2016 年 62 區及鄰區叩門心得- 給下年家長

subb

洗米華 發表於 16-7-4 21:26
伍小同思源今年都吾係收111，睇實力

其實思源從來都是睇實力的 ! 佢考d野都唔淺的

sinityleee

111 幫助是有的，但不會好大幫助，最後是願意跑多少間，interview子女的表現，有時一日interview 左三間，我個女在校長面前訓底左... 黑面不回應 OMG

toljai

伍小我唔係111冇得見，但朋友唔係111有得見。我係學卷幼稚園，朋友係私幼！

tsewong

glocatcat 發表於 16-7-4 21:20
所以要提下一年家長，請善用甲乙1,2,3的位置，荃灣是很難填的，如放好學校在乙2同乙3反正都派唔到，但叩門 ...

我來緊16/17年會報... 有間沙田區一線小學自行有25分, 但交通未安排到, 仲猶豫緊自行報唔報好

如放棄沙田報返荃灣區, 我心儀浸聯, 住荃景圍, 所以諗緊自行(20分)+甲1+乙1都放浸聯

乙2諗緊放柴灣角天主教小學, 因近屋企, 加埋係二線小學好似安全啲... 咁放OK嗎? 乙3我都諗唔到放邊間了

我小朋友只係讀樓下屋村幼稚園, 中文OK但因冇請姐姐又冇去補習, 英文好一般, 加埋一到陌生環境佢就唔出聲, 我驚佢叩門唔多得

水深火熱

原帖由 tsewong 於 16-07-05 發表
我來緊16/17年會報... 有間沙田區一線小學自行有25分, 但交通未安排到, 仲猶豫緊自行報唔報好

如放棄沙田 ...

乙三可以考慮放區外借位果D，有D都ok,如果一定要係荃灣區，只可以填三寶。
另外就係建議今年報D直私，陸續面試，拎下經驗先。

tsewong

水深火熱 發表於 16-7-5 11:49
乙三可以考慮放區外借位果D，有D都ok,如果一定要係荃灣區，只可以填三寶。
另外就係建議今年報D直私，陸續 ...

Thanks.  借位即係邊啲? 青衣/葵青嗰啲區?

乙三已經要三寶咁嚴重 天佑 / 石小呢啲有冇機會呢?  填三寶真係中咗都喊三聲

我可能都會報幾間私小, 一來攞經驗, 二來可繼續大抽獎 as backup.  直資就不會了, 最近嗰幾間都要去到美孚/深水涉/九龍塘, 咁我不如自行報返沙田好過, 距離仲近

cattz288

原帖由 tsewong 於 16-07-05 發表
我來緊16/17年會報... 有間沙田區一線小學自行有25分, 但交通未安排到, 仲猶豫緊自行報唔報好

如放棄沙田 ...

乙二柴天都安全， 除非no好後！ 乙3, 一係借位， 一係聖十架， 咁應該無可能再後了！

gracelam

原帖由 tsewong 於 16-07-05 發表
我來緊16/17年會報... 有間沙田區一線小學自行有25分, 但交通未安排到, 仲猶豫緊自行報唔報好

如放棄沙田 ...

有得離開荃灣一定要走，而且25分入硬沙田一線，唔好留响中小學都係死亡之網荃灣區。

glocatcat

tsewong 發表於 16-7-5 10:58
我來緊16/17年會報... 有間沙田區一線小學自行有25分, 但交通未安排到, 仲猶豫緊自行報唔報好

如放棄沙田 ...

你個情況同我好相似, 但我乙二放柴天入唔到
浸聨20 分要抽, 但我係抽唔到

經過今年, 我個人覺得, 除非真係一心等運到唔博唔安樂, 或者, 已有做好叩門準備, 如果唔係, 乙1 放浸聯係危險架, 抽到就抽到, 抽唔到如去叩門又唔夠人競爭的話, 就會好幣

呢個係我經過今年叩門成個月的感想

glocatcat

tsewong 發表於 16-7-5 12:02
Thanks.  借位即係邊啲? 青衣/葵青嗰啲區?

乙三已經要三寶咁嚴重 天佑 / 石小呢啲有冇機會呢?   ...

