只愛伴讀、但抗拒自行閱讀

bbrabbit2011

孩子5歲半，他喜愛看書，但是一定要父母讀給他聽。
有時我買了新書回家，他好想看，會要求我快些讀給他聽，我裝作現在忙緊點事情，著他自己可以先看一下，他便回應「我唔識睇」，那我便鼓勵他先翻一翻看下圖畫也可以的，但他仍說「我唔想啊，我要你同我一齊睇」。
想請教下大家，我買給他的書已經是他有興趣的種類，而且書裡面的文字他也懂得九成的。
為何他能力和興趣都有但仍不願意自己看書，是否我們從小都是伴讀，以致他產生依賴性，連翻翻書看下圖畫也不願自己看？
有什麼方法可以令他可以嘗試踏出第一步，自己自行看書？
謝謝。

A-Mum

我當年都有呢個困難，都係靠堅持，氹下、哦下、讚下、鬧下，忽然有日佢準備好，就肯自己睇。

b3410

年齡還小，只要喜歡書，大了之後會發現突然之間就會自己看的。

kmmum

要小心注意,我大囡由細到大都伴讀。拒絕自行看書。小二中文合格邊緣。後証實中文讀障。 但英文/數學卻沒有問題

MrBeast

可能只是attention seeking，有時間就繼續伴讀，是很好的親子活動

cdn

同意樓上，排除不是讀障，其實可以繼續伴讀，我伴到7嵗半，突然有天佢嫌我讀得慢，自己讀了。當然，繼續要坐我大脾，但自己睇，有時又會要我讀返幾頁

803Joa

小朋友未有信心自己閲讀，繼續用伴讀的方式，不過方式要調整一下，要相向，要小朋友讀一部份。慢慢張小朋友悦讀的比例增加，讓他充滿自信時，他會自然自己看。趁小孩還小的時候，家長不防選擇多些不同的書擴闊看書的領域，大d就很難，他自己話事，自己選擇。

一人之下

我仔六歲，自五歲開始，我會要求我讀一本比佢聽，佢讀返一本比我聽，由ort level1開始， 佢讀的時候我，會扮到好鐘意聽佢講故仔，慢慢佢習慣左，對自己的信心大左。現在有時佢吾想讀，我會話一人一頁輪住讀。佢知自讀到之後，會自己攞書來睇了。

PY-Sing

我都有同樣的憂慮.
但我相信我的憂慮會是多餘, 因伴讀應是一個階段, 而這個階段應是因人而異罷. 有時我同小兒講一齊看某一本書, 佢竟然答我話, 佢已過那本書, (估計只是看了一些圖畫和其中的一些段落). 但我知道有一天他再不會要我同佢伴讀. 而我將會懷念伴讀的時光.
其實小兒都會自己睇書,

cherrieshum

阿女已經8歲，仍然要我伴讀，偶然會自己閱讀，例如wimpy kids

mimi222shi

當小朋友識字量夠, 自然能自行閱讀(我個反而唔睇圖, 對字敏感, 愛看全文字)
每個人成長唔同, 幾歲仲係細, 唔需要急
不過, 好彩我唔使伴讀Chatper books(我怕辛苦...)