k1寫故事

CATsMOM

其實我仔好細個就自己寫字母、數字，佢覺得自寫得唔靚會發脾氣，所以我都無教佢，由得佢自己寫。我一路都無教筆順，因為我唔想令佢失去興趣。當我老爺成日話佢寫錯時，我就話佢仲細，學校都未教寫字，等老師遲d教啦。到學期尾，學校開始教筆畫，我先開始有提要點寫，不過都無隻隻字執。呢排我仔無寫故事啦，轉咗學外語，不過都係學數字同字母，我都係由佢。不過就要諗下計，引導佢喜歡其他一般小孩都會鍾意嘅嘢，怕佢同其他小朋友無話題。最近成功令佢愛上inside out，依家培養緊佢睇peppa pig。

CATsMOM

另外，我覺得唔駛太擔心咁早寫字影響小肌發展，因為佢係自發要寫，唔係大人逼佢，當佢係畫畫咁睇就無咁擔心。我自己係咁諗。

bennyeva

我個女以前又係做野達唔到自己要求就會好易發脾氣嗰種，（😒其實又無人迫佢做）不過我哋用咗好多方法去教佢耐性，又同佢講就算佢個腦明白點做，但係佢身體仲未長大，要啲時間等等。

而家大個左宜家好咗喇，其中寫字佢就會特別俾心機寫，但仍係好心急，有時過咗火位都唔知...... 所以我係會制止佢，因為佢一次過寫太多我驚太攰啊⋯怕有壞影響囉。我都有問過其他媽咪，有人會話每個小朋友小肌肉發展唔同，如果我個升小肌肉成熟就俾佢寫囉，但問題係我唔識分點為之成熟喎⋯⋯

我老爺又係叫我教佢筆順，我都係話唔駛急啦，因我唔想影響佢嘅興趣。所以話兩代人要求會有別

peppa pig 嘅書我女係勁中意，要有共同嗜好話題的話你可以考慮maisy同kipper.

CATsMOM

maisy無睇，kipper有睇，不過d同學仔好似無咩人會講呢d，我仔又唔鍾意車，同d同學無咩共同興趣（多數男仔都鍾意車）。我仔試過去公園玩，問同學仔知唔知q for咩（當時學校未教q），個同學仔無理佢走咗⋯⋯😰😰

CATsMOM

我無唔俾我仔寫字，因為無得唔俾，我叫佢畫下其他嘢，佢就將d abc畫成公仔咁，畫佢地去公園玩呀，去shopping，叫佢玩泥膠，佢就用泥膠整中文字、字母、數字，唯有俾多d唔同類型嘅書佢睇，帶佢出去學畫畫咁囉。

bennyeva

我都係個囡玩泥膠玩沙玩公仔，佢都少玩車，可能係女仔都玩得埋。男仔嘅多數都係玩車同超人，或者你叫佢同女仔玩都得嘅， 呢個年紀都無乜所謂啦。

其實我比阿女當玩咁寫字，只係唔想佢寫太耐影響自己身體同手仔，佢做咩都太專注太用心，有時玩到過左自己身體可承載能力都唔知，即係「過度興奮」，咁之後會不自覺咁發脾氣同埋好難瞓覺囉。

rafaelbaba

全文字

我囝囝3歲半,拿起筆較喜歡畫畫,
如巴士,的士,船,飛機......,
已經不畫火柴人了~