用戶登入
用戶名稱:
密      碼:
搜索
教育王國 討論區 海外留學 『維也納海外生』交流
查看: 9400|回覆: 68
go

『維也納海外生』交流

Rank: 5Rank: 5


3153
發表於 16-6-24 23:33 |顯示全部帖子
小兒上年去了維也納升學,當時14歲,Repeat了一年讀Year9,自己一個住,想認識一下有孩子在維也納讀書的家長!無論是中學或是大學~
myphoto.jpg




朱家有個小豬B,人人叫佢做家熹!
【醒世文】- 頭四句父母不親誰是親  不重父母重何人  你若重他十六兩  後代兒孫還一斤 千兩黃金萬兩銀  有錢難買父娘身  在堂父母百年稀  生時不孝死後悲

Rank: 5Rank: 5


3153
發表於 16-7-13 01:38 |顯示全部帖子

回覆:家熹媽咪 的帖子





朱家有個小豬B,人人叫佢做家熹!
【醒世文】- 頭四句父母不親誰是親  不重父母重何人  你若重他十六兩  後代兒孫還一斤 千兩黃金萬兩銀  有錢難買父娘身  在堂父母百年稀  生時不孝死後悲

Rank: 5Rank: 5


2089
發表於 16-7-13 09:08 |顯示全部帖子
請問如何申請維也納寄宿中學? 可以講多d嘛?

Rank: 5Rank: 5


3153
發表於 16-8-30 09:16 |顯示全部帖子

回覆:123BB 的帖子

其實香港冇中介公司做維也納中學生的,上年因為我個仔既同學仔去維也納讀書,我先能夠接觸倒昨!我用緊既中介超差,所以我都5推介比你喇!正因為此,所以想搵家長交流吓😔



朱家有個小豬B,人人叫佢做家熹!
【醒世文】- 頭四句父母不親誰是親  不重父母重何人  你若重他十六兩  後代兒孫還一斤 千兩黃金萬兩銀  有錢難買父娘身  在堂父母百年稀  生時不孝死後悲

Rank: 5Rank: 5


2089
發表於 16-8-30 12:15 |顯示全部帖子
回覆 家熹媽咪 的帖子

可以講下每年要幾多錢嗎? 學費、住宿同埋其他洗費, 唔該。

Rank: 5Rank: 5


3153
發表於 16-9-5 05:05 |顯示全部帖子

回覆:123BB 的帖子

一年駛費係25-28萬,其實好視乎你讀邊間學校,住咩地方,如果慳慳地,其實18至20萬應該都可以的。

我仔仔上年過去讀,原本應該係讀Yeah 10 ,但係因為奧地利母語係德文,我個仔又從來都未讀過德文,所以最後決定重讀一年,再喺果邊搵補習。

奧地利有好多學校都唔使錢,就算5係當地人都好,只要你考得入,而間學校有收你嘅,都可以享有免費教育!

上年四月我同個仔飛過去Interview,我哋見到三間學校,一間係公校(免學費) ,兩間係直置,其中一間係IB學校,學費分別為€2XX及€5XX。

非常幸運,三間學校都收咗小兒!其中一間仲係125年嘅老校添!



朱家有個小豬B,人人叫佢做家熹!
【醒世文】- 頭四句父母不親誰是親  不重父母重何人  你若重他十六兩  後代兒孫還一斤 千兩黃金萬兩銀  有錢難買父娘身  在堂父母百年稀  生時不孝死後悲

Rank: 5Rank: 5


2089
發表於 16-9-5 10:37 |顯示全部帖子
家嘉媽, 你真係叻, 奧地利都俾你搵到學校, 咁你仔仔成績應該都唔錯啦, 我之前曾經叫過我個女學德文, 日後可以去德國讀書,但係佢唔中意, 其實我比較中意歐洲, 但又真係冇乜agecy做歐洲既中學, 請問你仔仔考既入學試係唔係香港考? 使費25-28萬其中學費係幾多錢一年呢? 唔好意思咁多問題, 麻煩你啦。

Rank: 5Rank: 5


3153
發表於 16-9-9 03:21 |顯示全部帖子

回覆:123BB 的帖子

123BB
其實真係啱啱遇着剛剛,天時地利人和三樣嘢同時間出現,所以先做就呢一次過機會!個agecy係我個仔個同學仔媽咪介紹嘅,因為香港冇agecy做奧地利中學留學生,所以輾轉要搵中國大陸嗰啲中介公司,但係呢間中介公司超級唔掂,未過去之前乜嘢都話得得得,過咗去之後,你想搵佢都好難,好在平時自己訓練有功,阿仔一嬲都獨立開,如果唔係真係幾大獲!

