停課日－不吐不快

洋蔥頭媽咪

問題來自學校，其實真係睇你間學校點安排，有部份迫學生早走，冇午餐甚至唔比入學校，呢d係學校唔跟教局指引，從事件亦可以睇到學校處事機制好定差。
我仔學校安排得相當好，當天掛紅雨時九成幾同學已回校，學校隨即發短訊通知家長不用趕到學校接回子女，家長可選擇隨時接回或跟正常放學時間放學，學校有正常午餐及校車，當天不會教書，老師會安排活動。但的確有很多家長一聽到紅雨就選擇接回小朋友，我仔果班就大部份同學午餐後才走，我是在職所以沒刻意安排提早接，故小兒跟正常放學時間坐校車回家，不過7成同學已提早放學了。

wan_sosin

我小朋友嗰日返到學校都未掛紅雨，學校讓學生入禮堂，教育局宣布咗停課後，有家長送來的學生，學校叫家長可以帶同子女回家，其餘未能有家人接走就留校，家長亦可隨時接走小朋友，學生如留到放學，照正常放學方法。
事實飯商當日未能確定是否會送飯到學校，但學校話如果學生未能返家，飯商唔送飯學校都會買食物給學生，唔會餓親佢哋，當日有睇ETV,視藝堂照比學生畫畫，英文堂睇英文卡通，有些老師給學生做定第二日的功課。
雖然在早上學校與家長的溝通都出現混亂，但最後整體安排算好，學校第二日也即時有通告交代當日安排上的問題。做成混亂唔完全關學校事，係教育局宣布嘅時間做成。

babywoman

發紅雨時，剛起身，我地學校返得遲，8:35。但有的遠嘅應該已在路上，有的要補課的已在校。所以學校話可返校也可唔返，家長決定，學校全日開放。但我冇了解學生在校有乜消遣。
嗰日咁特別，無論點家長都應包容下，只要下次做得再好些便可，放鬆啲啦，香港人

notcool

Definitely, the notice is late but then schools need to make decisions by using common sense.

I am just curious why schools need to send back children. No food? No school buses?

karen55407

jujuliawong25 發表於 16-5-14 22:52
我太太本來對黃耀南呢間學校好有期望，不過紅雨一出，沖走我唔少信心．
話說星期二落大雨，我太太如常送細 ...

你亞媽打黎話班主任打比佢同佢講話學校早放，十一點半去湊走細路放學，點解你只質疑？而唔係通知學校話你嘅難處呢？仲由得老人家去湊放學呢？
我小朋友學校都係轉黄雨就通知家長接放學，喺未轉紅雨已經返到屋企，我仲住得幾遠！要怪不如怪個天點解有不測的風雨啦！

irischowys

原帖由 jujuliawong25 於 16-05-14 發表
我太太本來對黃耀南呢間學校好有期望，不過紅雨一出，沖走我唔少信心．
話說星期二落大雨，我太太如常送細 ...

睇番你原文，既然冇人湊的小朋友可留校看卡通片，又不是要立即離校，我覺得可接受。好多時我仔試後都冇咩活動，只係煲etv或magic school bus, 亦試過睇一些英文卡通，一日半日算罷。
至於幾時接走，好視乎家長決定喎，當日我仔返咗學後宣佈停課，我見天氣還不差，真是雨都冇滴，趕快接仔回家，食埋午飯到兩點先落雨，幸好我早回家。若天氣太差，我就會等時機才去。

nintendo

似乎係老師打電話話 "可以去接"，而非 "必須去接"。
老人家自己一時聽錯，又擔心又亂，自己走去接。

bigmacq88

原帖由 nintendo 於 16-05-15 發表
似乎係老師打電話話 "可以去接"，而非 "必須去接"。
老人家自己一時聽錯，又擔心又亂，自己走去接。
...

