迦南幼稚園老師向學童拋書包

se6b03

其實拍片果位家長趁住老師背住佢埋首做野果陣就偷拍放上網，行為可恥，點解唔第一時間出聲 ? 又無人出聲譴責果位家長既？

KHLaam

不論是否背後偷影及放上網，或者有沒有第一時間出聲，都改變不了老師犯錯的事實。兩者不能混為一談。

mykate

原帖由 monchichipapa 於 16-05-06 發表
我個女來緊會讀堅道迦南PN,希望經過呢件事佢地會做返好個朵

反正K會考其他(因堅道迦南只有PN),只希望來緊 ...

細女讀緊堅道迦南，呢間d 老師校長姨姨都好好人。
我自己接送的，唔使擔心。

monchichipapa

回覆 mykate 的帖子

多謝你令我釋疑

jesswu

原帖由 se6b03 於 16-05-06 發表
其實拍片果位家長趁住老師背住佢埋首做野果陣就偷拍放上網，行為可恥，點解唔第一時間出聲 ? 又無人出聲譴 ...

可能是另位老師不恥同事的行為而偷拍的……又因怕得罪同事不敢揚聲……

jesswu

原帖由 monchichipapa 於 16-05-06 發表
回覆 mykate 的帖子

多謝你令我釋疑

我女三年前在窩打老道迦南讀pn，好開心，個個教職都好好……
呢單野可能只係個別害群之馬所為……

monchichipapa

回覆 jesswu 的帖子

yes,希望只係個別分校情況

今年我只in了3間PN,偉思,迦車同維記

迦南o既老師已經係3間之中最親切

ojoj18

回覆 se6b03 的帖子

吓,拍果個可恥?? 咁拋書包果個係唔係好人呀

Jane1983

剛剛有報導話，果三個幼師即時解僱。

BABA124

根本啲人顛倒是非，拍片嗰個啱唔啱同呢三個垃圾老師係咪有問題有咩關係呢? 點講呢三個教畜都係有問題啦！做教師就算冇愛心係咪都應該專業啲呀！

ABCMum

原帖由 mykate 於 16-05-06 發表
細女讀緊堅道迦南，呢間d 老師校長姨姨都好好人。
我自己接送的，唔使擔心。



  ...

我兩個囡雖只是插班，但佢哋每天返堅道迦南都好開心，班主任都好關心佢哋，見佢哋之前唔舒服無返學都會打電話問侯，所以嗰三位老師應時個別事件。

beagoodman

樹大有枯枝，名幼都唔一定個個都好。老實講，我個女4年前在金巴倫道迦南PN，真係讀好開心，呢老師丶主任丶校工都好好。

不過這次事件的老師，真係有問題。

creamb

間學校名聲肯定有影响，迦南高層也應好好反省和監察。否則，危害了很多小朋友的成長，也辜負家長們的信任。

Jane1983

處理左，事情好快告一段落，希望其他幼兒工作從業員有所警惕。

dreamdream081

原帖由 ABCMum 於 16-05-06 發表
我兩個囡雖只是插班，但佢哋每天返堅道迦南都好開心，班主任都好關心佢哋，見佢哋之前唔舒服無返學都會打電 ...

當然是個別事件，不會個個老師飛書包。不過亦可看得學校監管不力及老師無愛心。

Lingfung813

我睇完條片，就覺得呢間迦南的老師和劍橋老人院的護理員無分別

suetyizoe

係呀，我2個小朋友都讀藍田迦南嫁，我話個仔既書包黑可能係老師掟佢書包既言論純粹講笑，因為我有俾條片阿仔睇，佢話無發生咁既事，咁佢K3了，我當然信佢la, 講句公度說話，每一間學校都有好同唔好既老師，真係睇彩數，阿仔4年黎只係PN遇到一個衰老師，其他不過不失la ，有一個仲好有熱誠 tim，阿女今年PN ，佢班主任好到不得了，經常打黎講呀女返學情況，無返學又打黎問，所以又唔係話咁差既，睇到段片真心嬲既，不過諗諗下大家點可以擔保其他學校唔會發生哩d野呢？其實我有好多幼稚園既老師，聽佢地講過一d老師對小朋友既行為俾掟書包衰百倍，仲要係出名既幼稚園，唔係村校，所以天下烏鴉一樣黑，只希望自己個小朋友好彩唔好撞到衰老師，黎緊我兩個小朋友都會離開迦南，又要博d老師好唔好了～～

dreamdream081

原帖由 Lingfung813 於 16-05-07 發表
我睇完條片，就覺得呢間迦南的老師和劍橋老人院的護理員無分別

rubbish school

yypochacco

我係藍田用家，亞女讀咁PN,佢從來都無返學喊，好鐘意返學，遇到班主任老師同助教老師都好好，但都有個別老師亞女話唔鐘意佢。嗰日見到段片我都第一時間返屋企問下亞女學校老師會唔會甘做，佢話無，甘都安心d。相信lee 件事應該係個別事件。

lamyo

以我一年在黃埔迦南PN的感受，90%職員(上至下)都係無禮貌，惡，粗魯對待小朋友，是這校的文化。好多小朋友在門口喊唔想返學亦係事實(去過其他幼兒園觀察，有人喊但無迦南咁多)。像我，在面試時巧遇了個好主班(10%機會咁都遇到)，驅使我有其他offer都讀佢，點知開學後看見那副校，班主任，嬸嬸的咀面，嚇呆左和後悔不已。