3歲半認寫字

shui1111

囝囝一直有亞氏特徵，觀察中未去cac，佢一直沉迷地鐵火車，一早已背了港鐵線路圖，最近更自學寫同可背默出中英文站名，其實三歲半有呢個能力係咪正常？利申，學校係普通開心學校不谷，屋企亦無教過佢寫字

evajyn

正常

creamyXDD

我小朋友亦係亜氏，3歳半時已懂2、3千個字，睇小一、二既書，懂多種語言，非常沉迷文字同單一遊戲。建議你去搵私人做評估，CAC要排亦簡單評估下，我感覺私人詳細好多。

小曳人

shui1111 發表於 16-7-3 23:06
其實三歲半有呢個能力係咪正常？

你正常嘅義思係？！
It's common here...  呢個現像响資優兒當中，常見~
但資優本身唔係常見嘅 (~3%)，所以，你亦可以話係"唔正常"，但呢個... 唔係病，雖然，好多時附送問題一大籮

LeeCC

小曳人 發表於 16-7-4 14:32
你正常嘅義思係？！
It's common here...  呢個現像响資優兒當中，常見~
但資優本身唔係常見嘅 (~3%)，所以 ...

我仔吾系資優, 只系 自閉,四歲都可以自己讀小二的課本

小曳人

好多自閉嘅IQ都好尚，好多資優嘅都加多味伴菜。。。

小曳人

原帖由 LeeCC 於 16-07-09 發表
我仔吾系資優, 只系 自閉,四歲都可以自己讀小二的課本

再講，我個highly gifted, 都係升K1識升小—嘅嘢，你個不得了！！！

LeeCC

小曳人 發表於 16-7-9 18:49
再講，我個highly gifted, 都係升K1識升小—嘅嘢，你個不得了！！！

講清楚d，他只係認字，系吾理解的，現在讀小學，做閱讀理解系不理解的，還有，他是一個數學白痴

gg33

原帖由 shui1111 於 16-07-03 發表
囝囝一直有亞氏特徵，觀察中未去cac，佢一直沉迷地鐵火車，一早已背了港鐵線路圖，最近更自學寫同可背默出 ...

我仔3歲半，未知係咪資優，但教過佢的老師都話佢好聰明。認字中文好叻，英文字由於由小閱讀都識得唔少。phonics唔使出去學，在學校教幾多就幾多，未見過的英文字自己拼到出黎，沉迷巴士，記哂每架巴士邊度開出，去邊，中途站，經邊條路線，成日溫九巴個apps,未去過的地方，睇完英文地方名可以用中文講番出黎。但係就好唔聽話，好反叛，專做大人不准他做的事，亦愛玩弄人

dlam141231

外甥是亜氏仔， 幼時只要親友說出一個巴士路綫號，他便能把起點站中途站终點站說出來，真的讓人歎為觀止。
他記憶力超强，是资優但語文佳数理偏弱。他比較幸運，有個好父親。我妺夫個性温柔及極有耐性，是個明白人，讓兒子讀普通小學中學，非常注重親子關係，又著意培養閲讀興趣，並不强求分数。
這様的家庭教育調教下，外甥性格一直平和，雖然至今仍不喜埋堆，不擅與人溝通，但你主動跟他説話，他也會面帶微笑回你一兩句。
他去年如願考入港大，依舊不埋堆不住hall不上莊，但很明顯埋首書本自得其樂。入港大後不久, 他就跟父母說，很喜歡讀書，希望大學畢業後暫不工作繼續讀研讀博，他父母當然高興。 我也覺得既是他想做的，畢業後若能留在大學校園做研究工作，就更理想不过了.

conniewktang

原帖由 dlam141231 於 16-07-27 發表
外甥是亜氏仔， 幼時只要親友說出一個巴士路綫號，他便能把起點站中途站终點站說出來，真的讓人歎為觀止。
...

想在大學工作，叻是次要，博士學位好多人有，但唔埋堆，幾叻都徒然，同人相處同埋堆也要學習的。在大學工作，要獲得一職位，要識埋堆，仲要埋得啱人，例如系主任，又要識眉頭眼額，大學學系里，玩politics非常嚴重，一朝天子一朝神。眼見有人好叻但不懂埋堆也沒法留大學工作，除非做 research assistant,但冇前景喎！
所以，即使困難，都還得學埋堆學溝通，並且學習如何與人相處！

haruhimiyuki

回覆 shui1111 的帖子

我仔仔都係3.5歲, 記性都幾好, 你講果啲記路線圖我仔仔都一樣, 佢3歲時都可以成本英文書讀番晒出來, 無教過既字佢自己會嘗試拼音講出來(無教過phonics). 但我看完呢個資優版後, 認為呢啲只係好普遍正常既事, 只算係記性幾好, 唔算係特別叻~

964000

原帖由 dlam141231 於 16-07-27 發表
外甥是亜氏仔， 幼時只要親友說出一個巴士路綫號，他便能把起點站中途站终點站說出來，真的讓人歎為觀止。
...

大學做研究工作或教書都好多politics架，又要apply grants, 又要識present, 吾係只努力埋首工作便可。

hilzarie

creamyXDD 發表於 16-7-4 08:09
我小朋友亦係亜氏，3歳半時已懂2、3千個字，睇小一、二既書，懂多種語言，非常沉迷文字同單一遊戲。建議你 ...

我想問邊度做評估好呢我仔仔好似無2歲8個月，識字多，認人名過目不忘（講緊見過一次就認識，我完全無記得的了)，脾氣未算好差但都古怪。想了解邊度有得做。

zngo

原帖由 hilzarie 於 16-08-29 發表
我想問邊度做評估好呢我仔仔好似無2歲8個月，識字多，認人名過目不忘（講緊見過一次就認識，我完全無記得的 ...

首先可以去健康院了解下先啦！

zngo

hilzarie 發表於 16-8-29 09:35
我想問邊度做評估好呢我仔仔好似無2歲8個月，識字多，認人名過目不忘（講緊見過一次就認識，我完全無記得的 ...

了解下先再去搵私人做評估好D

lingHLL

與其估估下,不如去見下醫生/去健康院,又或者做評估