個女升唔到班,同老婆意見相反,可以點做?

wan_sosin

留班並非咁差的一件事,我見過幾個留班的小朋友,當中有名校,有津校,初時小朋友係會有些少唔開心,但當發現再學返已學過的知識,感覺輕易咗,而成績又有進步時,信心增強了不少,其中有一個小朋友,默書從來無試過高分,重讀時取得100分,不知幾開心,家長當然也高興得像小朋友,周圍同好朋友講.
另一個重讀小四,由原本band 3成績,上到band 2,最後入了一間校風唔錯的B2中學.
人生總會有錯折,小朋友同大人都可一起學習面對.
講返現在如何是好,不如先跟教育局聯絡,先留一個學位給你囡囡,然後再繼續嘗試找學校,到最後若真的找不到學校,也可照讀教育局安排的小學.

Soundervolt

原帖由 irenelwl 於 16-07-15 發表
回覆 catiou627 的帖子

津校留班難過乜, 我同我女申請留班, 事前要諗定晒條路點行.同埋學校係會問毎學生想 ...

因為教育局有規定津校學生只可以留級一次，因為讀多一年，納稅人要對每位留級學生俾多四萬幾蚊一年，學校仲要呈上報告向教育局解釋，所以升級容易過留級。而且有尐一線學校會用留級位收成績好嘅插班生，如果用咗個位俾學生留級，又會收少個高才生，所以非不得已學校係唔容易俾學生留級。

AHGU

原帖由 mayyylai 於 16-07-15 發表
回覆 Aero_potato 的帖子

你個小朋友幾年級？間學校好谷？原校要求留班即係代表個小朋友好多嘢未打好基礎 ...

有些學校會留人班，例如培正丶民生等。留班只是一項手段要人轉校，一般官津校都不會留人班。

Barbe

既然巳退學，快點找教育局幫手搵個學位，自己再周圍嘗試搵學校吧！加油！

Aero_potato

多謝各位意見，睇黎而家最急切就係揾教育局先

Aero_potato

MaryBrown 發表於 16-7-15 21:17
個女點解留班？如果老師都是其中原因，當然唔留、小朋友這個年紀好靠老師，唔関呀女事。

如果伱個女好蠢（ ...

我個女中文差，主要係成績問題，唔關老師事

Soundervolt

原帖由 Aero_potato 於 16-07-16 發表
我個女中文差，主要係成績問題，唔關老師事

成績晤好有好多原因，係唔係對中文冇興趣或其他問題，學校教學方法亦可能係原因之一。所以最好全方位揾出中文科成績差嘅原因，然後先對正下藥，咁先至實際幫到您囡女。

mayyylai

回覆 Soundervolt 的帖子

津校唔係可以逢二進一咩，即係每級唔可以留多一次？

mayyylai

回覆 AHGU 的帖子

官津校可以，不過比較難，同埋學校真係覺得你可以追得上先比你留班

mayyylai

回覆 Soundervolt 的帖子

真的，好多考 DSE 都話中文係死亡之卷，所以中文真係要打好啲基礎，DSE 中文肥咗，其他科考得好都入唔到大學

Soundervolt

原帖由 mayyylai 於 16-07-16 發表
回覆 Soundervolt 的帖子

津校唔係可以逢二進一咩，即係每級唔可以留多一次？ ...

No la! 如果學生留多過一次級，而學校又再特別通容留多一次級，學校係會少收教育局一位學生學費而要喺其他學生嘅學費中分擔。例如90位學生嘅學費俾91位學生讀書。逢二進一呢支歌仔差不多已成絕響。

Barbe

咁要研究下中文科邊方面弱？閲讀理解？作文？聆聽？要對症下藥。其實主科唔合格好多私校都要留班，如果是英小，啲小朋友的中文成績普遍差過英文。其實多看課外書，中文真的會有進步，不過要慢慢、俾時間。
另外，開學後可以跟緊啲功課，一有唔明就要清，唔好累積。
如果今個暑假搵唔到啱心水學校，都讀好明年再轉校。

yachen_tw

我仔讀的私校有個留班生係佢的好同學，五年級都係讀唔好讀到一半，呈分式前轉到官小，今年派位，派到華英中學，所以父母不要覺得冇面、氣餒，小孩不是資質比人差。

Gella77

原校升唔到班個心系會唔好受！但系未搵到學校就退學似乎有少少問題，原校留班有時過渡會好好多。

Soundervolt

原帖由 mayyylai 於 16-07-16 發表
回覆 Soundervolt 的帖子

真的，好多考 DSE 都話中文係死亡之卷，所以中文真係要打好啲基礎，DSE 中文肥咗 ...