語言呢家野真係冇得迫,如果佢自己想嘅話,你唔叫佢自自然然都會去學,最緊要係你同佢溝通嘅時候,唔係逼佢去學,只係分析俾你聽點解要學多個語言,當佢接受左之後,佢就自自然然會死心蹋地去學好語言。

至於學費方便,真係好睇你揀啲咩類型學校讀,公立學校係全免嘅,聽講奧地利有90%嘅公立學校,只要你考得入都係唔使錢嘅(我指嘅係中學),直資學校就由€3000/一年 ~ €30000/一年都有,我個仔因為喺香港讀開lB,雖然三間學校都收咗,但係我哋因為唔想佢讀得太辛苦,所以放棄左間傳統學校,揀返讀lB,阿仔學費上年€6000/一年(交12個月學費),今年升Yeah10 學費都會微調,但係唔會爭太多,一個月都好似係多幾十蚊€!



朱家有個小豬B,人人叫佢做家熹!
【醒世文】- 頭四句父母不親誰是親  不重父母重何人  你若重他十六兩  後代兒孫還一斤 千兩黃金萬兩銀  有錢難買父娘身  在堂父母百年稀  生時不孝死後悲

Rank: 5Rank: 5


2089
發表於 16-9-9 12:15 |顯示全部帖子
家嘉媽, 資料好詳盡啊, 唔該你! 學歐洲語言既重要性我已經解釋俾我女女聽架啦, 依家等緊佢主動開口要求學! 你d資料好有用, 我又了解多樣野啦, 不過, 我認為應該可以自己直接聯絡學校, 唔需要經agency架。

Rank: 5Rank: 5


3153
發表於 16-9-9 13:55 |顯示全部帖子

引用:家嘉媽,+資料好詳盡啊,+唔該你!+學歐洲語言

原帖由 123BB 於 16-09-09 發表
家嘉媽, 資料好詳盡啊, 唔該你! 學歐洲語言既重要性我已經解釋俾我女女聽架啦, 依家等緊佢主動開口要求學!  ...
或者我咁講,如果係歐洲中學來計,佢哋嘅英文水平唔及英、美、加、澳,因為我個仔Interview果陣,要以全德文對答,加上家長亦都要在場,之所以要搵agent,係因為佢哋會喺中間做溝通同翻譯,當校長問我既時間,我只能夠點頭微笑,然之後靠翻譯幫我,當然呢個問題暫時我只知道係維也納係咁,其他地方我都唔係太清楚。

至於考入學試,嗰邊就冇呢一樣野, interview完之後,有啲學校會即時話比你聽佢哋收唔收你,有啲學校就會過一兩日先通知你,當然係要個人親身飛返去啦!呢一點我覺得比英、美國好,因為佢哋係網上做卷,網上Interview,我個人覺得非常十分之兒戲,卷可以再做,webcams 後面可以有貓紙,我見身邊有好多人去英國讀書,只係填左啲資料,交左啲成績表,係咁以做一份paper ,跟住就話收咗!我冇諗過係咁草草了事~



朱家有個小豬B,人人叫佢做家熹!
【醒世文】- 頭四句父母不親誰是親  不重父母重何人  你若重他十六兩  後代兒孫還一斤 千兩黃金萬兩銀  有錢難買父娘身  在堂父母百年稀  生時不孝死後悲

Rank: 5Rank: 5


2089
發表於 16-9-12 10:21 |顯示全部帖子
回覆 家熹媽咪 的帖子

我女英文已經好好, 所以我想佢學多一門外語, 亦有恐嚇佢只會供佢去歐洲讀書, 英文國家唔考慮,   
我其實有留意德國一間IB寄宿中學, 一年3萬幾歐羅, 可以自己經佢校網申請, 親身過去都冇問題, 其實可以當旅行, 不過因為今年去過德國玩左十幾日, 食唔慣, 佢情願留香港都唔去德國讀書,  當然時機成熟我都鼓勵佢去歐洲既。家嘉媽, 請問你仔仔係自己一個人租屋住? 佢自己洗衫煮飯? 依家德文係唔係已經好流利?

Rank: 5Rank: 5


3763
發表於 16-9-12 17:26 |顯示全部帖子
回覆 家熹媽咪 的帖子

請問你仔仔住在學校? 還是寄宿家庭?
梁媽媽

Rank: 5Rank: 5


3153
發表於 16-9-17 03:51 |顯示全部帖子
123BB 發表於 16-9-12 10:21
回覆 家熹媽咪 的帖子

我女英文已經好好, 所以我想佢學多一門外語, 亦有恐嚇佢只會供佢去歐洲讀書, 英文國 ...

本帖最後由 家熹媽咪 於 16-9-17 03:53 編輯

仔仔過去時本來係住大學生宿舍,點知住咗三個月之後,監護人通知唔可以再住,原因係我個仔唔夠16歲(嗰陣佢啱啱足15歲),後來個咁監護人Sale我哋住中學生宿舍,我哋兩公婆同個仔都唔係好想,所以最後決定租屋住,佢而家自己一個人住,洗衫煮飯、吸塵拖地等家務都係自己一個人做,同住宿舍比較,佢會比較鍾意自己搬開住,因為大學生宿舍太熱鬧,樓上樓下,隔離左右D學生成日開P~

我上年陪個仔過去Interview嘅時候,都覺得自己好難適應,啲嘢食好多都係凍冰冰,但係反而我個仔超級鍾意

維也納9月5號出咗直航,你可以考慮吓下次去維也納走一轉,真心講句除左食嘢之外,維也納的而且確係生活指數最好嘅地方,難怪佢連續七年都成為全球生活指數最好嘅地方!