你說得對! 看來是溝通出現問題. 樓主有難處, 可以直接同學校講.

jujuliawong25

收到電話，老人家行得郁都係仆到去嘅，可以點阻止？我打去學校又點？話唔比細路走？老人家都去到學校啦

其實我嘅意思好簡單，正如有啲朋友所講，比個訊息家長話學校係安全嘅，請準時三點半黎湊仔就得了，唔需要特登過黎．紅雨轉黃雨就叫人走，點知人算不如天算轉返紅雨，中間乜都可以發生，真係發生意外，唔通怪人咁嘅天氣都去湊孫？

如果學校比個訊息留係學校係安全嘅，只係我冒死去學校去湊仔，咁責任係我度，無乜野好講，但我睇到嘅係學校話可以早走喎你走唔走，走就黎唔走就坐係度等，咁嘅決定係咪顧及學生同家長嘅安危呢？兩件事黎嘅～

karen55407

原帖由 jujuliawong25 於 16-05-15 發表
收到電話，老人家行得郁都係仆到去嘅，可以點阻止？我打去學校又點？話唔比細路走？老人家都去到學校啦:cry ...

當收到你亞媽通知時，你可以阻止，但你根本唔會和稍後會𨍭紅雨，因為天文台都唔知，學校更加唔知。

jujuliawong25

回覆 notcool 的帖子

有飯食，放學一樣有車走．其實呢樣野所有學校都會係咁，訂飯嘅車一早就出車，當日都係咁（當然紅雨咁做工人同送飯姨姨真係唔話得，亦有危險架），極其量都只會遲到，唔會唔黎，所以我個細路都有盒飯帶走．
正常嘅做法，學校實會打去比飯商同校車一路睇住情況傾點做，唔會話無就無嘅．我唔太擔心．所以我先會覺得佢點解叫學生走．

洋蔥頭媽咪

原帖由 jujuliawong25 於 16-05-15 發表
收到電話，老人家行得郁都係仆到去嘅，可以點阻止？我打去學校又點？話唔比細路走？老人家都去到學校啦:cry ...

我明白你意思，學校意思其實係想全部小朋友盡快放學唔駛煩，否則就唔會叫小朋友打比家長話要 "提早放學 "，餘下其他沒人接嘅小朋友先可以留校(但家長其實唔知)，學校似乎完全沒向家長表明可留校直至正常放學時間，所以家長都會以為必須提早接，絕對同意學校應變及發報訊息做得比較差，所以我完全明白樓主嘅不滿。

karen55407

原帖由 jujuliawong25 於 16-05-15 發表
回覆 notcool 的帖子

有飯食，放學一樣有車走．其實呢樣野所有學校都會係咁，訂飯嘅車一早就出車，當日都 ...

哦！我女學校無飯食喎！如果小朋友無人接，學校會安排飯，但不是供應商提供。

jujuliawong25

回覆 karen55407 的帖子

以往聽過話去麥記買包比佢地應急嘅

nintendo

jujuliawong25 發表於 16-5-15 16:43
收到電話，老人家行得郁都係仆到去嘅，可以點阻止？

點解學校唔打比父母？
我女學校可登記三個電號碼，第一個是我手機，第二是老公手機，第三是老公公司，office 一定有人接聽。
唔好煩老人家。

jujuliawong25

回覆 nintendo 的帖子

我都唔知喎，我幾個電話都登記晒．
老師問邊個係屋企，細路咪答亞嘛囉．你就好啦，我地兩個都要返工，遠水邊救到近火？

karen55407

原帖由 nintendo 於 16-05-15 發表
點解學校唔打比父母？
我女學校可登記三個電號碼，第一個是我手機，第二是老公手機，第三是老公公司，off ...

平時接送都係老人家嘛

nintendo

karen55407 發表於 16-5-15 18:52
平時接送都係老人家嘛

一般應該通知父母，接送的都可能係工人，或其他親人，
始終特發事情父母先有權決定點處理。

老人家想幫下手，唔想d仔女擔心，自己走去接。

5kin

回覆 jujuliawong25 的帖子

要求家長接小朋友走呢方面，跟據樓主所言，
校方做法的確唔係好正路，
但係留校生有無午餐食確實係一個考慮因素，
學校要變出幾百個飯盒唔係易事，
單係有無現錢比附近食肆，
有無足夠時間比人哋準備（就算係唔同班叫唔同食肆都要比時間人哋煮掛）
有無小朋友係因為宗教或病而要揀食，
突然間頗難處理，
無飯食要d小朋友留到校車嚟隨時唔係小朋友而係家長暴動



至於睇卡通片呢樣，
咪當比小朋友放下假休息一下，
日日鋤書無休息唔係一件好事，
反正學校比得睇嘅衰極有譜

notcool

Most important is the safety of kids. So, if kids are at school, should not ask parents to pick them up during red signal.