『維也納海外生』交流

123BB

回覆 bbdou 的帖子

你仔仔居然中意跳舞, 請問你仔仔喺德國邊度讀? 點樣搵學校同地收生條件又係點架? 可唔可以講多d ? 學費同生活費又點計? 住宿舍嗎? 我聽講柏林個邊多大陸人

家熹媽咪

bbdou 發表於 16-9-29 09:41
家熹媽咪你好，我仔不是去維也納讀書而是去了德國，可以一齊傾下交流下嗎？
...

非常歡迎呀

家熹媽咪

bbdou 發表於 16-9-29 11:01
係，佢主要係讀跳舞學校，上午讀附近的state school，下午跳舞。但佢未轉入正式中學，跳舞學校先送佢去spe ...

仔仔幾大？讀跳舞我都係第一次聽，感覺非常新奇，可以分享更多嗎？

bbdou

其實我哋都係第一次，盲摸摸，初頭完全唔知點開始，又冇agent，好彩我哋目標係跳舞學校，就先上網搵舞團，睇下有冇附屬學校，再搵跳舞學校的ranking list，再逐間入學校網頁睇要求，鎖定幾間後，拍audition video，寄去作初步甄選，過到就親身飛過去audition。收生條件真係唔知，我只可以講唔同學校注重唔同的嘢，有的注重先天條件，有的注重後天技巧。

我仔現在斯圖加特 (Stuttgart)，住跳舞學校宿舍，包三餐，全校大約30個海外生，只有我仔一個中國人，其他的有來自日本、韓國、巴西、法國、羅馬尼亞、烏克蘭、俄羅斯、意大利、美國及加拿大的學生。

我仔過去之前係完全唔識德文，但讀書要用德文讀，所以跳舞學校會送所以海外新生去special school學德文先，半年後考試合格就轉入state school。

至於學費同生活費，真係超級抵。
首先，special school & state school係免學費，連書都唔使買，只需要自己準備文具同筆記簿；而跳舞的學費，真係抵到爛，一個月Euro140，包晒每星期上足六日，每日兩堂，每堂個半或兩個鐘，再加如有表演的綵排；住宿連膳食及洗衣係Euro520一個月，有營養師設計餐單，每星期仲有兩餐係食"飯"，開心死我仔。宿舍有七、八位職員照顧宿生，大部份擁有心理學或社會學學位，無論在心理或生理上都照顧得好好。雖然現在校舍有點舊，不過新校舍2018年落成啟用，到時就好靚好專業！

我哋年頭飛過去時，去咗Stuttgart, Hamburg 同 Berlin，個人不喜歡柏林，好似比較亂及污糟，Hamburg 同 Stuttgart 差不多，好舒服，感覺個城市好整齊企理。

開左學差不多三個星期，我覺得個仔好似如魚得水咁，好開心，希望佢可以繼續努力，唔好被人踢返來。

123BB

回覆 bbdou 的帖子

鄧你開心, 斯圖加特係好舒服又靚既一個地方, 我都係中意德國南部比較多, 人亦nice , 喺德國讀書比較放心既一個地方係, 佢地既師資非常好, 知識好全面, 要學埋心理學, 考老師資格絕唔容易。學費好吸引, 比維也納更加平, 等我都上網搵下資料先, 唔該你, bbdou!

123BB

唔識德文應該點搵學校?

bbdou

123BB 發表於 16-9-29 15:50
唔識德文應該點搵學校?

我搵嗰D個學校網頁有英文㗎喎

家熹媽咪

123BB 發表於 16-9-29 15:15
回覆 bbdou 的帖子

鄧你開心, 斯圖加特係好舒服又靚既一個地方, 我都係中意德國南部比較多, 人亦nice , 喺 ...

超級詳盡，德國嗰邊好多香港交流生，要問你起野上嚟我相信會比我更加容易。

維也納過去德國都好近，但係因為我仔啱啱先過去，我想佢熟咗維也納或奧地利D地形先，再去鄰近國家玩。

佢而家每個星期六、日，如果冇特別野做，都鍾意遊地鐵河，游到邊就落車行

bbdou

家熹媽咪 發表於 16-9-30 15:08
超級詳盡，德國嗰邊好多香港交流生，要問你起野上嚟我相信會比我更加容易。

維也納過去德國都好近，但係 ...