天佑放乙二有D 危, 因為呢間學位少, 都有好多人放乙1的, 這間是校舍細同舊, 但升中派位不太差的
石小你指石鐘山? 乙1 都有人不入, 乙2 絶對冇基會

hichau86

glocatcat 發表於 16-7-5 13:02
你個情況同我好相似, 但我乙二放柴天入唔到
浸聨20 分要抽, 但我係抽唔到

相當認同，浸聯111真係好影響，抽唔中之後叩其他學校都無111，而浸聯講真大把人111，佢叩門位又唔多(講真邊個大抽獎中到浸聯又唔去讀，我都好想認識下佢)，即係唔111都無乜所謂，除非嗰年麥玲玲話你旺得好緊要，唔係都唔好擺浸聯111。
我都叩左成個月，表遞左15-16間，最後有4間offer(其中一間係寶校)
我可以分享o既，就係家長表現喺面試環節相當重要。
某d學校係家長小朋友一齊見一TAKE過，呢個時候家長要注重一吓自己，其實好有可能喺踏入WAITING ROOM攞左小朋友LABEL已經開始評分，我見過有d家長喺WAITING ROOM玩手機唔理小朋友，小朋友有d就無所事事，有d就同其他小朋友嘈嘈吵吵，其實小朋友等緊嗰陣悶悶哋無嘢做，唔一定要同其他小朋友吹水/玩o既，帶定本故事書/磁石棋，家長同小朋友一齊玩吓棋，讀下故仔書，留個好印象俾d先生咪幾好囉。玩手機幾時都有得玩啦，面試得一次機會都唔做好d。

tsewong

glocatcat 發表於 16-7-5 13:02
你個情況同我好相似, 但我乙二放柴天入唔到
浸聨20 分要抽, 但我係抽唔到

咁你最後叩唔叩到好啲嘅學校?

我就係驚出現兩頭唔到岸嘅情況, 但我C6覺得浸聯自行有20分, 已比其他15分嘅多一次抽獎嘅機會... 我都唔明佢點解咁樂觀

我明要去沙田讀嘅話又真係好辛苦, 仲要係6年喎... 但沙田間學校係一線, 又有25分(我係校友)。 出年係出生率最高峄嘅入學年, 我之前經歷過爭床位同爭幼稚園學位已經怕怕
所以我真係好好好唔想搏... 出年戰況應該仲慘烈過今年, 一搏唔到真係

tsewong

hichau86 發表於 16-7-5 13:42
相當認同，浸聯111真係好影響，抽唔中之後叩其他學校都無111，而浸聯講真大把人111，佢叩門位又唔多(講真邊 ...

呢個就係我最驚嘅情況，浸聯111唔得嘅話，好多例如荃基，官小，思源，伍小等好可能根本就連叩門嘅機會都冇

所以我係傾向去沙田，荃灣大抽獎好難玩。但要說服到我C6先

hichau86

tsewong 發表於 16-7-5 14:08
呢個就係我最驚嘅情況，浸聯111唔得嘅話，好多例如荃基，官小，思源，伍小等好可能根本就連叩門嘅機會都冇 ...

有得去沙田梗係去沙田啦，沙田個校網好咁多，不過自行25分唔中，之後統一要借地址至有得玩沙田網噃。仲有你屋企入沙田麻唔麻煩先?講真入荃灣入沙田番學，快則一個鐘，每日一來一回無左兩個鐘，兩個鐘就無左兩項課外活動架啦，間學校真係好到值得每日兩個鐘?不過有能力孟母三遷就唔同......

tsewong

hichau86 發表於 16-7-5 14:16
有得去沙田梗係去沙田啦，沙田個校網好咁多，不過自行25分唔中，之後統一要借地址至有得玩沙田網噃。仲有你 ...

我嗰間係沙田圍呂明才小學，係一線小學＋有間band 1聯繫中學，所以我係好想入... 係唯一交通問題要諗，每日來回兩個鐘真係大人細路都顛

如果25分都入唔到我就返荃灣抽獎架啦

hichau86

tsewong 發表於 16-7-5 14:22
我嗰間係沙田圍呂明才小學，係一線小學＋有間band 1聯繫中學，所以我係好想入... 係唯一交通問題要諗，每 ...

呂明才--->值，25分一定搏得過

有無親戚住沙田可接放學?係要搞掂番學放學問題啫，無o既話搬屋算啦。

tsewong

hichau86 發表於 16-7-5 14:31
呂明才--->值，25分一定搏得過

有無親戚住沙田可接放學?係要搞掂番學放學問題啫，無o既話搬屋算啦。

我父母住馬鞍山嗰邊, 唔啱方向, 每日接完返我父母處再返荃灣要double時間

我會再同C6商量下, 睇下搬唔搬到

另外要再慢慢研究下荃灣區情況... 就咁睇好似都幾易中寶校... 我FB見今年連聖十架叩門都要後補, 另外幾多人去咗青衣

最慘呢兩年都係出生率高峄期入學, 好大競爭

hichau86

tsewong 發表於 16-7-5 14:53
我父母住馬鞍山嗰邊, 唔啱方向, 每日接完返我父母處再返荃灣要double時間

我會再同C6商量下, 睇下搬唔搬 ...

有得自行派到好學校，盡量就啦,唔係到時現大抽獎，好似我個小朋友咁，乜志願都無派去潮州到，喊都無謂

cmcchow

cattz288 發表於 16-7-4 23:02
咁即係無乜準則！

老師話111係有分加

AmandaBabybaby

原帖由 hichau86 於 16-07-05 發表
相當認同，浸聯111真係好影響，抽唔中之後叩其他學校都無111，而浸聯講真大把人111，佢叩門位又唔多(講真邊 ...

無錯，你講出我想講的！