村校女孩考小一

甘恩

回覆 明天更好！ 的帖子

現在仍未到報名高峰期，你已為囡囡報了十間，相信最後報25間亦不出奇。試想想囡囡要經歷最少25次面試，如果有一半可進入第二輪面試，便要37次。有些學校甚至有第三輪，面試數目可能再增加。8月尾開始每個星期六都要面試，有時甚至要請假面試，亦可能同一日趕兩場。即使大人不覺得辛苦，小朋友亦不會好受得哪裡去。老實說，有些學校學費太貴，加重屋企開支，要節衣縮食才可以讀，那為何要報？有些學校離家太遠，小朋友日日在校車坐個半鐘，又何必報呢？如果自己崇尚愉快學習，一些傳統教學的學校為何要報呢？我個囝仔今年亦考小一，到這一刻只報了2間。本身亦只打算報8間。

Baymax

其實報十多間是普通。 有專家教人精選5~6間。 其實運作上有問題。 起初每個家長心中心水的可能是3~4間 。
在過程中有些學校是時間衝突沒法考。 報8間其實考的可能是考5間。 有些二線學校是取其較易,用來平衡一下被一線校reject的失敗感。 假如前面是勢如破竹,後面的不考也只是賠了考試費。 試想假如考完6間都是reject 你的心情如何?

99dogdog

原帖由 longlokma 於 16-07-21 發表
官/津校只有好同差兩种分別？？
直/私校就全屬於好的一種？？
直/私校入面冇/少壞孩子？？

同感，我睇完都係想起膚淺兩個字！仲有，可能係我無知，我唔理解入到好小學會影響一生呢樣嘢！

tsewong

原帖由 99dogdog 於 16-07-22 發表
同感，我睇完都係想起膚淺兩個字！仲有，可能係我無知，我唔理解入到好小學會影響一生呢樣嘢！



  ...

我自己係讀津小+津中，唔係讀名校，不過自少喜歡讀書，會考有30分

我自己經驗，學校校風緊要(中小學今天仍是津校，唔係直私), 而且讀書叻唔叻最主要靠天份+小朋友性格。。。學校只係其中一樣

多年後今日，我算中中廷廷，又唔係好叻好有錢，不過叫ok不太差。我反而唔要求小朋友要入直私，因為其實好多好嘅津小嘅小朋友其實比二線直私讀嘅更competitive

maxifoxy

原帖由 tsewong 於 16-07-22 發表
我自己係讀津小+津中，唔係讀名校，不過自少喜歡讀書，會考有30分

我自己經驗，學校校風緊要(中小學今天仍 ...

你d 小朋友係世襲生，你當年讀果間係沙田最多人target 既學校之一，如果穩入你果間，俾我都唔考直資啦…

我都覺得樓主報太多學校，如果end up 超過10間… 但人各有志… 同埋呢幾年又係出生率最高，都無辦法啦…

B.B.BaBa

報得太多，考得太多，小朋友會厭戰

bubuG

我總是覺得這個新acct 怪怪的.

longlokma

每间學校都会有唔喜歡讀/会講粗口/唔守秩序的孩子，香港直/私小學也不見得門槛高得嚴得只有品學兼優的孩子才可入讀，學費大部分也是普遍家庭負擔到的，不同之處只是这些直/私小學有所謂考選过程，但考的是幾歲幼兒，甄選试的準確性及代表性根本就可以一笑置之，所以就讀直/私小學的還不是一般有乖有曳的本地孩子，說不定你認為最無礼貌的鄰家小孩也正正就讀你心儀的直/私小學呢~~

niclicma

原帖由 明天更好！ 於 16-07-21 發表
考到才選，不是更實際嗎？

有些考完肯定唔會讀，或者負擔唔起讀嘅學校，對你來說根本唔叫選擇，去考其實得白做2個字。你和小朋友浪費了一輪心機，其實唔係更不切實際嗎？

subb

明天更好！ 發表於 16-7-21 21:05
考到才選，不是更實際嗎？

未應清目標能力, 一未C衝, 漁翁撒網，辛苦了孩子 !

tsewong

原帖由 maxifoxy 於 16-07-22 發表
你d 小朋友係世襲生，你當年讀果間係沙田最多人target 既學校之一，如果穩入你果間，俾我都唔考直資啦…:qu ...

咁如果我冇母校backup, 我都係諗住大抽獎津校，派得唔好叩門，再唔係小二插班

但講真如小朋友喺一線小學讀咗幾年但發覺跟唔上，都會俾佢去二線適合佢嘅學校讀

當然父母係想盡力俾好嘅嘢俾小朋友，但唔需要太神化「名校」，「直私」，個人經驗，讀書講到尾好睇小朋友資質同性格。喺香港教育制度底下，大部份讀書叻嘅小朋友，一係資優，一係好disciplined同有鬥心想考第一，我係後者

當然人各有志，入咗間好小學唔代表就前途光明，相反係漫漫長路嘅開始

甘恩

回覆 明天更好！ 的帖子

漁翁撒網等於會考到好學校？考到一間唔啱自己小朋友讀的好學校都係好？我每天返工都會經過一間傳統好谷的私小，是大家心目中的好學校，但去年上学期日日見到有一位小一生在校門哭，說不想返學。我又識另一個小朋友在這好學校讀小四，日日開心返學，話想攞好成績，考好啲。如果未認清自己小朋友屬哪一類型，盲目漁翁撒網揀好學校，最終受害的是小朋友。

manmonster

回覆 甘恩 的帖子

近日較少見到你留言，之前有看過你的育兒心得，很有幫助。
我們很用心去培養小朋友的閱讀習慣和品格。可能兔年出生率高，競爭大，小朋友又是坊間所說的「細仔」，首兩間直資都不入選／到第二輪面試。有點洩氣，開始覺得直私這遊戲太多因素左右，自己好努力，都天外有天。未來應考的學校較受歡迎，成功機會更低。唯有堅強努力。

甘恩

manmonster 發表於 16-7-22 09:34
回覆 甘恩 的帖子

近日較少見到你留言，之前有看過你的育兒心得，很有幫助。

其實我一直有上網，只是少留言，或和個別家長PM。我的留言不算是什麼育兒心得，只是互相分享而已。考直資私小，確實有好多因素受影響，對細仔一定不利，但不要緊，只要小朋友已培養良好的中英文閱讀習慣，將來一定可以適應小學的學習生活，這是我深信不疑。你都要加油，現在只是開始，不要氣餒。