S位老師信箱

小牧媽咪

joseph1201 發表於 17-8-16 17:21
小牧老師, 你恏！小兒剛剛在S位返學幾天， 老師們很有愛心, 專業，有耐性，課程全面, 個別及小組課都應該足 ...

探討一下A仔行為：大部分A仔本身在行為上有不同的特別喜好，透過這些行為，他們可以得到不同的満足，甚至得到安全感，增加自己歡愉感，這些行為與一般人在空閒時間un 下腳，轉下筆也差不多，沒有太多思考，就是有點得閒，不自覺地做出來。有人說，A仔有些行為太礙眼，怎能和這些一般的行為相比呢？首先我們需要明白到， a仔其實未必一定懂得自己在做什麼，更加不知道自己的行為是對或錯，所以我們的應該教導他們什麼行為是對的，而且要安排他們善用餘暇，餘暇少了，自然減少一些不必要行為。如果有些行為不是太令人難以接受，其實也可以容許他們做少少，好讓他們満足刺激需要（如：望直線跑，對著抽氣扇發呆...）

jlau2001

小牧媽咪 發表於 17-8-17 21:08
探討一下A仔行為：大部分A仔本身在行為上有不同的特別喜好，透過這些行為，他們可以得到不同的満足，甚至 ...

我仔得閒就fing 手fing 腳，尤其食咗味精，病同好攰時。宜家好d 識無人時先做。 打算做針灸睇吓有無改變。宜家三歲幾仲未識砌圖，空感好差, 都唔知點算

pugpugyan

小牧媽咪 發表於 17-8-17 20:50
為了你的問題，我聯繫了2位不同年資的言語治療師，由於大家也沒法估計你小朋友的實際情況，保險做法是照排 ...

多謝你的回覆小牧媽咪，好感激你為了我女兒親自請教兩位言語治療師，真的很多謝你

我上個月剛回了大口環，醫生based on女兒兩歲多時做的評估，認為最主要問題只是言語，所以不認為可以排S位，醫生說她認知幾好，所以都是recommend I位或E位，我有和他說女兒有言語失用症，但我感覺醫生好似都唔明我講乜咁

不過我也問過不同意見，我有個物理治療師本身在幫女兒做髗低骨，她認為女兒就算入到S位，應該都會好快出返嚟，正如你所說，主流可以幫助她多點溝通，所以我暫時還是希望她繼續在主流上課，而我自己本身已另安排一星期兩堂的言語治療，另外又有職業治療和幼稚園訓練，希望可以繼續訓練她，她現在學習動機很好，好想學說話，我會加油的，多謝你呀

hidi127

小牧媽媽：你好，我想請教你什麼是：大小肌肉（大於-2SD)是指什麼？是與同齡小朋友相差幾多呢？阿仔今年5year

小牧媽咪

jlau2001 發表於 17-8-18 13:25
我仔得閒就fing 手fing 腳，尤其食咗味精，病同好攰時。宜家好d 識無人時先做。 打算做針灸睇吓有無改變。 ...

咁就避免進食味精，反正不吃只會令身體更健康，至於針灸，我不知道是否有效，雖然我也有許多學生去嘗試被針灸，但他們當中沒有一人只單靠針灸去改善情況，他們如常上學訓練，如常進行許多個別的專業治療，如常去戒口，如常去食許多有益身體的營養補充品，所以他們不同程度的進步，我真的不知道跟針灸有沒有關係。不過小朋友喜歡fing手腳，有可能是想藉著這些動作去満足自己的本體覺，如有上OT，可以向OT查詢一下

jlau2001

小牧媽咪 發表於 17-8-25 20:21
咁就避免進食味精，反正不吃只會令身體更健康，至於針灸，我不知道是否有效，雖然我也有許多學生去嘗試被 ...

做針灸只是希望可以更快進步，當然唔會只靠針灸，會配合其他訓練。

bearmrsyee

小牧老師，首先多謝你用工餘時間上來為家長解答，冇金錢利益，又肯付出愛心，實屬難得。

小兒出世18個月，早產2個月，有低張力，脚掌有d問題，企不平，待轉介跟進，所以未行到
多方面發展遲緩，未有語言，口肌弱，只識爸爸，覺覺，叫我也是爸爸或Er
平時佢有佢玩，叫會望我，一眼之後繼續自己玩，冇乜溝通甘，不聽指令，除非有食物利誘才會合作下。但又會有眼神接觸，例如推椅行，想我讚，見到開心野，又望住我笑
其實他知比比，拍手，拜拜，飛吻，就是吾肯做，反而半年前，就乜都做
教眼耳口鼻教到佢都炆，而家我一提五官，他就發脾氣
有時想冚頭落地，但佢知痛，只會輕力
成日玩射喱眼，撥手，喜歡轉任何嘢，呢d應該系自閉傾向
我而家都吾知佢系發展遲緩定自閉😖
而家排緊e位，cac仲未有期評估，甘既情況，系咪返s位比較好？以你經驗，有玩眼，手，系咪一定自閉呀？？

