聖心 vs 聖家

sheffield

回覆 bon173173 的帖子

私小。

christy2011

回覆 kongman 的帖子

會不會考慮嘉諾撒聖方濟各小學?  都係谷, 但起麻多D位上中學

mmpo

christy2011 發表於 16-8-3 11:09
回覆 kongman 的帖子

會不會考慮嘉諾撒聖方濟各小學?  都係谷, 但起麻多D位上中學 ...

我知ST. FRANCIS好似８成上中學，但成績係咪聖心書院好Ｄ呀？

christy2011

回覆 mmpo 的帖子

雖然聖心中學係1a, 聖方濟1b但公開試成績大家差不多

kongman

annie0517 發表於 16-8-3 09:28
我自己係讀聖心私小，只係記得好辛苦，唔開心，因為成績唔太標青，都係冇得參加任何課外活動。當然，依家大 ...

是否私小比津小讀得辛苦？

annie0517

原帖由 kongman 於 16-08-04 發表
是否私小比津小讀得辛苦？

當年我估係，因為私小大部份科都係英文 (如Science, Hygiene, history, geography, 等)，只有中國語文，社會和聖經係中文。而聽講津小就多啲科用中文。依家唔知有冇變。

kin921

回覆 annie0517 的帖子

那麼最後細妹去那一所中學讀呢? 那讀聖心真的不輕易呀...

marwai_1030

原帖由 annie0517 於 16-08-04 發表
當年我估係，因為私小大部份科都係英文 (如Science, Hygiene, history, geography, 等)，只有中國語文，社 ...

現在初小科目：
中文：普教中，補充快一年
英文：教科書快一年，但加上worksheets（校本課程）
數學：約快半年
常識：中文授課
科學：英文授課，三年級開始有此科目
音樂：課本用中文，但聽阿女和其他同學講，老師係用英文授課
餘下其他科用廣東話授課

bb560

原帖由 kongman 於 16-08-01 發表
同是嘉諾撒會的學校，港島兩所聖心和九龍兩所聖家，哪一所讀得比較開心（功課量、測考次數、課外活動、師資 ...

我囡三年前係聖心私小畢業。我都問我囡好多次:小學讀得好辛苦呀？出面個個都咁講！你喜唔喜歡學校呀？我囡話:多野讀架！不過鬥得非常開心，哈哈哈！……我梗係喜歡學校啦！……我囡都問其他讀得前嘅同學，個個都讀得好開心。

其實校長黃修女都講得好清楚，佢對學生係有要求嘅。係我眼中，我覺得校長嘅要求係合理嘅，……基本上，每個星期六，日，都要用一日溫習……慢慢，我同我老公都習慣啦。

我囡以前每日落校車，就會同我講學校嘅開心野。

sheffield

其實間間學校都有人覺得辛苦，有人覺得唔辛苦…看學校位置，半天/一天和測考次數等是否能配會自己吧！聖心返7:40，放12;45。有人睇小朋友又可乖乖做好功課等爸媽放工ok，如不能，要等爸媽回家才做野，第一朝6點要起身…死梗！如是九龍區住，先check保母車上車時間吧！另要一提，保母車費貴的…check好晒再考慮下自己家庭一般生活習慣再決定吧！

964000

其實呢幾間差不多，看邊間近及喜歡全日半日/校舍設備再決定

oh_really

christy2011 發表於 16-8-3 11:09
回覆 kongman 的帖子

會不會考慮嘉諾撒聖方濟各小學?  都係谷, 但起麻多D位上中學 ...

我住喺聖心附近，識好多人而家或以前讀聖心。聽過一個媽咪以前讀聖方濟各，覺得太嚴唔鍾意，佢囡囡讀聖心津小就話學校好好，讀得開心。但除咗呢個 case 之外，我識嗰啲無論以前定而家，私定津，都係讀得頗辛苦，同學們都好叻(特別係私小)，資質唔夠好嘅，初小尚可靠勤力補救，有啲去到高小就跟唔到。不過因為聖心程度高，升上其他中學時成績又會好好。
我隔離屋個女由聖心幼稚園升上聖心私小，我聽到個媽咪因為讀書、功課問題成日鬧個女，後來轉咗去國際學校，就再冇聽到佢鬧女喇。


