞大事, 我當學埋通識,
如果囡囡上堂認真有進步, 會叫你跳班跟初中一齊上堂

little_yolky

TwinWong 發表於 16-8-30 08:48
DRAMA 只係記住台詞, 同操到一点信心, 但成效都會有少少, 起碼讀音會好,
上到英中, 老師會要求囡囡回家用Q ...

我囡囡依家上緊係oral course大概係咁, 次次有一個主題, 例如 "noodles", 咁幾個同學仔輪流發表, 根手老師會將同學仔講過既寫响白板, 大家寫底。仲有幾個老師希望同學仔識既生字叫同學仔記。

至於討論news, 係advance course, 阿女太屎未上得住, 係老師揀一小段新聞, 然後同學仔討論。以阿女既程度, 我諗六年班都未上到。

little_yolky

IloveJJ 發表於 16-8-30 09:44
「啱啱去完旅行, 真係人哋問佢幾多歲, 佢都唔敢答架。」咁睇嚟你女既信心真係好弱喎，我仔去到旅行好夠胆講 ...

佢開學係上oral班唔係writing班。因為佢無抗拒................

噚晚規定, 睇完一本英文書, 要將書名寫响本簿仔度。今次好喇, 噚晚無端端阿細問, 點解家姐唔睇佢書架既英文書, 我同佢講, 佢書架既英文書家姐好細個已經睇晒了, 仲有中文書都係, 你落後咗家姐好多, 佢顯得好憂心。今次好了, 佢終於好似明白自己落後咗了, 知恥近乎勇, 我話同佢一齊努力追返上去, 佢好有決心咁。希望大既唔掂, 細既都掂丫。