小六補課好辛苦，有冇家長有同感?

glyan

今個星期我小朋友收到課後輔導同朝早補課回條，全級強制一星期三日要返7點20分，仲要其中一日放學後要補課到4點半，我個小朋友呢幾日一直都好唔開心，其實小五、小六導修堂都已經用嚟做練習，無得做功課，功課亦有做Pre-S1，仲唔夠咩? 教育局話每日留校時間應該係7個鐘，依家多咗1-2個鐘!

但我真係唔夠膽當面同學校講，其實有冇家長都覺得多咗啲? 希望校方感受到學生的辛苦。

siuhungw

回覆 glyan 的帖子

返7點幾咁早?  是個個學生都要嗎? 我仔現在小五, 我好擔心呀

glyan

對，所有學生都要…… 我問過我小朋友，佢朝早補課時都係發夢，老師對答案，佢就寫低答案，根本無心機做。佢成績一般，但平時做功課都算認真，補課反而令佢亂做卷。

如果係自願參加，我覺得無問題，一定有啲同學想補。但我小朋友只係想瞓多陣，呢個要求唔過份呀! 補課又唔係正規課程….. 我甚至唔介意學校派返份練習返嚟，我哋星期六、日當功課做。

怡妈妈

我囡9月返小學,這么恐怖

glyan

補課效果真係因人而異，恐怕有啲細路(好似我果個咁)，只會愈補愈無心機，咪係其他地方發洩返出來。

怡媽媽，如果你覺得恐怖，有得揀時就諗清楚

怡妈妈

回覆 glyan 的帖子

唔該！确實還有一間選擇：蘇浙，唔知選哪間，頭痛！

glyan

怡媽媽，蘇浙我唔清楚，我亦唔會叫人一定要揀或者唔好揀李賜豪，每個小朋友的能力性格都唔同，唔同家長又有唔同價值觀，做父母唯有盡量攞多啲資料先去做選擇。
可以去下啲學校開放日睇下，不過我諗間間學校都係賣廣告，講得好好聽，如果你問，"學生上課開心嗎"之類，學校實話開心架，都總會有家長話開心......或者你可以問學校一啲資料性問題，補課補幾密，係咪自願性，小一功課每日幾多樣，作文要寫幾多字，每年幾多次評估考試，自己再衡量適唔適合自己小朋友。

怡妈妈

回覆 glyan 的帖子

你说的很对！谢谢你

怡妈妈

回覆 怡妈妈 的帖子

似乎你读的并不是很开心了！我都怕选错学校我本住南区，好不容易跨到湾仔区。

siuhungw

這間學校功課都幾多, 英文比較淺要自己操多d

locust

請問補課是否要谷小六生上band 1? 去年派位如何？

glyan

補課是否要谷小六生上band 1? <-- 全級都要補的話，現實啲講，band 2 都未必一定上到band 1，何況band 3。咁樣補法有幾成功?點為之成功?可能要問返學校。好消息係學校早前出咗通告，課前課後補課都轉為自願性質。

我唔識計補課有無令我個細路成績進步，但當我見到自己個細路唔補之後，心情好咗同精神咗，主觀覺得唔補好過。

dreamdream081

原帖由 glyan 於 16-02-20 發表
今個星期我小朋友收到課後輔導同朝早補課回條，全級強制一星期三日要返7點20分，仲要其中一日放學後要補課 ...

,

dreamdream081

學生真惨！'

易玲媽

dreamdream081 發表於 16-5-25 23:12
,

老實講小學唔操，上到中學人真係追唔到！

Charlotte_mom

朋友住得遠, 堅持唔肯返唔肯補 (已升中)

melodyhk

據我所知，早上補課措施本年度已取消了

anhemama

回覆 glyan 的帖子

大家都好大压力，見到亚仔日日返學都學吾到野！天天都是發白日夢&#128554;