讀左一年德文,而家都算唔錯,可以自己去做護照,攪學生簽證,當然~仲有好大好大嘅進步空間啦

Rank: 5Rank: 5


3153
發表於 16-9-17 03:54 |顯示全部帖子
梁媽媽 發表於 16-9-12 17:26
回覆 家熹媽咪 的帖子

請問你仔仔住在學校? 還是寄宿家庭?

梁媽媽,家熹依家係自己一個人租屋住的,生活上所有細節都係自己處理!
朱家有個小豬B,人人叫佢做家熹!
【醒世文】- 頭四句父母不親誰是親  不重父母重何人  你若重他十六兩  後代兒孫還一斤 千兩黃金萬兩銀  有錢難買父娘身  在堂父母百年稀  生時不孝死後悲

Rank: 5Rank: 5


2089
發表於 16-9-19 09:42 |顯示全部帖子
本帖最後由 123BB 於 16-9-19 09:53 編輯

回覆 家熹媽咪 的帖子

你個仔真係叻叻! 如有需要我再麻煩你, 家嘉媽, 第日你仔可以做ageny幫手翻譯喎

家嘉媽, 請問你仔仔係唔係音樂好好?

Rank: 5Rank: 5


2320
發表於 16-9-19 20:40 |顯示全部帖子
家熹媽咪,你仔仔好叻,咁細個就自己獨立租屋住,我18歲時都去咗維也納讀書,不過係讀大學。我想問下你仔仔間IB嘅學校,學校主要語言係英文還是德文?

Rank: 5Rank: 5


3153
發表於 16-9-19 23:43 |顯示全部帖子
123BB 發表於 16-9-19 09:42
回覆 家熹媽咪 的帖子

你個仔真係叻叻! 如有需要我再麻煩你, 家嘉媽, 第日你仔可以做ageny幫手翻譯喎:happ ...

講真我都有咁同佢講第時喺嗰邊做德語翻譯都幾好!

我仔音樂一般,主要係佢唔係主修音樂,嗰邊有好多華人問我,個仔係咪主修音樂,我一答唔係佢哋都覺得好奇怪

講真,我都唔知點解明明唔係讀音樂,但係又會揀維也納
朱家有個小豬B,人人叫佢做家熹!
【醒世文】- 頭四句父母不親誰是親  不重父母重何人  你若重他十六兩  後代兒孫還一斤 千兩黃金萬兩銀  有錢難買父娘身  在堂父母百年稀  生時不孝死後悲

Rank: 5Rank: 5


3153
發表於 16-9-19 23:50 |顯示全部帖子
smellycat 發表於 16-9-19 20:40
家熹媽咪,你仔仔好叻,咁細個就自己獨立租屋住,我18歲時都去咗維也納讀書,不過係讀大學。我想問下你仔仔 ...

Smellycat :

家熹果間學校Year11 之前都係以德語做主語,Year12,13 就半德半英!

但佢D老師好好,知道佢德語5好,都會用英文再講一次比佢聽

可否分享一吓果陣妳讀書所遇呢?妳?係咪主修音樂
朱家有個小豬B,人人叫佢做家熹!
【醒世文】- 頭四句父母不親誰是親  不重父母重何人  你若重他十六兩  後代兒孫還一斤 千兩黃金萬兩銀  有錢難買父娘身  在堂父母百年稀  生時不孝死後悲

Rank: 5Rank: 5


2320
發表於 16-9-20 00:22 |顯示全部帖子
係,我去讀音樂的。維也納幾適合讀書嘅,冇其他城市例如London, New York 咁多資多彩,學生讀書會專心D. 不過我覺得奧地利人唔係好講英文,會逼住自己好快學識德文。

Rank: 5Rank: 5


3153
發表於 16-9-20 03:43 |顯示全部帖子
smellycat 發表於 16-9-20 00:22
係,我去讀音樂的。維也納幾適合讀書嘅,冇其他城市例如London, New York 咁多資多彩,學生讀書會專心D. 不 ...

我上年陪個仔去interview時,又覺得OK喎~都好多人講英文。

當初之所以揀呢間學校,係因為我哋唔想個仔讀得太辛苦同埋太大壓力,傳統學校99%係德文教學,人哋未必會停係度逐句逐句教你,所以我選擇俾錢繼續讀ib,點知返咗學之後先至知道原來半德半英,係要等到Year12 (emoji) 但係好好彩嘅係,呢間學校啲師資幾好,老師們都好肯講英文,D土生土長既同學仔又肯教佢,所以佢D德文都進步得好快

咁你係咪讀完書之後就返咗嚟香港呀?仲有冇同嗰邊啲朋友仔或者同我仔聯絡呢?
朱家有個小豬B,人人叫佢做家熹!
【醒世文】- 頭四句父母不親誰是親  不重父母重何人  你若重他十六兩  後代兒孫還一斤 千兩黃金萬兩銀  有錢難買父娘身  在堂父母百年稀  生時不孝死後悲