明白呢啲都係個別 cases，但我個人唔 buy 教快教深，所以4年前我囡囡揀小學時，即使近我都冇考慮過聖心。最後自行入咗灣仔聖方濟各，囡囡今年升小四，學校都唔係話輕鬆型，但又並非外界講得咁谷咁嚴，我女讀得好好。

純個人分享，不喜勿插。

964000

原帖由 oh_really 於 16-08-08 發表
我住喺聖心附近，識好多人而家或以前讀聖心。聽過一個媽咪以前讀聖方濟各，覺得太嚴唔鍾意，佢囡囡讀聖心津 ...

不過聽説這幾間，校風差不多，但最谷排序好像是：
天神>聖心=聖瑪利>聖芳濟=聖家
應該谷多D成績又好DD咁

sissysze

原帖由 964000 於 16-08-08 發表
不過聽説這幾間，校風差不多，但最谷排序好像是：
天神>聖心=聖瑪利>聖芳濟=聖家
應該谷多D成績又好DD咁

九龍城聖家應比天神更谷

beagoodman

聖芳濟唔清楚，聖心有教深教快，天神也是，一年級書單已需買2年級年書，二年級已開始有精英班。聖家無教快無教深，一至六都無分精英班。九龍城聖家6月頭考完試，一直到七月中放暑假都係返兩個半鐘，只做一些活動無書教，有家長覺成個月太hea。

siden

原帖由 beagoodman 於 16-08-08 發表
聖芳濟唔清楚，聖心有教深教快，天神也是，一年級書單已需買2年級年書，二年級已開始有精英班。聖家無教快 ...

我恨不得一年hea足九個月

beagoodman

原帖由 siden 於 16-08-08 發表
我恨不得一年hea足九個月

如果你小朋友真係咁hea，你可能......

百貨應百客，有d人鐘意谷的。

siden

原帖由 beagoodman 於 16-08-08 發表
如果你小朋友真係咁hea，你可能......

百貨應百客，有d人鐘意谷的。

係。

我真係覺得十歲以下小孩子每天生活應該像西方國家小學一樣。呢啲先叫童年。香港谷埋一大堆書蟲出來，將來遅早出問題。

有＄我一早讀咗國際學校啦。

九龍城聖家咁嘅工作量，到了六月考完試，都仲嫌果一個月hea，呢啲家長心態令我費解，想相信應該只是少部分家長。我覺得學校安排了六月返半日又有活動日不知幾皇恩浩盪。最好六月中開始就放暑假更好。

bb560

原帖由 oh_really 於 16-08-08 發表
我住喺聖心附近，識好多人而家或以前讀聖心。聽過一個媽咪以前讀聖方濟各，覺得太嚴唔鍾意，佢囡囡讀聖心津 ...

我囡本身都係由聖心幼稚園上……幼稚園上學前嘅家長日，認得一個小朋友，因為佢（A）身形比較高，之後，係課外活動，識左A同A媽咪……個日家長日，我同我老公已經同時認為，A嘅邏輯思維非常高，如果個個都係A咁，我囡無可能考到幼稚園啦！……但係A讀完小一後，跟唔上，考得好後，就轉左去第二間學校……我同A媽咪傾完，先知道A訓嘅時間好少，可能得四、五個鐘（依個係佢家庭私人問題，我唔方便講）。……我識嘅另外一個小朋友（B），因為住得近，我都知佢又係訓得四、五個，因為B同祖母訓，祖母唔訓，B又唔訓。係我眼中，大部份小朋友嘅智商，非常接近，反而有d叻過龍，識得閃……有d家長，兩個8、9點先返到屋企，無時間理小朋友。

bb560

俾我再揀，我都會揀聖心私小……其他三間無資料，唔識比意見。以我識嘅學生（現時約小三至中六，我講嘅係其它學校），通常，如果佢地讀嘅小學，派位比較好嘅，各小學都對學生有要求，……等於，依個世界係無免費午餐，…以我所知，如果間小學無要求，而又學業水平高，只係家長谷，不過無週圍講姐。