請問在哪裡可以搵到德國交流生的群組？我仔係全校唯一的中國學生，有問題只可以問同學和 head of residence hall。

遊地鐵河幾好玩㗎，我仔得13歲，我未俾佢自己一個出街，一定要 in groups，好彩同學們好好，個個周未出街都帶埋佢。

123BB

bbdou! 我搵過幾間中學, 都要18萬一年啊, 點解你仔仔個間咁平既?係因為跳舞嗎?

bbdou

123BB 發表於 16-10-3 11:34
bbdou! 我搵過幾間中學, 都要18萬一年啊, 點解你仔仔個間咁平既?係因為跳舞嗎? ...

阿仔跳舞學校同讀書學校是分開的，讀書學校是state school，政府學校唔使學費喎

123BB

回覆 bbdou 的帖子

慕尼黑個邊可能貴d

bbdou

個仔開咗學一個月，我覺得佢適應得非常好，似乎一開始也沒有什麼home sick，每個周末都同住宿舍的同學及學長一齊出去行下玩下，昨天告訴我有本地同學邀請佢去生日會，相信佢同同學相處得不錯。

讀書暫時仍然輕鬆，除德文外加了 arts 堂，但仔話有兩堂唔知點解老師帶咗成班出去玩，又去圖書館，好搞笑。

跳舞剛開始時很累很辛苦，但經過一個月的訓練，已漸漸適應，最近也開始了12月學校表演的綵排，希望個仔繼續好好努力加油，一步一步地踏踏實實咁向目標前進。

123BB

回覆 bbdou 的帖子

恭喜你仔仔適應得咁好

梁媽媽

回覆 bbdou 的帖子

聽到你仔仔適應得咁好, 替你感到安落呀。
加油。

家熹媽咪

bbdou 發表於 16-10-7 10:03
個仔開咗學一個月，我覺得佢適應得非常好，似乎一開始也沒有什麼home sick，每個周末都同住宿舍的同學及學 ...

做父母嘅最開心真係莫過於見到孩子適應力強，而且冇掛住屋企，我身邊好多小朋友去讀書，佢哋啲思鄉病嚴重，你仔仔相信都應該本身係獨立型，所以可以適應得咁快，絕對係一件好事！可惜我哋唔係喺同一個國家，如果唔係相信佢哋應該都好快可以做到好朋友

fcatherinehk

見到呢個post太興奮啦！
我想搵維也納／德國嘅中學資料比我囡，佢喜歡音樂和科學，請問我應該從何入手揾資料？自己上學校網頁？
另外維也納租屋費用多少? 家長第一年可以陪讀嗎？

期待你們繼續分享那邊讀書和生活的事！

家熹媽咪

fcatherinehk 發表於 16-10-13 03:55
見到呢個post太興奮啦！
我想搵維也納／德國嘅中學資料比我囡，佢喜歡音樂和科學，請問我應該從何入手揾資 ...

Fcatherinehk:

早晨呢個鐘數竟然有人仲未瞓，還是係你已經起咗身？

維也納如果要租屋，可以由€300幾起，當然其實要睇下你到底想租住邊一區，我個仔住嗰區價錢會貴少少，因為果區係成個維也納治安最好嘅其中之一區。€520（包管理費）水電費另計。

至於搵學校，其實主要係睇下你想搵公立學校定係私立學校，然後再睇下你到底想搵邊一區，其次就係睇吓學校嘅種類，例如係音樂學校，還是係普通學校。

家熹媽咪

fcatherinehk 發表於 16-10-13 03:55
見到呢個post太興奮啦！
我想搵維也納／德國嘅中學資料比我囡，佢喜歡音樂和科學，請問我應該從何入手揾資 ...

家長陪讀，可能要再了解一下先覆到你。我見係有嘅，但係用咩途徑真係唔清楚。

fcatherinehk

謝謝回覆！
我依家應該搵agent /自己揾德奥D中學資料？
我自己上網search過但唔係有好多資料。


租屋你係through agent/自己搵？