中二答題技巧唔掂,點算............

rebecca0113

中一時都已經發覺我小朋友無論咩科目都係衰係長問題度,我諗住佢剛剛上到中學要時間適應啦,點知現在中二都係咁,學校出的長問題佢雖則寫到好多字,但完全唔中point,佢唔係無溫書ka,其他如填充呀,Grammer,都無失分wor,剛剛exam 完佢的長笞完全係無分,中文重fail 埋

我同佢傾過,佢都覺得自己唔識點樣handle的長笞問題技巧,想問問有無人知出面的補習班有無係學的答題技巧可唔可以幫到佢?謝謝

mamee

原帖由 rebecca0113 於 16-01-21 發表
中一時都已經發覺我小朋友無論咩科目都係衰係長問題度,我諗住佢剛剛上到中學要時間適應啦,點知現在中二都係 ...

有無話特別邊科的長問題拎晤中分？

rebecca0113

mamee 發表於 16-1-21 10:53
有無話特別邊科的長問題拎晤中分？

科科都係因為長答問題唔得,無左好多分

MariaTsui

作文成績怎樣??我覺得只要有溫書,就可以用自己的文字表達出來,通常用中文作答的科目,應該會好一點.

rebecca0113

MariaTsui 發表於 16-1-21 11:29
作文成績怎樣??我覺得只要有溫書,就可以用自己的文字表達出來,通常用中文作答的科目,應該會好一點. ...

佢就係衰左係中文同中史的長答所以唔合格,但佢其他如填充,配對,文言文解釋就無問題.......

palmchristy

rebecca0113 發表於 16-1-21 09:09
中一時都已經發覺我小朋友無論咩科目都係衰係長問題度,我諗住佢剛剛上到中學要時間適應啦,點知現在中二都係 ...

我遇到100%相同的問題, 又係長問題完全唔掂. 請高人指教, 可以如何幫忙去改善?

MariaTsui

原帖由 rebecca0113 於 16-01-21 發表
佢就係衰左係中文同中史的長答所以唔合格,但佢其他如填充,配對,文言文解釋就無問題.......
...

可能需要多閱讀課外書。

TiffanyLing

老師派卷會講一次答案, 有D派答案. 叫小朋友炒一份比你參考吓問題所在。

palmchristy

尋晚做左中史科賽後檢討. 稍後再分享觀察和結論.

TwinWong

rebecca0113 發表於 16-1-21 11:49
佢就係衰左係中文同中史的長答所以唔合格,但佢其他如填充,配對,文言文解釋就無問題.......
...

男仔, 會唔會多D睇推理/偵探小說好D,
初中中史就先去記熟D重点, 出个腦图分朝代/皇帝/功/過/腐敗/昏庸無能...
相信上堂時老師會講低有咩重点要學生記住,
D長問題有時遇著小小推敲/取巧, 唔太記得晒但寫到重点都會比到分,
再多扣下錯別字

manwaimail

我細女果時都係咁，永遠差少少, 我都因為咁，幫佢搵補習專補答題技巧，教佢睇問題，咁so far 到依家都ok 既，不過就懶，成日唔溫書

palmchristy

經檢討後, 長答題答得唔好的原因是 -

1. 唔熟書, 所以答得唔實淨, 寫左野當答左題, 甚至要用想像力答題;
2. 唔識睇題目, 以致問東答西;
3. 唔識得用資料;
4. 唔識分配答案長短 (例如3分題要寫3個points);
5. 用詞不夠精簡, 太累贅地用幾句答一個point.

就以上弱項, 大家覺得應該點幫佢改善?

qkhui

我想問問大家, 小朋友小學會點答長題目? 好似常識, 會用咩形式答?
我小朋友唔知係唔係由小學開始, 習慣佐點答長題目. 由初初唔係太捉到重點,到高小慢慢可以捉得實o的. 到五六年級他在長答大部份都唔會被老師扣分.
到依家初中, 在chi history 的長答, 佢都仲可以keep 到.

由小學開始. 我自己覺得, 首要一定要熟書. 而在溫書時, 我會同一個ans用唔同o既方法去問佢. 等佢習慣原來一個ans 可以有唔同o既問法, 等佢唔會見到唔同佐問法, 就唔知問緊咩. 到睇返個ans 時才知道. 原來係答le個ans. 噉佢試得多就會知要答咩. 噉同埋中學同小學問野又會唔同, 小學好直接問你好處壞處. 但中學唔會用le o的字眼問你. 所以要識睇, 噉就知佢原來係問緊你好處同壞處. 知要答咩. 睇分數都係好重要. 我仔會識睇, 如果個條得1-2分, 佢唔會答太多野. 但到4-6分佢就知要點寫. 同會數有幾多個point 去答.

大家都仲係初中, 仲有時間. 多o的練習. 一定可以進步. 加油 !

smartwong

試試看考得好又高分同學的答案，比較自己所答的與同學們有什麼分別，了解同學們取分之道，捨短取長。

mamee

rebecca0113 發表於 16-1-21 11:49
佢就係衰左係中文同中史的長答所以唔合格,但佢其他如填充,配對,文言文解釋就無問題.......
...

中文長題目失分，是否即係閱讀理解？可能你仔未能理解文中深層的意思，只答了文中的表面野，所以無分。其實我仔都係咁，佢都係中二，今次考試佢都話白話文那篇閱讀理解做得差。一係自己買練習做下，一係找人補下習。

反而中史，同中文科應該無乜關係。我仔中文中作一般，但中史成績係好好，因為中史一直以來係佢興趣，一般時地人已經滾瓜爛熟。

正如有位網友分享，時序，時地人要熟，唔好亂。上堂老師會叫同學抄重點，就係怕小朋友記唔晒，呢個要熟讀。你看看老師的評分答案，從中拆解啲分係點俾，同阿仔一齊研究下。

MariaTsui

qkhui 發表於 16-1-26 13:04
我想問問大家, 小朋友小學會點答長題目? 好似常識, 會用咩形式答?
我小朋友唔知係唔係由小學開始, 習慣佐點 ...

睇分數答問題這技巧很重要,所以我會教囝囝答題技巧,如何答,有幾多個POINT,他睇題目要求就跟住答,而且整份卷的時間分配等等,我都有講,主要是傳授私的考試心得,當然一定要囝囝溫熟書是最基本.

qkhui

有關中文閱理, 我都覺得白話文比文言文更難. 我仔f.1時都係, 白話文取得好少分, 有時見佢ans 同老師ans 其實都好相似, 但可以1分都無, 其實都唔太明. 噉f.2 開學, 找了一位哥哥教仔仔中文, 哥哥主要都係跟仔仔做閱理, 教佐佢一o的點睇文章, 點睇題目. 教佢要寫得深入o的, 唔係寫太表面, 另寫多都唔好寫少. 岩岩考完第一次試, 唔知有沒有進步..ha