怕上台朗誦，或公開說故事

DevilPig

小女今年要考小學喇，但她性格很怕別人目光，要開金口既台上表演，或班裏講故事，都很怕得要命，好緊張到發不了聲。。。其實平時家中練習很好，我帶她在  clubhouse 練習，她亦很放胆，什麼自己比錢買東西，佢亦好樂意。。但一到正式場合，就是好驚，有什麼辦法呢?

老師話要時間成長，我當然很明白，但考小學已經開始了

kp_sin2001

上台表演唔係嗰個做到, 始終關天生性格問題, 我仔個性大膽, 但上到台朗誦一樣面青, 玩咗四年都未有任何改變緊張情況, 所以真係無得迫, 做唔到都無辨法.

DevilPig

原帖由 kp_sin2001 於 16-06-16 發表
上台表演唔係嗰個做到, 始終關天生性格問題, 我仔個性大膽, 但上到台朗誦一樣面青, 玩咗四年都未有任何改變 ...

就係，但對要考小學，或升上去後要 做 present 功課，大膽永遠好重要。。。係咪無其他辦法？

ppmmbb

DevilPig 發表於 16-6-16 13:40
就係，但對要考小學，或升上去後要 做 present 功課，大膽永遠好重要。。。係咪無其他辦法？



  ...

玩親子組先。

CALVEN

我仔都唔肯，性格天生，好難勉强。

DevilPig

yannie_man 發表於 16-6-16 14:19
我覺得係天生！我囡囡好talkative,無時無刻都要同人傾計，學校有講故事演講,佢都唔會怯場！所以好多司儀角 ...

我都好明白係天生, 亦唔係個個要做 TVB, MC 等, 但 LEE 一年代, 有好多野要 presentation, 升到上去, presentation 仲要計分, 我只係想佢少 D 緊張, 放鬆心情, carefree 就得..... 但真係好難....次次見佢表演, 好似去行刑, 口塞, 失聲, 震晒, 我好心痛, 鼓勵完又係咁, 話完又係咁..... 其實一班人果 D 唱歌表演冇問題, 佢係怕成為人中既注視.....係咪由佢, 真係大左會好??

zanezane

我個小朋友會因怕有閃失，會出醜，明明練得幾好會即時好焦慮，和縮沙。
唔一定為扣門而要改，上到小學個個學期有口試，要present, 真係好蝕底。

我會鼓勵佢多嘗試，令佢慢慢覺得就算衰都好平常。
佢一盡力就話欣賞佢邊一個地方。
一成功就同佢講：係你勇於嘗試嘅成果，幸好無選擇放棄。
而家有時都會偶爾發作，但我視次為成長嘅體驗，無可能成世人唔跌過，盡力準備又因情緒問題而功虧一簣真係好唔好受，阿女衰過幾次後，同佢分析返，慢慢會明嘅。

我都試過一次勁瘀，阿女臨陣唔肯出去演說，所有人拍哂手鼓勵佢都唔肯，我唯有講：我地唔出去講。
但我點都要佢留係度睇其他小朋友點做，佢就開始後悔自己無做到。。。。其他人完左望下佢，佢就知唔出去個決定好錯。俾空間佢選擇對後果負責都好重要，係細雞野衰夠，到重要關頭時應因以往經驗做得更好

ppmmbb

原帖由 DevilPig 於 16-06-16 發表
小女今年要考小學喇，但她性格很怕別人目光，要開金口既台上表演，或班裏講故事，都很怕得要命，好緊張到發 ...

唔好放棄，要試但無需急，站台膽量真的要訓綀出來，唔需要No.1但要夠膽行出來完成項目，試下親子朗誦，你(父母一齊都ok)一句佢一句，玩玩下就有改善。

ppmmbb

樓主應該無用物質去解決學習問題，我的understanding，對嗎？

DevilPig

原帖由 ppmmbb 於 16-06-16 發表
唔好放棄，要試但無需急，站台膽量真的要訓綀出來，唔需要No.1但要夠膽行出來完成項目，試下親子朗誦，你( ...

其實親子，合誦都試過喇。。但一返回個人，佢就怕得要命

DevilPig

原帖由 ppmmbb 於 16-06-16 發表
樓主應該無用物質去解決學習問題，我的understanding，對嗎？

有。。。玩具，雪糕，去 Disneyland 都出過

ppmmbb

原帖由 DevilPig 於 16-06-16 發表
其實親子，合誦都試過喇。。但一返回個人，佢就怕得要命

咁又唔太差，合誦OK就代表佢係有能力可以站台，咁你試找些誦材/故事佢佔大部份及solo位多d，慢慢一定得，加油！