如何教心算？

hksina

我一向數學麻麻地，唔想阿囡好似我以前咁要數手指先識計數，所以暫不敢教佢數，以免開壞頭，以後糾正就難。阿囡升k2,係時候學下簡單加減數。除了數手指外，有冇其他方法可以教佢計快d或識心算？技巧何在呢？有冇人學過珠心算？難學嗎？要學幾耐才見效？聽說有很多口訣要背，是嗎？recommend 小孩學珠心算嗎？還是有更好的提議或教法？請分享一下。

bbjanbb

我都想請教

kyowong

我女學緊珠心算，跟得幾好！其實唔難！

maxifoxy

原帖由 hksina 於 16-07-11 發表
我一向數學麻麻地，唔想阿囡好似我以前咁要數手指先識計數，所以暫不敢教佢數，以免開壞頭，以後糾正就難。 ...

點解一定要心算？數或諗住手指/算珠都一樣計到架

hksina

在哪裡學？學了几耐？而家可以心算到什麼程度？

hksina

唔識心算就計得慢d囉⋯⋯咁測考個陣咪要用多d時間，太慢咪唔夠時間做，好似我以前讀書咁。另外一原因係考小學要識心算。

sala222

我仔剛完K1，細b，3歳半，冇教佢加減數，學校早排開始教concept，但佢自己有興趣，成日問，呢家已經識心算個位加減數。我覺得個個小朋友發展興趣唔同，唔需要太緊張，慢慢觀察慢慢教。

hksina

咁佢好有天份喎！

大埔之友

原帖由 sala222 於 16-07-15 發表
我仔剛完K1，細b，3歳半，冇教佢加減數，學校早排開始教concept，但佢自己有興趣，成日問，呢家已經識心算 ...

係, 每個小朋友都有自己興趣, 家長要幫佢搵出黎同加以陪養. 記得我自己K1或之前, 自己就發現小數位問題. 當時我自己思考, 7又多少少, 8又少d d 究竟係咩?

JuliaCKL

試下「湊十法」，初頭教佢記實（1.9）（2.8）（3.7）（4.6）（5.5）呢5組朋友，可以用d圖像幫下小朋友記，例如2鴨仔好鍾意戴眼鏡8，不妨用長d時間去記呢5組，直至你一講4佢即刻講6，即係熟晒，然後就可以+數，例如8+3，一見8就知佢朋友係2，所以問3借2，3就得返1，（8+2）再加1就計到，初頭每條加數都要講一次（揾朋友），慢慢佢就會上手

hksina

原帖由 JuliaCKL 於 16-07-19 發表
試下「湊十法」，初頭教佢記實（1.9）（2.8）（3.7）（4.6）（5.5）呢5組朋友，可以用d圖像幫下小朋友記， ...

依個方法几好喎！多謝分享！我會試下

hksina

原帖由 大埔之友 於 16-07-16 發表
係, 每個小朋友都有自己興趣, 家長要幫佢搵出黎同加以陪養. 記得我自己K1或之前, 自己就發現小數位問題. 當 ...

你都好有天分，咁細個就會自己思考問題

大埔之友

原帖由 hksina 於 16-07-19 發表
你都好有天分，咁細個就會自己思考問題

有人打趣講如果父母留意到, 好好栽培的話, 可能成就會唔同. 記得當時是因為父母有比毫子我儲, 我記得當時父母教一尺等如十二吋. 有日我比十二個一毫同佢換一蚊, 佢話十個一毫等如一蚊. 跟住我就閃過一個7又多d, 8又少d 係咩.

大埔之友

講吓數, 有朋友在新加坡有堂教家長如何教小朋友數學. 我覺得需要, 因為數既基本概念都好難令小朋友明白. 細個只是硬背, 但會問1+2點解唔可以等於5? 識心算計得快d, 對數的信心都較大. 另一個朋友經驗, 大仔學過珠心算, 現在升小四, 地區不錯小學, 數學重來唔洗家長粗心. 細女升K3, 自己教, 但總是教極唔識. 當然我不能排除男仔天生數口較好的可能.

hksina

原帖由 大埔之友 於 16-07-22 發表
講吓數, 有朋友在新加坡有堂教家長如何教小朋友數學. 我覺得需要, 因為數既基本概念都好難令小朋友明白. 細 ...

所以識心算好重要。有諗過比佢學珠心算，但已學很多其他野，不想再加課外學習

大埔之友

原帖由 hksina 於 16-07-22 發表
所以識心算好重要。有諗過比佢學珠心算，但已學很多其他野，不想再加課外學習



  ...

我小朋友仲細, 未想好幾時學或學唔學. 我覺得summer 可抽到時間.

TYBB1

原帖由 JuliaCKL 於 16-07-19 發表
試下「湊十法」，初頭教佢記實（1.9）（2.8）（3.7）（4.6）（5.5）呢5組朋友，可以用d圖像幫下小朋友記， ...

2鴨仔戴眼鏡8⋯⋯很有趣呀！可分享其他數字嗎？

JuliaCKL

原帖由 TYBB1 於 16-07-25 發表
2鴨仔戴眼鏡8⋯⋯很有趣呀！可分享其他數字嗎？

我作嗰d好抽象㗎，例如9係大哥哥（因最大數字）會照顧1小bb（因最細數字）、3好似一把梳，媽媽頭髮好長好似7，所以長頭髮（7）嘅媽媽用梳（3）梳頭、5好似一個大肚ee，所以兩個大肚ee最鍾意一齊傾計、
4,6比較特別例子，因仔個爺爺係警察，所以4就好似警察嘅yes sir手咁，而爺爺咁啱有6個孫，你或者可以作個肥警察有個大肚腩好似6咁上下啦

mandy_ng207

JuliaCKL 發表於 16-7-25 03:47
我作嗰d好抽象㗎，例如9係大哥哥（因最大數字）會照顧1小bb（因最細數字）、3好似一把梳，媽媽頭髮好長好似 ...

你好叻啊！我媽都係用「湊十法」教我地兩姊妹，只係死背五組數字，但一個成功一個失敗

pekovian

原帖由 JuliaCKL 於 16-07-25 發表
我作嗰d好抽象㗎，例如9係大哥哥（因最大數字）會照顧1小bb（因最細數字）、3好似一把梳，媽媽頭髮好長好似 ...

very creative! 佩服佩服！