有部份家長認為自己係中國人，講中文，就認為中文科冇難道，而英文係外語會比較難學，所以當小朋友幼小時要求集中學好英文，而忽略中文喺學業上嘅重要性。其實宜家香港嘅英文科課程只係Practical English，就算DSE攞5**都唔算等同擁有純正及深入嘅英文能力。但就係因為我地係中國人，所以中文科內容要求相對較深入，而且中文係經過悠久歷史演變，變化比較覆雜，如果根基打得唔好再讀落去更會加倍吃力。阿仔每次考試，爭逐頭幾名嘅同學往往都係睇中文科分數而分出高下。

irenelwl

回覆 Soundervolt 的帖子

是的，所以小三時班主任說極微機會能申請到留班，尤其我女係sen.但真不希望這樣就呈分，也怕以後連基本都追不上。我不是要高材生，但唔希望他烏下烏下咁就完左個讀書生涯。好興幸學校肯比機會我地。

karen55407

原帖由 Soundervolt 於 16-07-16 發表
No la! 如果學生留多過一次級，而學校又再特別通容留多一次級，學校係會少收教育局一位學生學費而要喺其他 ...

我女津校的確有人留過一次級，有人留過兩次級，亦有人同一年級重讀兩次。所以我唔明你所講嘅規定。

Soundervolt

原帖由 karen55407 於 16-07-16 發表
我女津校的確有人留過一次級，有人留過兩次級，亦有人同一年級重讀兩次。所以我唔明你所講嘅規定。



  ...

我只係話教育局只會負責每位學生留級一年嘅津貼，如果留多過一年（津校）學校係要自己負責用其他學生嘅津貼去分擔（我上文有解釋過），唔係冇可能，係學校未必會願意咁做。

kkhon

回覆 Aero_potato 的帖子

未有学校收就退学，勇！如果最后自己揾吾到，教局都会安排比你囡囡。

Soundervolt

karen55407 發表於 16-7-16 13:36
我女津校的確有人留過一次級，有人留過兩次級，亦有人同一年級重讀兩次。所以我唔明你所講嘅規定。



  ...

教育局學校行政手冊 3.3.2

http://www.edb.gov.hk/attachment/tc/sch-admin/regulations/sch-admin-guide/SAG_C.pdf

留 級4 4a. 留 級 不 是 一 項 理 想 的 安 排 ， 學 校 宜 使 用 輔 導 教 學 措 施 ， 切 合 個 別 學 生的 需 要 ， 以 協 助 學 習 表 現 較 弱 的 學 生 。b. 校 方 不 可 因 學 生 在 任 何 測 驗 或 考 試 中 未 能 取 得 指 定 分 數 ， 便 自 動 將 該生留級。c. 學 校 應 盡 量 避 免 讓 學 生 留 級 ， 原 因 包 括 ： 他 們 可 能 會 成 為 超 齡 學生； 他 們 可 能 會 佔 據 學 位 ， 而 影 響 其 他 學 童 的 入 學 機 會 ； 如 無 適 切 的 輔 導 措 施 及 跟 進 工 作 ， 留 級 只 會 減 低 學 生 的 學 習 興 趣 。d. 學 生 是 否 需 要 留 級 ， 須 由 校 長 按 教 育 原 則 及 學 生 的 個 別 情 況 決 定 。 一般 情 況 下 ， 校 方 不 應 將 大 量 的 留 級 生 集 中 於 某 一 級 別 。e. 教 育 局 常 任 秘 書 長 會 不 時 諮 詢 各 學 校 議 會 ， 以 釐 定 學 校 整 體 或 特 定 級別 的 最 高 留 級 率 。 普 通 小 學 、 中 學 學 生 留 級 的 規 定 如 下 ：小 學 留 級 生 比 率 不 得 超 逾 校 內 學 生 總 數 的 3%； 學 生 在 整 個 小 學 階 段 只 可 留 級 一 次 ； 學 生 不 可 在 小 六 留 級 。中 學 學 校 整 體 重 讀 生 的 比 率 不 得 超 逾 校 內 學 生 總 數 的 5%。