我真係唔識教佢,点解佢會咁唸?

AgapePa

原帖由 maggie789 於 16-03-18 發表
其實佢都可以在家做，但我唔識教，而佢真係有唔識，所以先去補習班！佢平時只like打機，我有講過不如去邊度 ...

既然唔喜歡補習，就返屋企自己做，唔識做就等佢自己解決，由得佢錯，自己付責返唔補習的後果。

haihaimom

即係功輔班，教功課嗰隻right?其實已經小六，呈三都完咗，媽媽都要諗吓何去何從，升上中學，佢都唔會再去,中學生又係另一個階段，唔可以用小學生嗰套方法。

little_yolky

maggie789 發表於 16-3-18 11:53
呢点我也擔心中....佢好朋友係選了間我次選的中學，萬一撞到正一齊讀，佢唔肯去叩門



  ...

係真的, 親戚女女自小成績好好, 咁都派咗去地區B1A, 不過, 其實父母想佢跨區叩更高level學校, 不過, 因為有廿幾人升去同一中學, 女女話唔叩。

不過, 依家中四了, 讀得好好就是了。

Haz-mama

呢個階段係反叛期，朋輩影響都好大，唯有耐心d同佢傾，又或者揾一d佢信得過/仰慕的長輩同佢傾…………

HMmummy

真係好好的分享，從小就應該學會對學習的堅持。

maggie789

原帖由 haihaimom 於 16-03-18 發表
即係功輔班，教功課嗰隻right?其實已經小六，呈三都完咗，媽媽都要諗吓何去何從，升上中學，佢都唔會再去, ...

你呢個問題唔止我一個，係成千上萬仲補緊習的小六學生，我都唸到頭㾗！

maggie789

其實唔係補唔補習嘅問題，個主題係講我小朋友為左逃避去做一些事，而不經思量講出那返說話，他比我感到選學校似食生菜，是但求其，為左唔使補習，邊間都得！

brother4

不用頭痕，答案方法有很多及簡單，小學雜談從頭看一次所有討論區，學以到用，可能轉身成為資深教育家長

simonwan

系責任心問題。孩子唔知點解要讀書、點解要考好學校、點解要讀大學。現在的孩子自小給好好呵護，尤其多呢種情況。要佢明白對家庭，對自己的責任。
或者，不用他上補習班，但每天規定要做一定數量的家務。

fooky-hk

我3月份開始都停了所有補習，我仔上了3年補習班，小四、五仲接受但小六開始反感因補習老師成日鬧鬧鬧同埋有些題目唔識嘗試了做幾次又唔明點做，但是老師只叫他再試唔肯教佢做，所以佢覺得老師唔肯幫佢/教佢，無用也試過走堂。

我都覺得他們很辛苦，所以3月開始停了並在家溫習，今天在老師囗中得知了中英常呈三分數，大進步。我感到很開心。

fooky-hk

還有樓主仔仔仲係1個小孩，思想點都有D簡單，不要對小孩的話太上心。

洋蔥頭媽咪

我都想講，樓主嘗試吓代入兒子角度看，便不難理解佢有呢個想法，呈分試已考完仲唔比佢放鬆吓，又話要叩門，去功課班亦全部都係家長意思，孩子都冇選擇權利，直覺覺得考試/補習/選學校全部都係家長意思，大人都唔體量小朋友，講真小朋友都辛苦，佢又怎會明白父母心意，而且小朋友年紀漸長，進入反叛期，家長亦要學懂體量同互相專重，有商量互相溝通，親子關係才能持久。

little_yolky

maggie789 發表於 16-3-18 14:34
其實唔係補唔補習嘅問題，個主題係講我小朋友為左逃避去做一些事，而不經思量講出那返說話，他比我感到選學 ...

小朋友又唔係總理, 我哋唔得掂局長講嘢都要睇猫紙啦, 佢隨口講, 只係因為覺得辛苦又唔明點解要咁辛苦咪呻吓囉, 你都上嚟EK呻啦。你咪唯有好聲好氣同佢解釋你既立場囉, 如果佢唔接受, 你都要聽吓佢既心聲架, 唔好話小朋友一定係乜都唔想做, 只係想玩想打機格, 先入為主咁你咪唔會聽佢講囉, 佢發現媽咪唔聽佢意見佢咪又唔聽你說話囉。最緊要一人行一步啫。

S-Kwok

原帖由 mayyylai 於 16-03-18 發表
回覆 maggie789 的帖子

好明顥佢已開始踏入反叛期，我諗你要同另一半相量點同佢分析前途，宜家佢同邊類同 ...

如果撞著孩子嘅朋友係你唔想佢交嘅類型 如hea/唔上進，你去會點處理?

洋蔥頭媽咪

原帖由 little_yolky 於 16-03-18 發表
小朋友又唔係總理, 我哋唔得掂局長講嘢都要睇猫紙啦, 佢隨口講, 只係因為覺得辛苦又唔明點解要咁辛苦咪呻吓 ...

我覺得樓主小朋友咁講並非逃避，响佢角度佢只係講番已知事實 ( 有學校收就唔駛再叩門/唔駛再補習 )。所以樓主若想孩子受教，相信要了解小朋友多啲先得。

JJDBB

原帖由 maggie789 於 16-03-18 發表
本帖最後由 maggie789 於 16-3-18 11:07 編輯

我仔升中等放榜,為了預備叩門呢步,繼續如是放學去補習社, ...

其實學咩，補習也好，佢自己唔知為咩，根本会冇心机，冇動力。

MASAYA

S-Kwok 發表於 16-3-18 17:22
如果撞著孩子嘅朋友係你唔想佢交嘅類型 如hea/唔上進，你去會點處理?

十歲前影響唔大，我仲鼓勵小朋友盡量幫助冇乜心機讀書既同學
十歲後父輩影響一定比朋輩低得多，但最影響既係自身價值觀，呢d要十歲前累積建立

maggie789

多謝你地提点，盡可能給我再講多些，我也想返思一下！

MASAYA

maggie789 發表於 16-3-18 18:32
多謝你地提点，盡可能給我再講多些，我也想返思一下！

你有心反思已經係開始改善既第一步，隔離板有個帖講左四十頁，講左年幾都覺得問題出係小朋友身上，我諗佢講多幾年都冇乜改善，不過我睇左一半冇心機睇晒...
小朋友除左讀書，仲有好多野要成長，同佢傾多d偈，了解下佢諗乜先，十歲後朋輩影響大過父輩好多架喇，但係家長改變下想法，其實可以同小朋友成為朋友關係，咁你都有朋輩既影響力，如果唔係，你到時可能要靠佢既同學或朋友先同佢溝通到...