什麼小學會適合語言能力較強的小朋友呢？

Activehealth

HKAGE 可以self nomination， 不用經學校。

meowloo

樓主, 感覺你心中對小學有一定的期望，或者你講講你的期望和要求係點先？看看大家能否向你提議一些較貼近你的理念的學校？

近年小一學額競爭都幾激烈，如只係單一方面有天份，學校在初步遴選時未必一定可以揀選到佢的，所以可能真係要到你有OFFER後才能提供較具體的意見了。

小曳人

IloveJJ 發表於 16-8-30 00:08
其實語文能力高，點解要支援呢？語文能力高，即係睇得明好深既書，識寫一篇好文章嗎？還是有其他?咁照讀原 ...

如果孩子某方面能力高，佢有機會响嗰科課堂上出現行為問題另，好多時家長講嘅支援，仲有增潤課程
又或者，有無老師會俾機會佢發揮長處？

wan_sosin

原帖由 IloveJJ 於 16-08-30 發表
我聽過呢樣野，但語文同數學唔同，就算超前，睇返淺既書都無問題架?

我頗認同你的睇法，我個仔在小二上學期完之後做了個中文語文評估，當時佢認讀達到小四程度，小五程度就一半半。
到現在升小三，可以睇大人純文字書，學校課文佢完全識，但佢都係咁讀，仲要中文成績只算好，並非最top嗰班，水平高也不一定分數高。
平時睇書，如果內容有趣，一樣會睇圖畫多的童書，始終都係小朋友有童心。大人書睇得明但未必内容啱佢咁細個睇！

dlam141231

楼主在資優欄裏提出這個問題, 我估計是期待孩子是語文資優.   我也來分享一下吧.  我兒是少數文理俱優的資優生, 但我一直認為他語文資優是後天環境所致.  自幼就培養他廣泛閱讀興趣, 從两歲開始睡前閱讀, 周末就到書店或圖書館.  從不教他認字串字背誦詩句, 無留意他幾歲開始會看些甚麼程度的書, 會寫出怎樣的句子.  我只是長期提供大量題材廣泛的讀物, 以及最佳的閱讀氣氛.  

語文資優有何好處, 這些在升小學升中學後便續漸顯現出來.  喜愛閱讀的孩子, 一般看書速度都快, 兒子更是一目十行.  加上閱讀泛圍廣泛, 常識豐富, 往往下筆都能言之有物.   我不覺得他記憶力特別好, 但速讀能力確是極佳, 加上理解力強, 這讓他在學習上佔盡優勢.   

兒子是在北美出生長大, 幼兒園小學初中都在多倫多渡過, 他升中以top 10成績考入當地以學業成績出類拔萃著稱的私立中學, 其中語文部份(包括作文)居然拿滿分, 我才開始意識到他語文能力不只是一般的強.  後來回流香港, 高中唸IB, 在IB第一年, 加入了學生月刊做副編, 經常忙於看稿並篩選學生投稿, 我又在學生月刊上看到他執筆的小品和嘉賓訪問.  他一個理科生, IB Eng Lit HL A, 卻拿了7分, 我又再一次意識到他語文能力是真的好.

可是這麼多年來, 我做的, 就只是培養閱讀興趣, 語文能力是自然而然累積下來, 亦都好明顯, 讓他終生受惠.    其實不管語文資優與否, 家長做好從小培養子女閱讀興趣這部份, 已是事半功倍.

小曳人

IloveJJ 發表於 16-8-30 11:05
我聽過呢樣野，但語文同數學唔同，就算超前，睇返淺既書都無問題架?

我只係話有機會
而我早前已講咗一個語文資優响學校遇到問題嘅例子

個個孩子都唔同，無話一定有問題 or 一定無問題

小曳人

IloveJJ 發表於 16-8-30 15:08
唔好意思，無意冒犯，只係見樓主一再強調津校如何欠缺資源，彷彿浪費了他孩子的天賦般，就好奇想知。我孩子 ...

