初中中文科用普通話教好嗎？

GoGOJJ

家長要幫子女選擇中一用廣東話或普通話教中文，子女小學中文並不是用普通話教，怎樣選好呢？請指教。

bonha

原帖由 GoGOJJ 於 16-07-08 發表
家長要幫子女選擇中一用廣東話或普通話教中文，子女小學中文並不是用普通話教，怎樣選好呢？請指教。



  ...

如果小學唔係，我會選番廣東話

Kittymummy

我女初中時係普教中，冇咩問題。
上到高中就自由選擇普教定粵教。

LingChiBaBa

回覆 GoGOJJ 的帖子

廣東話啦，普教中對DSE無幫助。

1998Ruby1998

到時DSE都係廣東話考架啦，加上本身小學唔係普教中，萬一上到去touch wood上堂聽唔明，跟唔上進度就大鑊。

anna59

小學唔系普教中，中學唔好選普教中

Band5

我手寫我心？如果平時思考都係用普通話，我估會有幫助！

我仔小學試過幾年普教中，怕怕了！

TwinWong

原帖由 GoGOJJ 於 16-07-08 發表
家長要幫子女選擇中一用廣東話或普通話教中文，子女小學中文並不是用普通話教，怎樣選好呢？請指教。



  ...

初中中文比小學深好多 仲要讀文言文
小學唔係普教中开 怕小朋友吃力
两頭唔到岸會辛苦 況且楼上JM都有話
DSE 無用 無必要唔好揀

samsam123321

DSE無用就唔讀？我不認同。

洋蔥頭媽咪

如非母語為普通話或普通話能力超強，最好都係揀番廣教中

sum-yan

原帖由 GoGOJJ 於 16-07-08 發表
家長要幫子女選擇中一用廣東話或普通話教中文，子女小學中文並不是用普通話教，怎樣選好呢？請指教。



  ...

唔係你選便可入普教中的班，我囡囡兩中學都有評估，優先給普通話人，才給普通話優異的廣東話人。

Lavonne

我女小一至小三是廣東話教中文，小四至小六是普教中，她的普通話流利的，因幼稚園時也是普教中，但她説廣東話教中文學得好d，所以她不選擇普教中班。

optman88

我估計而家冇中學唔教普通話，但普教中係另一回事，大家要搞清楚先

BennkiChu

如小朋友有語言能力， 選普教好， 如沒此天份，家長又怕小朋友跟得辛苦， 怕小朋友面對困難， 那5好諗呀， 選廣教啦， 去到中學已經5係除課程深甘簡單， 還有要小朋友學社會責任， 將來小朋友出來做事， 會遇到不同國家的工作和人事， 而且面向中國的機遇5會比其他國家低， 所以我支特自己小朋友多用普通話， 就連打機都有國內朋友， 個人意見， 不起勿評

熙媽媽

我會揀粵教中。

普教中只會令學生普通話口語能力提升，唔覺會提升寫作同理解能力，反而課堂討論因用唔熟悉嘅語言，令討論氣氛不足。另外，中文本身已經有唔少野要教學生，要處理，仲要處理普通話語音，而唔同學生的普通話能力亦有差異，學生吸收會受多一個因素影響，甚至會影響小朋友對中文的興趣。

我真覺得唔人值得犧牲對中文的興趣去迂迴地學普通話。我覺得大個正正經經學都得，我都係大學畢業先考水平試，問題不大。

optman88

都係個句，唔係話你揀就有，睇學校。如果學校係有，而你又達標，我估計冇咩理由唔入，但如果唔達標，就要小心啲處理。等同英文唔開嘅入咗英中大同小異