1月參觀後感
[i=s] 本帖最後由 kingsum1027 於 16-2-5 11:36 編輯 [/i]1月我有去參觀學校後感
[color=Red][b]IT強[/b][/color]
見佢用WIFI900，上堂也會用IPAD助教，學校設施也好完善和先進，還有一個重點，校長也是用IPHONE和IWATCH，可見校長對IT唔係流，點都識D.....而且IT組被邀在教育局分享學校的IT情況，可見佢呢方面好強。
[color=Red][b]團體合作[/b][/color]
當日接待我們的多是主任，眼見佢地合作緊密，互相補位，並非某D學校咁是彈求期，可見團體合作性好高，每位主任和老師都笑臉迎人，唔係黑口黑面。
[color=Red][b]課程[/b][/color]
中文是普教中，常識也英文教，英文科會與常識科配合去教，可見程度唔係淺。而且見佢英文課室好開心，每一次也是學習的機會，還有生活化學習模式，校長話邊整蛋糕邊教英文，焗完仲有蛋糕一齊食，聽到都好開心。
[color=Red][b]每人三個活動[/b][/color]
每位學生都要參加音樂，藝術，體育三個範疇，仲要由小一至小六間唔可以轉，可見學校係想學生全面發展。
[color=Red][b]家訪[/b][/color]
其實比我係老師有時間都想多點休息，但校長，主任和老師會在小一開學前去家訪每一位小朋友，了解他們的生活習慣和背景，這點令我好感動，實在感到學校真係以「學生為第一位」去出發。
[color=Red][b]功課量[/b][/color]
校長早在200X年已發表文章，主張小朋友應要有多點時間「玩」，所以學校上午是上課，下午時做功課或補課時間，學生回家餘下的功課不多，真的可以回家温習或者「玩」，這點真係令我好喜歡這間學校的原因之一，而家個個家長都怕功課多，晚晚要做到11點先有得瞓，如果讀了這所學校就不用擔心了。
總結：
我個人覺得係一所邁向直資道路的津校，一入去各方便都好有英華小學的影子，佢勁就勁在會選擇好的方面去做，而唔會攪到半桶水，以免學費去讀津校水準模式的學校，我覺得係小朋友福氣。以前好多人都話基慈係飛仔學校，近幾年換了新校長，真的脫胎換骨，而且學校年年大進步。看完我後感，希望有更多家長對這所「有心有力」的學校改觀。
[i=s] 本帖最後由 kingsum1027 於 17-2-20 10:07 編輯 [/i]
5月我帶埋老公再去參觀學校
[b][color=Red]善用空間[/color][/b]
見佢地每一處地方都善用到，老公話這也如他們所說，沒有隱形學生，其實我地聽到副校長講呢句，個心好感動！
[color=Red][b]學校設施[/b][/color]
今次我們在天台見到天文望遠鏡和菜園，落一層還有果園，裡面看到一大抽提子，仲有無花果果實，再落一層看到有機園，種滿了各種香草，如九層塔之類，果日參觀的小朋友仲學種蕃薯葉，好開心！在地下仲有魚池，龜池和實驗性盆栽，每個地方都資料介紹，學生要去找這些資料去做功課，可見不單科學和科技上設施先進，連在大自然上的花草和動物也非常十足。
[color=Red][b]Icafe[/b][/color]
我們很欣賞學校這個ICAFE，副校長話原來學生如在學術上有成就，老師就會送給他icafe的COUPON，是不同面值的，學生可儲起來在ICAFE換食物或文具，副校長強調食物不是薯片和杯面，而是有機的乾果或果仁的健康食品，而且還有文具和USB換，真是健康到不得了。
[color=Red][b]午餐[/b][/color]
學校有一個很大的廚房，原來是請飯商來學校即煮即食，然後送上課室，而非食飯盒，看到很窩心，連食都咁細心。
[color=Red][b]笑面迎人[/b][/color]
今次我介紹埋同學仔一齊去參觀，兩位小朋友一起去上堂，完了後問兩位感覺，都覺得學校老師好好人，唔惡，好開心。而我自己也留意到每位老師的面上都掛著笑容，沒有一個敦起老師款。在參觀前，我曾問專業人士，我參觀時要留意甚麼？這個專業人士教我，首先要看這所學校的姨姨和叔叔是笑還是黑口黑面，因如果是笑面迎人的話，即是校長對他們不錯，如果是黑口黑面又悔氣的話，即是校長對佢地好極有限。在參觀這天剛考下雨，一入學校就有位姨姨笑住問我是否小一參觀？我話係呀，佢就指示我可以坐電梯上。所以這所學校給我的印象很好，上下職員都很有心和有熱誠。
我和基慈沒有任何關係，我只是參觀的家長，我也是被現讀基慈的家長介紹這所學校，老實說我大抽獎也是把他放在第一位，我也希望小兒能入讀這所有心的學校，我也希望今後六年，可為這所學校出分力，與學校一起更創高峰。 :iloveit:咁今日有冇收到好消息？