我自己當初選校，都會諗：呢間學校可以俾到d乜我嘅小朋友？！作為家長，人力有時窮，唔知道外面會唔會得到一d支援，唔好浪費咗孩子天份

久而久之，發現大部份嘅學校都唔多重視幫助培養孩子嘅長處

我唔會話係好事定壞事，唯有接受現實，我地嘅教育係倒模式嘅
但天份唔用，係會無咗嘅，有時會心痛：點解我地嘅教育制度係咁
我最想要嘅支援，係老師們會重視孩子們嘅不同，唔會硬要佢地"一樣"！

孩子們個個唔同，可能你比較幸運，遇到好老師，無呢個問題

小曳人

話時話，以我所知，直私嘅資源唔一定好過官津，d錢點用，好睇校長方針

boboalmighy

原帖由 小曳人 於 16-08-30 發表
話時話，以我所知，直私嘅資源唔一定好過官津，d錢點用，好睇校長方針

就是不知道那間學校會運用資源在資優學生上， 所以才在這裡出帖一問。 謝謝分享。

boboalmighy

原帖由 小曳人 於 16-08-30 發表
我自己當初選校，都會諗：呢間學校可以俾到d乜我嘅小朋友？！作為家長，人力有時窮，唔知道外面會唔會得到 ...

非常同意你的看法！

boboalmighy

原帖由 IloveJJ 於 16-08-30 發表
唔好意思，無意冒犯，只係見樓主一再強調津校如何欠缺資源，彷彿浪費了他孩子的天賦般，就好奇想知。我孩子 ...

如果小朋友真的很有才華， 比同齡高出5-6年以上。 學校也一樣當仔一般同學般教導，
這對孩子真的是最好嗎？ 我真的不知道， 真心請教各位！ 這不是有違因材施教的理念嗎？

貝珠

原帖由 dlam141231 於 16-08-30 發表
楼主在資優欄裏提出這個問題, 我估計是期待孩子是語文資優.   我也來分享一下吧.  我兒是少數文理俱優的資 ...

多謝分享。我想再了解一下，你提到從不教認字串字，想問是什麼原因呢？是不是focus 在認字串字會compromise 閱讀樂趣？因為我女兒還少，想多了解。先謝。

dlam141231

貝珠 發表於 16-8-30 17:35
多謝分享。我想再了解一下，你提到從不教認字串字，想問是什麼原因呢？是不是focus 在認字串字會compromise ...

正是這個原因.  我志在培養閱讀樂趣, 不在乎他學曉多少.  床邊故事時間, 亦是親子時間, 我更希望他享受這段母子共聚的時光.  有一件事印象深刻, 他两三歲時, 床邊做事時間, 我常拿著一本彩色大地圖跟他現坐飛機遊戲, 一時帶他從很冷的北極飛去赤道, 一時又說要帶去有熊貓的地方. 遊戲玩著玩著, 後來就變為由他帶我去遊世界.  他三歲半入學, 入學的第一天, 我跟幼兒園的老師招呼, 聽到老師是意大利姓氏, 就問老師家鄉是否在意大利.  老師回答說夫家是意大利人.  這時站在一旁的兒子隨口就說 : mom, the big boot.  老師很驚喜, 對他留下很好印象.  做父母的, 在孩子幼兒時期, 不用刻意去傳授智識, 倒不如放輕鬆, 跟孩子多玩耍, 從遊戲中學習, 既益智又親子.  

貝珠

多謝分享。我女兒也很愛閲讀，閲讀係指伴讀，所以三歲但認知能力很高。但＂認字＂能力和興趣很低。在今時今日的香港，個個小朋友好以返k1前已經識A至z，大細楷。我也會心急想佢學得快d。但我同意focus 左認字，看書的趣味是減低了，不竟我們是working couple, 伴讀時間珍貴。