11網及軒小叩門分享

Hayden0805

我係由阿女N開始就追EK,真的多謝各前輩分享，令我獲益良多，依家來報恩先，就講下阿女今次11網叩門情況，但抱歉我唔係問得好足，所以只作大概介紹，等其他家長再補充！

除了英一（呢間好用力叩，因為真心鍾意！），所有叩門我都冇寫叩門信，portfolio內含幼稚園校長推薦信，牧師推薦信，課外活動証書，畫畫獎項及得獎畫作，沒有呈交學術方面的證書，因不怎樣突出，也沒有家庭及小朋友生活照！讀學卷幼稚園，校內成績全優！Portfolio只用釘書機簡單訂好！叩門時，我冇任何back up,因直私只考了五間，得兩間有waiting,抽了乙三潮商，擺潮商咁前，係因我真心欣賞校長及老師的專業，英小加粵教中，升中成績呢幾年保持三成以上band 1,非常不俗呀！（雖然大家未必咁睇！）
扣門情況：
聖提001，知道唔係提幼學生機會不大，所以冇叩到！

英二：學校叩門表講明要自行或甲或乙㨂過佢先有得叩，我以為自己冇㨂過佢，竟然冇去交表，擺左烏龍！所以冇叩到！

叩左冇得in:0.0.11薄尼，0.2.4基恩，0.0.7般小，0.0.0銅軒
有得in冇offer:0.0.10中尼

有offer:0.0.8呂小，0.0.13李陞，1.1.2英一，0.0.0軒小

講下扣門面試先，
呂小扣門，in一次，不需見家長，有俾一張紙有圓圈的，要小朋友發揮創意，加野上去！
冇in家長，阿女008都有offer,但不是第一輪call!

中尼，in一次，有問中英數問題，又設迪士尼樂園場景，考驗小朋友的反應。朋友111扣入！

英一扣門收表是有限時的，所以星期六一知大抽獎結果落空，就要即交表，其他學校反而可以有多一兩天緩衝期，未必咁快收！
要面試家長，都係問點解㨂呢間學校！點解喜歡又不擺學校做111！
校長著重家長的職業，有否明白學校理念，及自行抽獎時的排位！
小朋友問生活情境題，中文認字五個，要寫自己名及一兩個詞語，如：老師！英文又問五個生字，不需串字！

李陞
第二次面試校長直接問家長，但校長九月離開啦！所以下年未必相同，內容都係點解選叩學校，小朋友優點缺點，叫小朋友說說一本喜歡的圖書！

軒小
英文對答，國語對答（問最喜歡香港那一處地方），派填色紙填色，講故事答問題（阿女話好多小朋友冇舉手答問題，得佢舉手答！）

總結：
1.對心儀既學校，必須要先去了解學校既理念，九月會有大量開放日及簡介會，要聽校長既簡介，因為每間學校必定問點解㨂佢，一定要與自己既家庭教養方式配合，環環緊扣去答，唔好只答學校點好點好,再進取d答埋小朋友既強弱項，叩住學校既特色去答，屋企可開口練習，我講家長自己呀，唔好唸住到時自由發揮，係好緊張架，你隨時緊張過小朋友！
呢方面絕對有得做功課架！
2.唔好只了解第一線既學校，我係用左好多時間去了解二三線既學校，對中西區既天潮新，我仲熟過一線學校，因為當中抽唔到一線時，你要有心理準備去一間唔太抗拒既去入讀，否則，你叩門時會好大压力，小朋友係會感受到架，我仍相信只要學生學習態度好，係那一間學校都一樣有好既發揮！（可能大家覺得我太天真！）
3.唔好為左小一升學，去考大量既証書，反而係閱讀閱讀再閱讀，培養小朋友閱讀的樂趣先係對小朋友最佳既禮物，要訓練就找些你小朋友真心喜歡的去學，令佢對學習有自信心！真心喜歡學習！
歡迎各家長再補充資料，呢度只係好個人既分享，啱聽就記住，唔啱聽就忘記佢啦！

long107

原帖由 Hayden0805 於 16-07-07 發表
我係由阿女N開始就追EK,真的多謝各前輩分享，令我獲益良多，依家來報恩先，就講下阿女今次11網叩門情況，但 ...

多謝你的分享

Hayden0805

另外，對於㨂一間學校，我係用盡方法去了解既，可分享一d秘技俾大家：
1.學校必須要上下一心先會做得好，所以校長係緊要，但如果冇支持佢既團隊，其實係發揮唔到既，所以我聽簡介會時，尤其留意校長講緊野既時候，老師既咀臉如何，如果留心，係會睇到d野架！尤其是攪到學校有聲有色個d,開放日就係最好既觀察機會，你會睇得出d老師係咪俾校長用得太盡，定真心喜歡教學！

2.等放學，觀察學生，都係好重要，我係會好厚面皮同d家長傾計架，如果可以最好睇到佢地既功課情況啦！有家長係會即席分享架，呢d係最真實既收料方法！

3.親身交所有表格，寄失真係好慘架，另外，俾多一次機會入內觀察，係了解學校真實情況既好方法，我就試過交表時，見到校長係坐入班房同學生食飯，另一班房，冇老師，只有風紀維持秩序，學生都好乖咁食飯（呢間係培道小學！），真係值得一讚！


講住咁多先，有機會再分享！

retriever

回覆 Hayden0805 的帖子

可唔可以講下點解咁欣賞英一?!