回覆：kingsum1027 的帖子
有冇好消息、我係45網、睇完你對基慈的觀感、我也留意這間學校、前年和今年5月我有參觀校舍和聽講座！我囡明年小一、現在決擇那間為心儀小學、真煩惱啊！[img]http://www.baby-kingdom.com/static/image/common/iphone_v1.gif[/img] 第一志願入咗，開心到爆！ 其實應係以甲二入基慈，唔係乙一，因我甲二係填佢，甲一就跨網
引用：第一志願入咗，開心到爆！
[quote][size=2][color=#999999]原帖由 [i]kingsum1027[/i] 於 16-06-06 發表[/color][url=http://www.edu-kingdom.com/redirect.php?goto=findpost&pid=42890073&ptid=3222632][img]http://www.edu-kingdom.com/static/image/common/back.gif[/img][/url][/size]第一志願入咗，開心到爆！[/quote]恭喜恭喜:iloveit:
[img]http://www.baby-kingdom.com/static/image/common/iphone_v1.gif[/img] kingsum1027, 小朋友已經開學了, 可否分享多些開學後有關學校的情況?多謝! 我都想知! THANKS
回覆：joyce_jo115 的帖子
我都想知[img]http://www.baby-kingdom.com/static/image/common/iphone_v1.gif[/img] [i=s] 本帖最後由 kingsum1027 於 17-2-20 10:09 編輯 [/i]
小朋友開咗學踏入三星期，小朋友勁中意學校，好中意返學。
[color=Red][b]家訪：[/b][/color]
在七月校長和主任已來家訪了解小朋友的喜好，而8月尾有幾日適應班，會按家訪時了解咗既性格去分組（唔等於分班）在適應班第一日，好似有半校的老師去觀課，細緻地了解各班同學上堂情況是否夾得來，如果發現有問題會微調一下同學仔（即調班），到適應日最後一天就正式分班了。
[color=Red][b]獎勵：[/b][/color]
上堂情況聽囝囝講都係開心和輕鬆，有好表現的小朋友都會得到老師獎貼紙，所以初頭成貼咗好多貼紙返來，好開心。
[color=Red][b]功課：[/b][/color]
功課方面，因每日都有導修堂（功課堂）好多時都只做淨一兩樣回來，有一日只係做淨四條數，其他中英文生字和句子已寫完返來，我相信係上堂大家一齊做功課的氣氛令每個小朋友都大部份完成。就如中秋三日假期有六樣功課，但有四樣已在學校完成，只有兩樣回家做，所以中秋好開心咁放假。不過導修堂好睇小朋友自己的自律，如果唔係佢唔肯做功課，就要回家做了。
[color=Red][b]陽光電話：[/b][/color]
開學後一兩星期已收到「陽光電話」即班主任打來同家長傾番小朋友的上課情況一齊交流。
[color=Red][b]午膳：[/b][/color]
午膳方面，無得揀餸，但每日都唔同，多數都食晒飯，我囝囝食飯好慢，但竟然有一日食第一名，可見食飯真係不用擔心，而且每星期有一天有水果派。
我地下星期有默書了，學校很好，早一星期和小朋友預默一次，讓他們實習一下默書的安排。
學校設施未來會再加，變得更有規模和先進和愉快學習。 [b]回覆 [url=forum.php?mod=redirect&goto=findpost&pid=43440071&ptid=3222632][color=Olive]kingsum1027[/color] 的帖子[/url][/b]
多謝分享。我都考慮中。今星期有開放日，我都會來參觀下。:iloveit: [b]回覆 [url=forum.php?mod=redirect&goto=findpost&pid=43449399&ptid=3222632][color=Olive]best-horse[/color] 的帖子[/url][/b]
去呀，一定要自己親身去感受下，呢個先最重要
[b]回覆 [url=forum.php?mod=redirect&goto=findpost&pid=43452180&ptid=3222632][color=Olive]kingsum1027[/color] 的帖子[/url][/b]
