沙田體藝中學

fionakong2008

原帖由 Soundervolt 於 16-05-09 發表
所以呢個學界制度十分荒謬，點解香港九龍同新界有分別，乜新界唔屬於香港嘅一部份，莫非界限街以北仲係租借 ...

又或者咁講，其實只要有實力，每年田總都會有好多被承認嘅公開賽、分齡賽給予各健兒比拼。一年有四個系列賽，加上有香港田徑錦標賽、城市、三星、香港青少年分齡田徑賽、公民等等⋯田徑係計數字，無得呃，人家都係睇數字，就算天水圍又或者其他區，也有好出色的香港代表。大家努力pb就可以。

Soundervolt

原帖由 fionakong2008 於 16-05-10 發表
又或者咁講，其實只要有實力，每年田總都會有好多被承認嘅公開賽、分齡賽給予各健兒比拼。一年有四個系列賽 ...

我當然明白頂級運動員未必對學界賽事放在眼內，而且會更著眼更高階嘅賽事，例如全港或國際性賽事，我朋友個女讀體藝，剛剛贏咗U14網球世少盃亞太區冠軍，學界對高手嚟講跟本只係小賽事。我所指出為什麼學界比賽要分開港九/新界，而成為某尐學校特權嘅俱樂部？我覺得呢個制度應該好好檢討及改善，令學界比賽更有「全港」代表性。

thcheung1

Soundervolt 發表於 16-5-10 10:52
我當然明白頂級運動員未必對學界賽事放在眼內，而且會更著眼更高階嘅賽事，例如全港或國際性賽事，我朋友個 ...

hkpapa852

Soundervolt 發表於 16-5-10 10:52
我當然明白頂級運動員未必對學界賽事放在眼內，而且會更著眼更高階嘅賽事，例如全港或國際性賽事，我朋友個 ...

所以D人成日話新界地區名校叻極都只有學術, 沒有體藝表現.

其實原因可能根本係一D制度既問題, 人地連參加都唔俾你參加, 咁又可以點呢?

fionakong2008

原帖由 Soundervolt 於 16-05-10 發表
我當然明白頂級運動員未必對學界賽事放在眼內，而且會更著眼更高階嘅賽事，例如全港或國際性賽事，我朋友個 ...

我明白你嘅質疑。，連同學都係我女嘅好同學，非常出色又nice，亦有好多師兄師姐一早已達到世界級水平，呢樣各家長都會好開心。但是我其實呢幾年都有分析過小量數據，講明先男子我無分析過，只睇女子新界各區和d1,2,3(x4)abc組成績比對，女子單項成績三甲，通常呢啲三甲會再參加個別公開賽，我會睇埋，事實上實質能有機會落d1決賽的新界區女同學並不多，呢啲些微距離係事實，但當然有例外，有幾個潛質選手，一樣愛自己嗰區嘅中學，田徑成績非常出眾，我同呀女非常欣賞。

mcl203

原帖由 fionakong2008 於 16-05-10 發表
我明白你嘅質疑。，連同學都係我女嘅好同學，非常出色又nice，亦有好多師兄師姐一早已達到世界級 ...

新界區既女同學係好多吓架，佢地不少係來自新界區既小學 ~~~

mcl203

有時D討論點都幾有趣...明知D1/2/3係地區性比賽(唔知就話唔明原因啫)...又非係公認為全港最高既某些運動比賽...咁D1/2/3同其他地區比賽有乜基本上既分別呢??

硬要將D1比喻為某些人獨享既私人會所....又咁講....全港咁多私人會所...唔去呢個咪去另一個囉...又何苦長途拔踄...係要搭車去遠D果個會所呢

又咁講...唔分區比賽...要撈埋一齊玩...宜家都要玩3日唔可以返學...莫非要定位為如世界杯...先分區再決賽...4年一度...玩足2-3年乎

Soundervolt

原帖由 mcl203 於 16-05-10 發表
本帖最後由 mcl203 於 16-5-10 13:16 編輯

有時D討論點都幾有趣...明知D1/2/3係地區性比賽(唔知就話唔明 ...

我並非話D1係香港最高級別嘅比賽，但學界比賽係應該係有全港所有學校嘅代表性，而唔係只有香港及九龍而冇新界。我地當年都係港九新界一齊比賽，地區初賽到總區決賽咪玩幾個週末，而且唔會全港四百幾間中學都會報名參加，唔使玩好耐，點解而家新界要分開？我地打Inter-Club League都係全香港嘅會所比賽，唔會小圈子只係侵港九會所，新界免問。如果某尐會所先至有權去打某比賽，唔係特權咁係乜？

mcl203

Soundervolt 發表於 16-5-10 13:38
我並非話D1係香港最高級別嘅比賽，但學界比賽係應該係有全港所有學校嘅代表性，而唔係只有香港及九龍而冇新 ...

現實...現在有幾多間中學參加緊學界比賽??

少學校參與既比賽....D1並非係最終既學界比賽...係各區代表係決賽見

既然D1非香港最高級別嘅比賽...咁同如元朗區比賽有乜主要分別??

