迦南幼稚園老師向學童拋書包

utshoward

如題，太過份了：
http://s.nextmedia.com/realtime/a.php?i=20160505&s=10829391&a=55065176

Dragonmama2012

我都睇左，好過份，即使掉唔中，態度都有問題，你老闆或同事俾野你，掉去地下俾你執，咁佢地又覺得點？狗咩

我同個仔一起睇，好彩佢話佢學校老師唔會咁，佢地會自己擰書包

kaohueimei

回覆 Dragonmama2012 的帖子

雖然仔仔讀其他分校，睇完片即問仔仔學校老師點俾書包佢地，仔仔話係一個個排隊去老師檯度攞，但其實都會提心吊膽同埋冇哂信心，我老公仲開玩笑話唔怪得迦南年年都要家長買新書包!!!!!!!!但係我笑唔出囉!!!!!!我諗如果發生係我仔身上，真係肉赤的不得了

vpo0615

回覆 kaohueimei 的帖子

吓? 年年都要買新書包? 必須定係任你買唔買?

emily_pat

為人師表都咁樣，點教小朋友禮貌同manner???D小朋友一定會有樣學樣！

星星的後裔

壞榜樣👎👎👎👎

kaohueimei

回覆 vpo0615 的帖子

n班升k1時不得不換，因為n班的書包圖案是寫CANNAN NURSERY,K1書包圖案係寫CANNAN，就來升K2，學校年年將書包費用擺係書簿雜項裡面，學校話不強迫，有家長堅持唔買，更搞鬼的係K2書包SIZE比K1書包又大小小喎，費事被列入黑名單，多一事不如少一事!!!!我老公話我怕事喎!!!!!

vpo0615

回覆 kaohueimei 的帖子

咁即係焗住買......我嗰間成日俾人話商業化, 不過唔使年年買書包, 因為全校都用同一款.

kaohueimei

回覆 vpo0615 的帖子

所以而家做家長嘅都好無奈囉!!!!!!!!!

ojoj18

甘都得, 係家長面前人前人後兩個人, 幾恐怖, 簡直教壞細路, 好冇禮貌, 當學生狗定係人

vpo0615

片段所見, 嗰個肥D嘅藍制服老師, 佢個個書包都係拋架, 極其粗魯, 都唔愛惜物品嘅, 簡直係壞榜樣!

suetyizoe

原帖由 kaohueimei 於 16-05-05 發表
回覆 Dragonmama2012 的帖子

雖然仔仔讀其他分校，睇完片即問仔仔學校老師點俾書包佢地，仔仔話係一個個排 ...

你老公講得 arm , 我都覺怪嫁la, 點解年年要換新書包呢？仲有 wow 我仔個書包極污糟，以前唔知點解，今日睇完段片明晒，原來日日咁拎書包，唔污糟有鬼

anpanman_baby

原帖由 puichingforsure 於 16-05-06 發表
你那間好像是藍田分校，噤即係唔止一間係噤

藍田個間一早出左名d老師冇愛心，街坊街里平時已經聽唔少，唔係馬後炮架

JH_Mama

anpanman_baby 發表於 16-5-6 01:43
藍田個間一早出左名d老師冇愛心，街坊街里平時已經聽唔少，唔係馬後炮架



  ...

我都對藍田呢間分校印象好差。記得當年我大嗰個交表考PN，我媽幫我交表，因為有啲嘢寫得唔清楚，個職員（我唔知佢係老師一或係行政人員嗰啲）叫我媽寫返清楚。我媽唔知咩事，就打電話俾我，但佢又講得唔清唔楚，咁我咪叫佢俾個電話個職員，等我直接同佢傾。
當晚我放工返屋企，我媽話返俾我知，當佢請個職員聽嗰個電話時，個職員係即刻黑起塊面。係，我都明你要處理好多申請，我哋拖慢咗你啲進度，但都唔駛態度咁差呀。事後EK有人xx vs 藍田迦南，我講返呢個經歷，有其他jm回覆話佢哋都遇到同樣o既事。

所以今年我細嗰個考PN, 我就算住响附近，諗都無諗過入表考呢間。你對大人啲態度尚且如此，放低小朋友俾你幾個鐘仲得了?

sinsinlo

最心痛係見D小朋友已經習以為常, 乖乖咁係地下執番自己書包

monchichipapa

我個女來緊會讀堅道迦南PN,希望經過呢件事佢地會做返好個朵

反正K會考其他(因堅道迦南只有PN),只希望來緊呢年平平安安過左就算

vpo0615

通常有事發生嗰排, 情況會改善, 但再過一排會唔會故態復萌呢???

anpanman_baby

原帖由 JH_Mama 於 16-05-06 發表
本帖最後由 JH_Mama 於 16-5-6 11:45 編輯

我分享別聽過有街坊分享，有家長見到小朋友影大合照時，情況趕急之下，老師黑面拉扯d小朋友，當然唔係好大力；另外有pn小朋友話個老師好惡，驚到唔敢番學，連放假經過迦南門口都唔想要兜路。其實我唔反對學校厳同老師惡，但惡同嚴都可以有愛心、耐性，同埋要有禮貌，kv出名比較嚴同學術，但我姨甥女讀緊好開心，家長滿意，因為老師有愛心有品德。其實我好耐已聽過Lam tin cannan 負評，我有2個小朋友，所以都有照報interview 實地視察下，interview 個日老師的確笑容欠奉，尤其坐係到播PowerPoint 的老師直頭黑面好似唔願do 咁，最好笑容個校長，一味話迦南個課程有幾強，in完之後我同老公對覺得佢好商業，我地有offer但當然無要啦。我2個pn分別讀啟思同靈糧

dubd168

我小朋友係藍田迦南讀，我係用家，我覺得其他家長唔係用家只係聽，就講學校唔好嘅說話對學校唔公平，我小朋友讀得好開心，老師個個都好好，我有俾條片我小朋友睇，佢話老師唔會咁做，係叫名自己攞的，相信只係個別分校或老師只會咁做，但我都唔幫佢，嗰位老師咁嘅行為係好差好冇愛心，希望經過今次事件學校管理層好好處理