小女係1st in直入, 分享下interview 過程, 希望可以幫到有需要既朋友
第一部分: 單對單 (粵語) 見到老師有D 怕羞, 痴埋黎我果度, 之後我同佢講唔洗怕羞, 咁佢就無啦, 老師叫佢同公仔打招呼, 佢都有做到, 拎物件放係個籃度都做到, 老師指住佢張相問邊個黎同叫咩名, 佢有指住自己, 但唔識答咩名, 有兩隻顏色既筆, 問佢係咩色, 只識紅色, 另外果隻都係答紅色, 之後老師比左本書我地兩個睇, 因為有睇書習慣, 所以佢都好配合, 臨結尾佢有指住牆上D 畫話”狗狗呀”, in完有同我一齊推返張chair.(我有提下水, 同重覆老師問題同鼓勵佢)
第二部分: Group in (英語, 外籍老師) 老師要求叫到小朋友名後要舉手, 之後行埋去指定座位, 家長坐係小朋友後面, 但我女無舉到手, 播音樂跟住老師跳舞, 有一齊跳, 仲主動同老師highfive, 之後有一男一女紙板公仔, 佢地分別有個名 (如男叫Peter, 女叫Mary), 要求每個小朋友行出去, 將檯面上指定既生果放入指定既公仔個咀入面 (檯面有一堆假生果), 輪到我個女, 老師叫佢拎個apple放入去Peter個咀入面, (諗住實無死, 因為咁好彩輪到佢係apple, 我女只識apple呢個英文), 但點知佢拎左orange,老師就話This is an orange not an apple, 然後我又係後面細細聲提佢apple(唔知老師有無聽到), 根住就拎岩, 仲放岩入Peter 個咀入面. (佢果group小朋友得佢一個放得岩, 其他小朋友都放入Mary個咀入面, 因為Mary係最近個小朋友) , then say byebye
第三部分: 一班小朋友係間房度玩, 父母填問卷及見校長 (粵語) 等校長入黎期間, 小朋友要自己玩或同其他小朋友玩, 而我就係度填問卷, 份問卷問咩問題唔係好記得,不過最後問對學校有咩問題, 我填無, 填問卷期間唔見老師有野MARK 分數, 不過會行來行去睇下小朋友玩成點, 我一路填問卷有一路同阿女玩 (所以個問卷都填得好求其), 阿女有share d 玩具比小朋友玩, 到校長入黎, 就見老師開始狂mark 野(唔知係咪將頭先既情況mark低返), 校長講完後就問大家有無問題, 我無野問, 之後就叫小朋友出去拎禮物, 因為我地係第一個出去, 以為我要跟住阿女一齊出去, 點知校長話小朋友自己出黎拎得啦, 咁我就坐返低, 阿女自己去, 我有係後面教佢講謝謝, 但佢好似無講到, 但有雙手拎禮物.
P.S. 感覺上學校喜歡收主動型既小朋友, 同埋會睇親子關係, 仲要好講運數…in 既時間11點幾, 剛好阿女已訓飽 (之前in 過st cat., 8點幾in…個人都未訓醒…完全發呆中)
|
發表於 16-4-27 11:44