Hayden0805

原帖由 retriever 於 16-07-07 發表
回覆 Hayden0805 的帖子

可唔可以講下點解咁欣賞英一?!

謝謝你既問題先！對於學習，我覺得就好似要一個人係落雨既時候接水一樣，最直接就緊係拎隻手去接啦！但最有效率既當然要思考用咩方式去接最多既水！咁既要運用工具啦！呢個世代資訊相當發達，有心學一定學得識，所以如何令小朋友有興趣學，及有方法去學先係最重要既！
即係如果俾你谷到入band1中學，但已經冇曬對學習既興趣，其實後徑係會不繼既，所以我會好睇一間學校俾唔俾到學生成功學習既機會！
英一最強係讓學生自主學習。佢地每科都會教學生做筆記，唔係只係教下，而係落實咁做，係每個都要做到，呢樣我覺得係幫助到小朋友長遠發展！
另外，佢地著重思考方式，強調學習時反思自己既選擇過程，如「說數練習」，係運算過程時，錄低自己怎樣思考，再同同學分享！
以上既教學模式我覺得係非常獨特，因現時大量資訊，好多時人睇左，就以為自己係識，缺少左思考，其實知識係留唔住既。但要留意一點，任何教學策略，就算校長有心推，都要學生受用到先可以，我訪問左好多就讀家長，都係覺得小朋友學到做到，開放日時，每個學生也落場幫手，對答有條有理，所以令我好放心！
學校有一個家長既小朋友早陣子被LS挖角，佢三個仔架，都選擇留英一，所以英一確係有佢吸引既地方！
不過，百校應百生，選校都係要㨂合適自己教養方法的！

hippoo

感謝分享

yingsumyee

lambeanmama

感謝分享。對幼稚園家長好有幫助。

popsy

Hayden0805 發表於 16-7-7 10:37
另外，對於㨂一間學校，我係用盡方法去了解既，可分享一d秘技俾大家：
1.學校必須要上下一心先會做得好， ...

態度正確, 我都係咁既做法, 睇多d問多好過人云亦云只睇%做人, 揀一間真正適合自己小朋友的學校才是重要

tabomini

原帖由 Hayden0805 於 16-07-07 發表
本帖最後由 Hayden0805 於 16-7-7 11:10 編輯

謝謝你既問題先！對於學習，我覺得就好似要一個人係落雨既 ...

好好的分享！
恭喜你入到心儀小學！

eeie

很好的分享！出年到我了，你這分享很有用！

Snowland

請問點解唔㨂聖彼得叩門？

Hayden0805

聖彼得當然也是熱門學校，只是了解過學校的風格及校風，並不合符我家的教養風格，所以沒有選取啊！

fasic88

真心謝謝你的分享。好奇問，你第一志願選了什麼？

Hayden0805

原帖由 fasic88 於 16-07-07 發表
真心謝謝你的分享。好奇問，你第一志願選了什麼？

Post 1有提到：好大膽，冇back up下，聖提放乙一，知道唔係提幼學生機會不大，所以冇叩到！
奉勸大家如冇back up千祈唔好咁做。係非常非常冒險的，叩門絕不好玩！

ddung_baby

請問你小朋友是邊區的學卷校？

fasic88

你小朋友都好o力，轩小0-0-0都叩到！

cherriehahaha

可唔可以講下般小同李陞?

Charlotte_mom

原帖由 Hayden0805 於 16-07-07 發表
本帖最後由 Hayden0805 於 16-7-7 10:49 編輯

俾個good你。我自己做admin support，所以我都好不期然地留意管理層點對真正落手落腳做野嘅同事。去過學校面試，老師俾管理層迫到慌失失面無人色。我就唔多欣賞。

Maymeisiu

Hayden0805 發表於 16-7-7 15:20
Post 1有提到：好大膽，冇back up下，聖提放乙一，知道唔係提幼學生機會不大，所以冇叩到！
奉勸大家如冇b ...

The chance of being allocated with a place of SSG will be equal for all living in Net 11.  SSG kindergarten kids will not have a higher chance.  Only that if you are not from SSG kindergarten, you cannot knock its primary section's door.  It is no harm to put SSG as first choice, not really that "好大膽".  If you are not successful in lucky draw, just knock other schools' door.   Don't miss out a good school just because you may not get a knock door chance!