用戶登入
用戶名稱:
密      碼:
搜索
教育王國 討論區 初中教育 阿仔repeat 再repeat F.1,是否應轉校?會有學校收嗎? ...
查看: 14445|回覆: 63
go

阿仔repeat 再repeat F.1,是否應轉校?會有學校收嗎?

Rank: 4


598
發表於 16-7-14 15:21 |顯示全部帖子
阿仔上年已repeat 了一年F.1,上年重讀時已無心向學,學習態度差,到下學期初時,屋企發生了一些事,佢又突然發𡚒,由全班考三十名,追到考十五名,個個老師都另眼相看,對佢讚不絕口,諗住佢升班都有望,誰知下學期尾,佢又hea 過,成績一落千丈,最終又要留班,求情都冇用,我都唔知點好,我仔連留兩年,佢肯定都冇心機再讀落去,但仲可以搵到學校比佢插F.2嗎?佢成績表好難睇,成績差,操行又差,而家仲會有學校收嗎?



Rank: 13Rank: 13Rank: 13Rank: 13


87970
發表於 16-7-14 16:01 |顯示全部帖子
操行差就-定無机会了……

Rank: 4


682
發表於 16-7-14 17:21 |顯示全部帖子

回覆:sammili 的帖子

有機會,吾好灰心,要轉校,轉去啲band 2,適合佢,又有愛心的學校。我姪女,上年成功轉入女校,band 2的



Rank: 4


598
發表於 16-7-15 01:43 |顯示全部帖子

回覆:iloveo 的帖子

但而家仲會有學校收插班嗎?已經7月中,學校d 老師都放假



Rank: 2


84
發表於 16-7-15 07:42 |顯示全部帖子

回覆:阿仔repeat 再repeat F.1,是否應轉校?會有學校收嗎?

每間打去問下



Rank: 5Rank: 5


2754
發表於 16-7-15 08:58 |顯示全部帖子
咁遲先問, 父母自己都無計劃打算, 子女都唔慌會識諗下自己將來.

如果校風好, 再留也不是什麽壞事, 先學吓做人.

要走總會有學校, 不過最緊要你接受學校裏一定有好多你子女同類型的人.

Rank: 5Rank: 5


3131
發表於 16-7-15 09:41 |顯示全部帖子

回覆:sammili 的帖子

努力!有心唔怕遲,做父母唔好放棄仔女!搵間有心嘅學校,配合佢程度,當佢有進步,大大力咁讚,無論做得好嘅係唔係同學業有關,都用心欣賞佢,佢有滿足感就會有更多進步,有無搵專業人士例如心理學家幫忙?



Rank: 4


639
發表於 16-7-15 09:51 |顯示全部帖子

回覆:阿仔repeat 再repeat F.1,是否應轉校?會有學校收嗎?

我雖然唔了解情況,不過有幾項善意提醒。第一,「無心向學」係表癥,要用心了解佢的原因,要和佢傾,唔好估估下,個原因唔需要好合理,因為佢仲細,你要認同佢先,因為這個原對他來說是真實的,唔係論應唔應該、合唔合理。第二,千萬唔好用負面標籤你個小朋友,因為你既然話得我係咁,我就做個咁既人比你睇!反而,佢行為上心態上有進步,唔好面紅,不斷搵位讚佢,讚佢會導向正面行為,鬧係對伙計就work,對個仔就弄壞親子關係,佢會認為你唔了解佢,對你失去信任。
Anyway,你咁早就發現問題,真誠面對問題,再諗方法解決,係值得稱讚的。



Rank: 4


639
發表於 16-7-15 10:06 |顯示全部帖子

回覆:阿仔repeat 再repeat F.1,是否應轉校?會有學校收嗎?

