家長們, 每次面對小朋友成績差時, 有咩方法調節吓自己呢

S-Kwok

原帖由 MrBeast 於 16-03-10 發表
內心緊張，外表溫柔，真不易做到。但大家要放眼將來，最重要係有親子關係，小朋友有責任心、學習興趣，讀書 ...

正努力'只緊在內心'呢個心法，我十分著重親子關係和保持他那熱誠的學習之心，所以我會努力修練，只係唔知幾時先修練成功。

Jane1983

回覆 S-Kwok 的帖子

作文離題或者作文吾好，其實好尋常，始終係細個，要有個學習過程。我女話老師在堂上講，有d同學作文有頭無尾，有d係東一忽西一截。
佢係平日無露出 「也也無比、物物無比」的真面目，你邊有機會幫佢呢！我女都常有甩頭甩骨既事，吾會次次派卷、派功課都稱心滿意。

MrBeast

S-Kwok 發表於 16-3-10 20:30
正努力'只緊在內心'呢個心法，我十分著重親子關係和保持他那熱誠的學習之心，所以我會努力修練，只係唔知幾 ...

再上一個lev就是能屈能伸，當你好嬲時仲要從內到外地說好緊張佢，有deadline ga，想有理想中期業跡，青春期前要練好

babywoman

回覆 Doray 的帖子

你地學校未好嘍。
我仔校，最近 每個星期基本上都有一篇文要返屋企做，在校只教點寫。有一次是創意寫作，我讓仔自己寫，派返來是“毫無創意，沒有興趣看下去的想法”，老師事後問仔，有冇問媽媽意見點寫？即要預左家長輔助

edith208

little_yolky 發表於 16-3-2 10:27
Easy easy, 我果個仲經典。上星期返屋企同我講：媽咪我好開心, 我第一次攞到零旦  ...

我細女話:  我係唔及格中最高分果個  

little_yolky

edith208 發表於 16-3-11 12:42
我細女話:  我係唔及格中最高分果個

強呀！我女都講過：媽咪，我差8分就合格了。

MASAYA

babywoman 發表於 16-3-11 08:57
回覆 Doray 的帖子

你地學校未好嘍。

咁樣教想有創意都難，唔該老師畀評語都畀得有創意d丫

200904

回覆 babywoman 的帖子

好hurt啊

judy

之前未試過唔合格, 近期中英默書都發生咗啦,又唔係冇同佢溫習, 溫嘅時候就識, 默時錯嘅嘢全是大意嘢, 自問對佢係緊張嘅, 但分數8字以上我都好接受, 最忟係佢嘅態度同大意, 成日諗再咁落去大家都辛苦, 如果再對佢放鬆啲, 可能成績再差啲, 唉!都唔知應該點做好??!

我有三不理：大意嘢唔理、不照教師格式被扣分唔理、教師改錯唔理。

啲大意嘢大大咗就有改善。

MrBeast

回覆 little_yolky 的帖子


little_yolky  呢招我丙完阿細都成日用,佢好受架  發表於 8 小時前

Emm, 話明升lev當然要配合內功心法，首先要氣聚丹田，以免內傷斷經脈

S-Kwok

原帖由 MrBeast 於 16-03-11 發表
回覆 little_yolky 的帖子

仲要有適當嘅休息，方能早日升lv

cheuklokmom

回覆 klkkchan88 的帖子

我仔又係1次比1次差, 好快便要考第一次呈分試, 我都好徬徨, 你會考虑出去補習社操卷嗎

klkkchan88

我冇打算去操卷班，問心返學已經好辛苦，我現在只求佢認真就算

QQBBLO

原帖由 Doray 於 16-03-10 發表
佢地有教做大綱，有教用四素句，六何法，用範文講解要求，分段重點，但總是旁枝太多，同埋多數上堂做，父母 ...

什麼是四素句？

bigmacq88

時間+人物+地點+動作

櫻花公主

可以教我點樣面對個小朋友成日做卷唔小心，已經時時提作完句要加標點，真係次次都提到上校車前，但派返黎仲可以漏，真係好嘔血

wan_sosin

原帖由 櫻花公主 於 16-03-19 發表
可以教我點樣面對個小朋友成日做卷唔小心，已經時時提作完句要加標點，真係次次都提到上校車前，但派返黎仲 ...

到高年班少少，就唔會咁易再錯呢D低層次嘅嘢，一個句號唔代表小朋友能力有問題。

Haz-mama

wan_sosin 發表於 16-3-10 15:18
哈哈！媽咪憤怒無比！
最近我都比我仔作文激死！老師無乜點改，但寫了兩個字「離題」！我睇完覺得係離晒大 ...

我女都試過作文離題，佢將d重點放在一d唔重要的地方，反而要作的部份得兩句……

wan_sosin

原帖由 Haz-mama 於 16-03-19 發表
我女都試過作文離題，佢將d重點放在一d唔重要的地方，反而要作的部份得兩句…… ...

其實應該唔少小朋友試過作文離題。
細路仔有自己睇嘢角度，有時唔會理會，到底個題目有乜要求！其實日後睇返佢哋離題嘅地方，會覺得好搞笑。
如果媽媽少少分數都唔放過，其實真係幾辛苦！有些父母會幫仔女好完美地完成學校的任何事情，全年都無做錯功課，無帶漏任何嘢，擔心會唔會只得99分！但我更擔心，這樣長大的小朋友，他日當自己真的做錯了什麼，會否接受唔到自己嘅錯誤！

little_yolky

wan_sosin 發表於 16-3-19 10:32
其實應該唔少小朋友試過作文離題。
細路仔有自己睇嘢角度，有時唔會理會，到底個題目有乜要求！其實日後睇 ...

有無記得前排HKU輕生位年青人? 佢就係話因為自己做得唔夠完美了................

前排有JM post咗輕生失聰女狀元爸爸個心路歷程出嚟 (搵唔返條link), 小朋友成績差就攞出嚟睇吓, 一定有幫助。
下學期開始, 大女好似挑戰我EQ咁(原本已經唔多好), 科科屢創新底, 仲要係差1X-2X分既低。前日連常識都衰埋, 我嚴肅地問佢原因, 佢居然發脾氣唔理我, 我當然大爆炸。


第二日見到該帖(最衰點解唔早一日睇到), 回家後同女女偈了好耐, 其實佢自己對成績都好唔滿意, 佢已經好唔開心, 見到媽媽咁惡, 無好似平時咁安慰同鼓勵佢, 所以佢都有D嬲。我將個女仔同佢爸爸既事同佢講, 再將我自己既想法同心情同佢講, 當然亦對自己既不當行為道歉啦。其實阿女已經係相當之乖了, 我要時刻緊記果位失聰少女既故事。