英粵定英普？

qoo_cowbaby

想請教一下，因為我選了英粵班，但被婆婆話我為什麼不同囝囝揀英普而可學多點普通話和將來不用再在外面學普通話...我的想法是英粵班也有普通話堂，因為普通話不是母語所以揀英粵，我是否揀錯了呢？

i2be

假如你有機會考直資、叩門
普通話等如廢左你一半武功
而且令小朋友深D的字如「宏偉」都唔識識
抽象D的觀念，如「遮埋你」亦不懂表達
除非你母語係普通話，否則普通話教學，暫時無好處

sonjakc

Agreed! 緊係先學好母語先啦！而加d小學變哂普敎中，你方佢遲d唔識普通話？and老人家果套不能盡信，佢地對而加個世界/社會發生咩事都未必跟得貼！

mrsmartie

上學只是三小時，我又唔覺得對母語學習有咁大影響喎。只怕自己唔識教小朋友普通話。

h9907246

原帖由 i2be 於 16-02-04 發表
假如你有機會考直資、叩門
普通話等如廢左你一半武功
而且令小朋友深D的字如「宏偉」都唔識識

同意！

我自己一定投英粵。因每星期都有兩三次普通話堂。家中及社區都係用粵語，粤語一定最吸收。即係老師講十樣野，即使唔太專心，也收到八九成。但若係普通話，十樣野收到幾多?

當然，有D小朋友語言好有天份，或許影響無咁大，同粤語吸收較近。

mirror_image

原帖由 h9907246 於 16-02-04 發表
同意！

我自己一定投英粵。因每星期都有兩三次普通話堂。家中及社區都係用粵語，粤語一定最吸收。即係老師 ...

Agree, 屋企冇人講普通話，但又要子女用普通話上堂，如果小朋友聽唔明，可能令佢抗拒返學，最後得不償失。

貝珠

學習語言，掌握正確發音，愈早愈好。小朋友是可以同時間掌握多種語言。家裏常用廣東話，我唔怕佢唔識。學多一種語言，非為了考小學，而係愈小學愈易上手。

sonjakc

要學外語就唔會揀普通話啦，普通話邊算外語！普通話得4聲但粵語有9聲，唔洗咁早學都易學會，反而廣東話仲難！以前個年代的人中學先開始學普通話都好快學懂。所以若趨早學外語都揀西班牙文之類啦！

letterland

我揀左英普 本身小朋友全廣東語，返左半年k1 見到工人姐姐好鐘意用英文講句子 返大陸有人問佢野 佢可以答國語句子。見人講人語 見鬼講鬼語 見大陸佬講國語。

每個小朋友語言天份唔同。如果屋企有個強勁廣東話班底 返學點解唔試英普。

貝珠

原帖由 sonjakc 於 16-02-04 發表
要學外語就唔會揀普通話啦，普通話邊算外語！普通話得4聲但粵語有9聲，唔洗咁早學都易學會，反而廣東話仲難 ...

係呀，學西班牙語也是好事。學西班牙語，也可以同時學普通話，冇conflict . 幼稚園的教學內容大多圍繞日常生活，平時和小朋友用番廣東話一樣學到，至於用詞，家中留意下，唔會因為普通話用巧克力，廣東話唔識轉朱古力，如果你真係擔心，家中冇時間support 廣東話，那麼你便選英粵

龍井

如果你想再下一代既人唔識同自己溝通就撐普通話啦。

我都係唔識同我嫲嫲同公公傾計啦。
老左你就知。

講完！

hopegod

針沒有兩頭利，這問題也沒有肯定答案，唯有取捨利弊，母語肯定是最貼心，小朋友學得最舒服、最自然和最容易，無人會否認的，但普通話也很重要，很多小學已行普教中，揀！只不過是揀幼稚園還是小學開始，很多人批評普教中令小朋友中文學得不好，我膚淺的想法，當然啦！因為聽不明白，小學，即六歲開始突然轉晒channel用普通話，一位老師對四十人，課程緊密，真係顧不到所有學生，所以幼稚園開始讀英普，提早習慣在普通話環境學習也未嘗不可，我自己選了英普，我唔否認小朋友承受的多了，因為現在每件事件、每個物件和每個中文字都要學兩種讀音，甚或兩個用詞，我仍是觀察其中的利弊，不過暫時發覺小朋友適應力很強，很快聽明普通話，理解是完全沒有問題，能說的普通話發音都很好聽，現在他經常用普通話問我某某是什麼意思，我就很樂意用廣東回答他，就是這過程，他同時學習兩個語言，而且學校的課本，我必用廣東話再讀給他聽，家裡圖書我也用廣東話讀，希望彌補廣東話的學習不足，所以無論英普或粤普，家長都不能完全靠學校。不喜必插！

i2be

原帖由 貝珠 於 16-02-04 發表
係呀，學西班牙語也是好事。學西班牙語，也可以同時學普通話，冇conflict . 幼稚園的教學內容大多圍繞日常 ...

普教中與粵教中有 conflict，因普教中不是當外語，而是取代母語。小朋友不再有機會以粵語讀字，但內在思維仍是粵語。如我上面舉例的「宏偉」變成紅偉，你去考小學，人地咪以為你唔識字。另一例，如「遮埋你」，普通話老師都唔識講，只會講「借給你」，限制了小朋友的想法。

i2be

好多人以為為提中適應普教中的小學，而揀普通話幼稚園
但俾咁貴D去私立幼稚園，究竟目標係入乜野小學？一線小學，有幾多間普教中？ 有D仲會高班轉返粵教中

h9907246

原帖由 i2be 於 16-02-05 發表
普教中與粵教中有 conflict，因普教中不是當外語，而是取代母語。小朋友不再有機會以粵語讀字，但內在思維 ...

講得好好！

”普教中不是當外語，而是取代母語”！！！

99dogdog

原帖由 i2be 於 16-02-05 發表
好多人以為為提中適應普教中的小學，而揀普通話幼稚園
但俾咁貴D去私立幼稚園，究竟目標係入乜野小學？一線 ...

非常同意！

qoo_cowbaby

謝謝你們的分享

mirror_image

原帖由 qoo_cowbaby 於 16-02-06 發表
謝謝你們的分享

相信自己決定

maglam0610

我會為左想阿仔學好 d 粵語, 而就算讀私校也揀英粵班, 故事書也盡量揀繁體字比他看, 宜家不停研究不行普教中的小學,為的是希望第日考間真正focus在孩子需要的學校,在過程中,你會發現有好多官校同勁校都沒有行普教, 就估到非母語教學對學術未必有幫助~

我自己也是當興趣班地學普通話, 只用了一年已可流利同人溝通, 我不相信用普通話代替母語真係有咩幫助~