永遠記住無野重要得過親子關係,因這關乎信任,破壞信任易建立信任難。無左親子關係基本你做乜都無乜效。幸好你算早發現問題,找專業人士幫手,和小朋友一起進步吧。



Rank: 5Rank: 5


1363
發表於 16-7-15 16:34 |顯示全部帖子

引用:我雖然唔了解情況,不過有幾項善意提醒。第

原帖由 dativebond 於 16-07-15 發表
我雖然唔了解情況,不過有幾項善意提醒。第一,「無心向學」係表癥,要用心了解佢的原因,要和佢傾,唔好估 ...
好認同所有提醒,我阿仔在b2中學中二留班再留班,我當時真的心痛到一片空白,眼淚不繼停留在眼裏,沒有辦法抺去,兩三天過去我只不停的問自己是否真的放棄,答案重覆出現只有一個,我是絕對不會放棄自己的兒女,當時我睇唔到轉校會另阿仔醒吾,所以我同老公決定要阿留在原校幫佢企返起身,同阿仔一齊見學校升學組老師,老師說:從未見過成功例子,我選留校這條路是相當難行的。我即撘住阿仔肩背說:我相信這條路極之難行,過程你會很痛苦,但唔使驚,因為呢條咁難行嘅路並非只有你一個行,而係我地全家一起行,我完全唔驚,我知道我地一家人去行呢條路,你一定可以將呢一條路變成父母的驕傲,而家只係開始,無人可以改變結局,就只有你可以決定結局係點,父母只能陪伴你走過!我跟住同老師講:我相信我個仔可以做得到,因為我地一家人會同佢一齊行過呢條路!
結果佢真的做到,今年9月佢讀中大三年級了,時間真的過得很快!
這條路家人必須先不繼無條件地付出愛及包容大錯小錯及大大錯,我們只是同佢一齊面對犯下的錯誤同修正過錯,最初並不會看到他的醒吾,但日子一天天過去,阿仔開始感受到家人的愛,慢慢改變自己,得到今天正面走人生路的他!感恩!
樓主,記住只要父母不放棄便有機會!加油!



點評

gegemok    發表於 17-7-20 09:14
PW2002    發表於 17-2-25 01:19
囝囝mama    發表於 17-2-21 22:28
piyomama  感到安慰!  發表於 17-2-20 15:00
sue_ki    發表於 17-2-17 10:08

Rank: 4


639
發表於 16-7-15 16:47 |顯示全部帖子

回覆:阿仔repeat 再repeat F.1,是否應轉校?會有學校收嗎?

謝分享!道理知道好容易,實踐過程不簡單~



Rank: 5Rank: 5


1363
發表於 16-7-15 17:43 |顯示全部帖子

回覆:sammili 的帖子

我當初確實是很無助,最好就是找學校社工幫助,因為唔想阿仔有負面感受,所以我是暗地裡找社工及班主任的,我亦請他們不要給阿仔知道我找他們,我不想阿仔知道我心裏的真正感受及擔憂!只要努力試過,結果如何也無悔!加油!



Rank: 5Rank: 5


2105
發表於 16-7-15 20:32 |顯示全部帖子
回覆 zngo 的帖子

我都好困擾,阿仔在Band 1B男校中二,學校要佢留班,三條路:
1. 轉校留中二
2. 搏中三但跌去Band 2頭中學
3. 在原校留班

好困擾,請給意見。謝謝。


663
發表於 16-7-15 22:44 |顯示全部帖子

回覆:阿仔repeat 再repeat F.1,是否應轉校?會有學校收嗎?

提示: 作者被禁止或刪除 內容自動屏蔽


568
發表於 16-7-15 23:06 |顯示全部帖子
提示: 作者被禁止或刪除 內容自動屏蔽

Rank: 4


598
發表於 16-7-16 00:56 |顯示全部帖子

回覆:zngo 的帖子

首先謝謝分享。
其實我相信我仔是心理因素令佢hea 讀,由上年佢repeat F.1開始,可能覺得醜啦,hea 到不得了,日日返學都遲到,攪到操行差哂,成績又差,但到下學期佢突然追前咁多,即係佢係得,不過之前唔肯去讀,佢知道自己要再留班,都好失望,仲講到明如果要佢再repeat,佢一定唔會比心機讀,所以而家我只能希望有其他學校肯收佢插班F.2



Rank: 7Rank: 7Rank: 7


13485
發表於 16-7-16 10:28 |顯示全部帖子
我細佬當年F.3被踢出校, 轉校由F.1重頭讀起, 當年都讀到F.7, 而家一樣生活得好好, 其實好睇佢有無決心, 知衰怕瘀的, 下定決心一定得  那怕只是一丁點的進步, 父母的支持, 由心的鼓勵是孩子進步的助力.

Rank: 5Rank: 5


1448
發表於 16-7-16 10:32 |顯示全部帖子
你好,我建議轉校,不要介意,因我系過來人。小女當時讀英中F.1留班重讀,重讀之後升中二,中二學校又要佢留班,當時我心情好差好差,日日哭,不知道點算,最後我地決定轉校,暑假不停揾學校band 2/3, 到最後band 2學校收咗,但都要重讀中二,今年升中三,成績排中上,好開心,所以你不用灰,轉校都係一個好辦法

Rank: 4


560
發表於 16-7-16 21:45 |顯示全部帖子
回覆 sammili 的帖子

如要Tripeat,我寧願走。

Rank: 13Rank: 13Rank: 13Rank: 13


75496
發表於 16-7-17 13:48 |顯示全部帖子
sammili 發表於 16-7-16 00:56
首先謝謝分享。
其實我相信我仔是心理因素令佢hea 讀,由上年佢repeat F.1開始,可能覺得醜啦,hea 到不得 ...
或直接向以下中學查詢
慈幼
香港文理
閩僑 (直資)
聖伯多祿
莊月明