Yeah~:good:
回覆樓主：
[i=s] 本帖最後由 tland520 於 16-9-22 15:45 編輯 [/i]前天打電話問無位開放日
[img]http://www.baby-kingdom.com/static/image/common/iphone_v2.gif?v=2.0.0[/img] 可能滿額了，不過我去年一月和五月都仲有，但係就過咗自行交表日期 請問基慈小學的band one 學生比例是否很少? [url]http://www.keitsz.edu.hk/awards_and_achievements2.html[/url]
這裡可以看到資料
個人意見覺得：
現在就讀的小五，佢地到小六升中派位才見真正實力，因呢幾年換了努力改革的新校長，見佢地團隊真係好有心力，明年打後才是脫變後基慈的真正實力，相信會一年比一年好。
[i=s] 本帖最後由 kingsum1027 於 17-2-28 11:02 編輯 [/i]
開學至今，已完成了半個學期，究竟和開學時校長所講的有沒有對現呢？
大家可看我詳細的觀察：
[color=Red][b]功課：[/b][/color]
每天都是3﹣5樣，偶然才有多過6樣，就算放聖誕和新年假，功課都唔多，加上每天都有導修課很多時都做晒或只做淨1﹣2樣回家，所以回家都很輕鬆去完成。中文寫字唔多，因校長講過唔中意不斷重複要佢寫字，但只要專心去做又唔怕佢地記唔到D生字。
[color=Red][b]測驗考試：[/b][/color]
完成了半個學校，分別經歷了一次測驗和一次考試，老師會事前一早比定範圍比學生回家温習，只要認真温習，基本上沒有太大難度，因為是小一，所以老師會讀卷，學生會易適應。至於深唔深？見人見智啦，因各學生都唔同...我亦不會在此評論，都係果句，有認真温習就不用擔心。而且考試日子很好，本身是考果天，但中間一定會有一個星期六日，即是考星期四五，和下個星期一二，這令學生和家長都有足夠時間去温習。
[color=Red][b]
課外活動：[/b][/color]
開學無耐安排課外活動，我地參加了兩項，其中一項係種植烹飪，這個好開心，因第一堂要小朋友自己收吉，第二堂要小朋友自己收割生菜，佢地拿著回家好興奮，因佢地有三個種植地方，種了很多不同品種，如日本蘿蔔，疆（粉質地）等，當有收成時，放學會在大堂買比家長，收到既錢會去買番種子去再種其他野，而且學校有廚餘計劃，所以種出來的果菜全是有機的，很有趣！
[color=Red][b]獎勵：[/b][/color]
每科都有獎勵，只要做得好和正確老師會在功課簿貼上貼紙，如果上課安靜和專心也會獎貼紙，這些貼紙可在學期尾向老師換禮物，令他們有目標和成功感。此外，還有SUPERSTAR，如果你當日上學全日都專心、投入和認真班主任就會選你為SUPERSTAR，到學期尾又會有獎品。在這學校會獎很多貼紙，所以成日都很開心返學。
[b][color=Red]新設施：[/color][/b]
Lego Wall近日學校在有蓋操場改建了幾道牆為Lego Wall，全是LEGO任你砌，不過學校會編制每班會有不同時段可以「專屬時間」去玩，發揮各人創意。另外在地下有蓋操場正進行工程改建Smart Classroom，為STEM課程增添更多設施，真是很期待，相信全校師生也很興奮！
[color=Red][b]全校活動：[/b][/color]
由開學到現在，學校的活動未停過，真的很佩服老師的精力和認真，上學期有全校旅行，聖誕聯歡會，陸運會，步行籌款....每個項目都是全校參與，還有小一家長可以參加，而且在學校網頁常常見到老師帶學生去外地交流，但趙校長真是要比LIKE，因不論那個活動，她都是最受歡迎的人，如聖誕聯歡會，她原來是聖誕老人推著一大車禮物，走遍全校每一個班房去派，這些禮物仲要係近期最熱門的公仔或糖果，個個學生見到都勁開心。就算步行籌款，她會飛快地站在出口等學生去佢特登帶來的MINION糖果公仔盒，攞糖果食，學生見到個個都心心眼...如蜜蜂見到蜜糖一樣。
我不是學校的打手，和學校沒有半點關係，不過我是一個觀察型既人，所有事我也會看在眼裡去感受。當然老師要兼顧教書，照顧學生，帶團交流，課外活動.......勁多工作，偶然都有不足的地方，但我感受到的是他們各人都盡力去做和對學生那顆真誠既心，為教育培育學生的心，這點是令我非常感動的。
下次在升班時再和大家分享基慈小學的點滴。
頁:
[1]