又為何不反問...如各新界區既私人會所...禁止港九區中學參與...同理乎??

現實係如...D1/2/3 共6組...比賽日一共6x3=18日...若再細分為每組頭1/2/3去港九區決賽...再多3日...再去全港決戰...又多3日...1日比賽隔1週...成年都密密操...到時就真係体藝生多為B3仔女...根本未返過學

是否要將一D俾學生參與既地區性比賽...升格為全港精英學生...可以一齊參與既 香港最高級別嘅比賽??

miriam

fionakong2008 發表於 16-5-10 00:18
又或者咁講，其實只要有實力，每年田總都會有好多被承認嘅公開賽、分齡賽給予各健兒比拼。一年有四個系列賽 ...

學校既比賽唔夠時, 好多都會向外發展, 唔一定只得學總既比賽既.

我囡香港既公開賽得兩次, 覺得唔夠時咪走出去囉.

miriam

mcl203 發表於 16-5-10 13:13
有時D討論點都幾有趣...明知D1/2/3係地區性比賽(唔知就話唔明原因啫)...又非係公認為全港最高既某些運動比 ...

你講左我好想講既野, 到時分區賽, 小組出線第一輪次輪賽, 跟住又 32 強, 真係驚玩到學期完都未玩到 final.

miriam

mcl203 發表於 16-5-10 13:55
現實...現在有幾多間中學參加緊學界比賽??

少學校參與既比賽....D1並非係最終既學界比賽...係各區代表係 ...

剩係沙西區有玩田徑既學校就咁睇都超過 40 間............ 得幾間無參加.

男子組 Boys

女子組 Girls

Soundervolt

原帖由 mcl203 於 16-05-10 發表
本帖最後由 mcl203 於 16-5-10 13:56 編輯

其實我嘅觀點好簡單，無論新界多與少學校參與，學界比賽應該係全港學校都可以參與，唔應該分港/九/新界，that's all! （而且傳媒唔好再講D1係全港學界最高級別嘅比賽）

mcl203

miriam 發表於 16-5-10 14:03
你講左我好想講既野, 到時分區賽, 小組出線第一輪次輪賽, 跟住又 32 強, 真係驚玩到學期完都未玩到 final.
...

所以...我話莫非要現玩世界杯咁...先亞洲小組...亞洲決賽...32強...再打到去决賽...玩足4年

學界比賽...玩吓啫....最緊要去刻苦鍛練...团隊精神...联誼吓...何須執着玩邊個會所會有面D

miriam

mcl203 發表於 16-5-10 14:09
所以...我話莫非要現玩世界杯咁...先亞洲小組...亞洲決賽...32強...再打到去决賽...玩足4年

學界比賽...玩 ...

唔得, 我要搵多樣野操恆我囡等佢有機會去會所玩............會所肯收佢既話

Soundervolt

原帖由 miriam 於 16-05-10 發表
唔得, 我要搵多樣野操恆我囡等佢有機會去會所玩............會所肯收佢既話
...

Tennis啦！Country Club鄉村俱樂部、銅鑼灣CCC紀華利木球會，CRC中華遊樂會、KCC九龍木球會...等等，都收Tennis Elite Sports Members。

Lucifer3960

回覆 Soundervolt 的帖子

多謝各位，終於明白體藝咁勁為何不在D1的原因了.

ABC-DAD

Soundervolt 發表於 16-5-10 10:52
我當然明白頂級運動員未必對學界賽事放在眼內，而且會更著眼更高階嘅賽事，例如全港或國際性賽事，我朋友個 ...

現今嘅香港學界體育聯會係1997 年9 月1 日成立，在之前，新界學體會同香港九龍嘅學體會係獨立分開，地理同歴史引出嘅發展，成就左不同制度。
無咩好拗。現今體育發展由各專項體育總會統籌，賽制比較全面而成熟，水平資源都比學界賽高。

而且學界比賽嘅人力同主要來自會員學校嘅老師同、學生同體育會義工，再加上要配合比賽設施及其他資源，在在有一定限制。

現今學界唔夠全港代表性咩？從何説起呢？運動成績好嘅學生運動員集中某些學校﹐原因心照不宣吧，恐怕改成咩制度都無大分别；比賽成績比對歷年學界紀錄嘅刷新就係最有代表性。運動員係用實際能力去代表香港，不同比賽舞台都提供到機會畀佢地去挑戰自己同歷史紀錄。
有學界頂級水平嘅同學，有邊位  '會未必對學界賽事放在眼內'? 有邊個學界落場時，唔係劍指學界紀錄？

ABC-DAD

重有啲有趣嘅地方係某啲項目在學界係唔太普及，網球就係其中一種，個別同學有興趣作長遠發展，投入足夠心血，得到好成績，係好自然。

miriam

ABC-DAD 發表於 16-5-11 00:18
重有啲有趣嘅地方係某啲項目在學界係唔太普及，網球就係其中一種，個別同學有興趣作長遠發展，投入足夠心血 ...

要玩冷門項目真係會係體藝搵到