小一自己溫習？

babywoman

今次考英文，佢返來同我講，溫嘅全冇用，考平時上堂啲嘢

little_yolky

CarlTsoi 發表於 16-6-6 01:35
我仔小一，成績中上，考試測驗要捉佢温習，阿仔未至於抗拒，但有得玩緊係玩左先，同埋溫半至一小時就要玩一 ...

要睇小朋友性格同學校政策。

有D學校考前係會幫小朋友溫書的, 但唔係科科老師咁做, 有D學校考得早, 教唔切就無得溫。


同埋要睇小朋友性格, 真係同一條腸生出嚟都可以好唔一樣。但都係最緊要家長响小朋友初小時個心要堅定, 唔好計較分數。經驗談, 大女只需要响月曆貼晒測考默日期及內容, 事前提提佢(因為小一唔識睇月曆), 佢會自己溫。至於溫習方法, 大女我係叫佢自己諗。佢就經過平時測驗既經驗累積, 搵自己合適既方法。當然, 你唔可以要求佢名列前茅啦。

細女就同你仔仔一樣, 今年小一, 真係要篤住佢一齊溫, 我覺得到佢可以自己溫仲係有一段好漫長既距離。

Nath

我個小一生就要督住温書, 試過比個範圍佢, 結果掛住休息同睇課外書, 咩都做唔成 我會係考試前2個星期開始每日温大約45分鐘, 主要係重温中英文生字, 尤其係中文. 跟住2 個週未就主力陪住佢温, 每30分鐘休息15分鐘咁安排.

little_kid

我試過俾範圍佢自己温，佢將本書番來番去，番到某頁勾起佢一個話題又同我講講講。串字又用唔同颜色寫嘥時間。我結果忍唔住要督住佢温

Yanamami

babywoman 發表於 16-6-6 10:24
我地平時唔書，考試前半個月開始溫。因平時測驗默書不入成績表。平時科科80分以上就收貨。



  ...

Same here, 平日唔温書，考前两星期开工~

CarlTsoi

我都平時，平時都溫，好似冇得抖咁

CarlTsoi

原帖由 CarlTsoi 於 16-06-06 發表
我都平時，平時都溫，好似冇得抖咁

我都平時冇溫

little_yolky

Yanamami 發表於 16-6-6 11:43
Same here, 平日唔温書，考前两星期开工~

我哋測考默乜都計分, 所以大女年終無休不停溫書咁。

細女.......佢對於分數呢樣嘢好豁達既。

洋蔥頭媽咪

我地平日唔會温習(默書除外)，但會鼓勵仔仔上堂留心，唔明白要主動問，功課自己做，平日不會對功課，小一測考會陪佢溫，教佢溫習方法，小二測考半放手，成績OK嘅科目嘗試比佢自己温，小三起已全放手了，高小亦響精英班。

個人認為放手與否，幾時放，其實好睇家長要求及孩子學習態度，家長心態好重要，有部份家長會相當著眼分數，認為初小一定要有90分或以上，所以會貼身迫住小朋友做功課/溫默書/温測考，唔會放手，到高小又要追呈分成績，更加唔會放手，到升中都仲要督住，否則小朋友就會hea，你緊佢唔緊，亦見唔少case 升中後父母跟唔住成績就大跌，因孩子習慣了要人督促先做，讀書好似為父母唔係為自己。

我覺得初小係培養孩子自我學習好時機，就算衰左都仲有時間追，但家長一定要有耐性及耐力，教小朋友温習方法，多鼓勵及引導孩子，適量放手比時間讓孩子慢慢進步先得。

1010mum

我是這樣：
小一陪溫, 教佢點溫。
小二，幫佢制定計劃，要溫的範圍/重點，買街外試卷。佢自己溫，我幫對答案和找錯處。
小三，我就功成身退了，不管了。

大寶如是，小寶也一樣。

pamelaywy

其實看性格，我細仔小一已經自己溫書、自己做筆記，只需提供練習佢自己做
當然，他是快手加自動自覺型

benjuli

原帖由 洋蔥頭媽咪 於 16-06-06 發表
我地平日唔會温習(默書除外)，但會鼓勵仔仔上堂留心，唔明白要主動問，功課自己做，平日不會對功課，小一測 ...

你們所説的温習方法是怎樣的?

edutm

之前有老師講過，考試期間都要有正常玩耍時間。現在只係小一，又唔係考公開試，點可能放假坐幾粒鐘溫習呀。
我都係同佢溫一個鐘，溫得耐自己都頂唔順。老師亦講過，要提考試技巧，例如溫下題目類型，諗唔到就做下一題先等等。

洋蔥頭媽咪

原帖由 benjuli 於 16-06-06 發表
你們所説的温習方法是怎樣的?

可先了解學校考試模式，教小朋友温習考試範圍，重溫默書字詞/工作紙/作業.... 由其留心層做錯嘅地方，不同科目温習範圍及方式可能有別，亦可以給孩子做少許補充練習題當練習，初小其實唔難，但必須幫小朋友打好底子，平日鼓勵佢主動發問，家長可以從平日家課觀察小朋友識定唔識，再從旁幫佢。

manmanchubb

我睇科目，弱科就一定陪溫

pilotmama

阿仔鍾意挑戰，佢要自己溫習然後考返佢，問佢都會有唔識、唔記得，咁就提/教返佢，佢錯左既就會印象深D。(阿仔今年小一)

minniebaby1126

回覆 妹妹頭 的帖子

JJDBB

原帖由 CarlTsoi 於 16-06-06 發表
我仔小一，成績中上，考試測驗要捉佢温習，阿仔未至於抗拒，但有得玩緊係玩左先，同埋溫半至一小時就要玩一 ...

可以訓練下。出年二年班，可以試下。

JJDBB

原帖由 洋蔥頭媽咪 於 16-06-06 發表
可先了解學校考試模式，教小朋友温習考試範圍，重溫默書字詞/工作紙/作業.... 由其留心層做錯嘅地方，不同 ...

我們都是這樣甩手的。

CarlTsoi

原帖由 JJDBB 於 16-06-07 發表
我們都是這樣甩手的。

快D甩手