關於呈分試補考問題

tracy0927

我小朋友學校今日開始呈分試，3/6-8/6考試，有同學病左無返，我哋學校可以補考，我認識的一個同學昨天開始發燒，但今天早上已退燒，但佢媽咪知道學校有得補考，於是就乾脆請病假，佢媽咪仲同我講:個女發燒都無點溫過習，反正有得補考就唔返啦！今日係考中文，考完之後有些家長就WhatsApp討論題目了，而且通常補考係考完其他科之後先補的，9號係端午節假期，即係佢最快都係下星期五先補考中文，我有一個問題想問:咁嘅情況即係佢比其他同學有多一個星期的時間溫習，而且咁多日佢好可能或多或少會聽到一些考試題目，這樣是否對其他同學不公平呢？其他學校對於呈分試病假係點樣處理嘅呢？

洋蔥頭媽咪

原帖由 tracy0927 於 16-06-04 發表
我小朋友學校今日開始呈分試，3/6-8/6考試，有同學病左無返，我哋學校可以補考，我認識的一個同學昨天開始 ...

有同學未考家長gp就唔應該討論試題，可以温馨提示下有同學未考。至於補考方法每間學校處理不一，有學校有醫生紙唔打折，亦有學校幾日未考就唔比補考，都有聽聞有家長會响呢d位諗方法/出古感，但家長唔好諗呢d，其實學校係有完善機制去處理，可能結果未必係佢想像中。所以唔好理人地啦，盡力做好自己就可以。Good Luck.

SingMom

tracy0927 發表於 16-6-4 00:17
我小朋友學校今日開始呈分試，3/6-8/6考試，有同學病左無返，我哋學校可以補考，我認識的一個同學昨天開始 ...

各校處理方法不同，我個間就先打個八折，所以病住都去考，最多被人隔離

wan_sosin

我仔間學校，呈分試不設補考

408littlepig

试後三天內完成補考
呈分試補考卷不同

YuYuMother

呈分試我無研究，但平時考試都係用唔同試卷，另外分數會打折。呈分試應更加嚴謹。

我都同意家長唔好諗太多，自己小朋友考好個試就得。學生考試期間病假，學校自有安排，唔駛諗太多。

Chowying

原帖由 tracy0927 於 16-06-04 發表
我小朋友學校今日開始呈分試，3/6-8/6考試，有同學病左無返，我哋學校可以補考，我認識的一個同學昨天開始 ...

人地真係病喎，樓主要咁計較咩，發燒返學傳染開去咁你會唔會高興 d ,唉…

大件仔

你諗到學校都諗到, 無咁易比你搵JETSO, 如果個個都係咁, 下次再呈分時, 個個都請病假!!!!,

gracelam

原帖由 tracy0927 於 16-06-04 發表
我小朋友學校今日開始呈分試，3/6-8/6考試，有同學病左無返，我哋學校可以補考，我認識的一個同學昨天開始 ...

我女間小學後補呈分試份卷唔同，所以唔會唔公平。 病左都唔想，至於多幾日温, 但又會多幾日心理壓力，而且自己一個考或兩三個考的壓力總比平時一班人考較為大。

tracy0927

原帖由 gracelam 於 16-06-04 發表
我女間小學後補呈分試份卷唔同，所以唔會唔公平。 病左都唔想，至於多幾日温, 但又會多幾日心理壓力，而且 ...

其實小朋友當日都考慮到哩個問題，同媽媽講想回校考試，唔想補考的時候人少俾老師睇實曬，只是媽媽覺得個女無溫過習就阻止佢返學，個女已經校服都換好了。

mayyylai

補考分數應該會打折扣，而且份卷應該同原本嗰份唔同。 未必有著數，不過病都考試咪仲容易出錯。

marble2004

回覆 teddykin414 的帖子

Ours is same!