一對一學樂理，6個月學了3本書

broadband

每星期45分鐘，正常應該幾耐學完考得

mansum92

3本書是1，2，3級嗎？如是，就有點慢，但也要看孩子多大，年紀比較少可能需要多點時間。

mansum92

我兒子1對3，每堂45分鐘學了7個月去考的

hoihoima

broadband 發表於 16-5-23 23:35
每星期45分鐘，正常應該幾耐學完考得

總共有幾多本書？

broadband

原帖由 mansum92 於 16-05-24 發表
3本書是1，2，3級嗎？如是，就有點慢，但也要看孩子多大，年紀比較少可能需要多點時間。



  ...

已經係高小，而且數底好。老師話係小朋友既問題。其他3個都係去年12月開始學既小朋友2個已經可以考6月個試，1個重係今年2月已經考完。老師話我個小朋友重要學多4個月。

broadband

我個小朋友學校既老師同其他課外活動既老師都讚佢上課好留心，學校音樂老師重叫佢做班代表。
咁既情況究竟係咩原因？

Queenielam88

原帖由 broadband 於 16-05-25 發表
已經係高小，而且數底好。老師話係小朋友既問題。其他3個都係去年12月開始學既小朋友2個已經可以考6月個試 ...

嘩！咁真係好耐喎。你地一堂要幾錢呀？咁學法咪要好多錢囉！

我地今年暑假只係在附近琴行報咗個4-6人樂理考試班，番12堂X1.5鐘共18小時，學費二千幾，跟住就報考10月個試！我冇諗過要學咁耐㗎！

mansum92

我諗你可以同小朋友傾下上堂情況睇下佢有冇咩困難，又可以問下老師小朋友到底咩問題。我記得我仔學既時候老師極速教完1-3級，之後用左好多時間教intervals，老師話intervals一定要岩晒，其他野就好易catch up.  會唔會你小朋友就係唔明呢度？

miss321

原帖由 broadband 於 16-05-23 發表
每星期45分鐘，正常應該幾耐學完考得

我覺得樂理不能跟書逐頁教，唔係就用好多時間，書同做past paper 形式不同。
我跟topic 教，會用書中有用exercise.
Intervals, Scales, 作曲 都係分開教。
我覺得書設計最不好是scales, 分開5本教，但考試絕對不是咁出。
一般學20-24小時都學完整個syllabus.

broadband

原帖由 Hehabb 於 16-05-25 發表
出面好多都係速成班，老師為左考試而教，自然可以快好多，但個基礎就未必打得好，之前教我小朋友個老師就教 ...

佢係琴行學，個琴行老板兼佢既琴老師請演藝學生來教。第一個老師用5個月教2本, 琴行老板話同一個老師，有學生2個月教完，有學生6個月。剩係我嗰個學咁慢。5月換第二個老師用1個月已經教完1本。但琴行老板重話要用多4個月先考得。佢2個老師都係跟書教，無額外野。

broadband

原帖由 Queenielam88 於 16-05-25 發表
嘩！咁真係好耐喎。你地一堂要幾錢呀？咁學法咪要好多錢囉！

我地今年暑假只係在附近琴行報咗個4-6人樂理 ...

每堂45分鐘，$220/堂。學10個月即係要$8800。

broadband

原帖由 miss321 於 16-05-25 發表
我覺得樂理不能跟書逐頁教，唔係就用好多時間，書同做past paper 形式不同。
我跟topic 教，會用書中有用ex ...

請問如果買past paper俾佢做住已教完既頭3級好唔好？我想睇下佢學成點，唔想到臨考前先發現佢學得唔好。

Queenielam88

原帖由 broadband 於 16-05-25 發表
每堂45分鐘，$220/堂。學10個月即係要$8800。

考試嘅嘢真係好難講㗎！同琴行識員傾開，佢話上年暑期班全班都一考就合格晒。但有個初中學生係一對一跟老師學就足足考咗三次先合格呀！真係冇人知佢發生咩事！

mansum92

學完1-3級做唔到5級past paper, 如果我冇記錯，好多內容都未教到

sheep_le

要融會貫通五個級別的內容才可以做卷，其實份卷內容，syllabus 有寫的，跟著逐個教就搞掂。

aeiou_drm

原帖由 miss321 於 16-05-25 發表
我覺得樂理不能跟書逐頁教，唔係就用好多時間，書同做past paper 形式不同。
我跟topic 教，會用書中有用ex ...

請問如一學學五級樂理， 是否由一級的內容開始教 / 學架?

longlokma

係好慢，尤其頭3级其實好简单，如每堂45分钟，根本最多10堂已学完頭3本，除非你孩子唔肯做功课，全部等上堂做，咁就肯定嘥时间了

cmchang0927

朋友個仔p2, ㄧ對ㄧ上六個月，考8x分

clarise_lau

如果跟書逐級教，六個月學三本都真的很慢。我是跟topic教，一個topic會用到幾個級數的書，學生大個 掌握快啲嘅話，最快可以13堂45分鐘，完晒全個五級課程 成績仲有9x分；慢啲既話其實around 16堂可以完成（45分鐘計）。
不妨問吓老師，小朋友係邊度較弱，令到個進度拖慢；而且留意小朋友有邊度唔明白、有冇做足功課等等，小朋友有唔明一定要問老師，如果唔係後面學既野係會跟不上的。