小牧媽咪

bearmrsyee 發表於 17-8-26 14:56
小牧老師，首先多謝你用工餘時間上來為家長解答，冇金錢利益，又肯付出愛心，實屬難得。

小兒出世18個月， ...

按你描述，小朋友又唔太似自閉症，因為有部分年紀比較細嘅小朋友都鍾意玩轉轉遊戲，加上你有描述佢做得叻時會望下你想你讚，呢方面已經唔似A仔。見到有開心嘢又望下你，呢D無聲嘅共同專注，A仔唔太多出現，估計你小朋友係發展遲緩。
腳掌有乜事，點解仲未可以企穩？建議E同S一齊排，E位如果2歲前排到就照要住先，如果2歲後有S位就一定入S比較對小朋友發展比較好

bearmrsyee

小牧媽咪 發表於 17-8-26 23:12
按你描述，小朋友又唔太似自閉症，因為有部分年紀比較細嘅小朋友都鍾意玩轉轉遊戲，加上你有描述佢做得叻 ...

嗯，眼見扶行時行行下有隻脚就外八字(差吾多90度),同埋行時重心點不在腳板底中間，2隻腳重心點去左內側，要月尾去公立物理治療要求轉介骨科看看，希望骨無事，只需穿矯正鞋或鞋托/墊解決啦如果玩千秋，不斷要我推到最高點，推完吾夠2秒又系甘指住我要不斷推，連續玩幾多分鐘要停一停?他玩到吾想下來，連續15分鐘會否太久?途中要休息下嗎?有人叫我比佢玩千秋半小時真的?其實每天玩多久才滿足到前庭?

Ckting

我想再請教樓主，因為仔仔已經足3歲半但仲未排到S位甚至E位；係咪可以打去社署問社工有無後補位置可以補上？因為即使我哋同佢做家居訓練，但有學校的設施和老師去教導一定可以進步再大一點。六歲前係黃金時間，所以我哋真係時間不多了

小牧媽咪

Ckting 發表於 17-9-8 18:36
我想再請教樓主，因為仔仔已經足3歲半但仲未排到S位甚至E位；係咪可以打去社署問社工有無後補位置可以補上 ...

明白家長會心急，但其實大家都按number排緊隊，應該唔會出現你所謂的後補位，當然有時有D特別情況，可能會加快咗個申請。家長不如考慮盡快幫小朋友報下治療師的個別堂，再加上家長嘅努力，小朋友都可以進步。家長加油！

mssss_

小牧老師你好,

我小朋友出世就有事. 1直係醫院. 而醫生已經比咗心理準備我地 預後差(整體會遲緩)之餘仲要1段長時間(有機會1年或以上)都未必出到院. 而我知排E+S位所需時間係以年計.

我已經搵社工幫我安排, 但可能佢地太忙吧. 打過1次電話 話遲D會約見傾所需既服務就冇再搵我(冇留名, 電話都冇, 我已經追緊佢了). 如果排到, 但我小朋友未出院. 咁會點? 要重新再入紙, 重新排? 定到出得院就當插班? 謝謝

熊大與兔兔

小牧老師你好,
我囝確診o係2歲7個月經CAC確診自閉症譜系, 當時言語得15-18個月, 而體齡同智齡都係2歲左右, 並建議轉I位。因為2歲時已經私人兒科醫生建議並排緊E位。
2歲半先識叫晒爸爸媽媽婆婆公公爺麻...出街見到其他小朋友識分到同叫哥哥弟弟姐姐妹妹, 最近3歲了, 除左26個英文字、數字、顏色、形狀係講得最好, 數字仲數到去二十幾,  知道we wo車, Truck, 講下熱、凍呀, 落雨....仲會唱到ABC SONG, 當然講野仲係唔正!
最大問題係佢好多衝動行為, 亦唔理周圍環境, 佢見到想要攞/玩就衝左過去, 佢唔會理有無危險同會唔會整到其他人!
佢對痛既感覺好少, 都會玩眼, FING頭, 開關門, 成日自己講BB話講到好大聲, 尤其晚上訓前,成日好多聲講BB話、叫、爬來爬去, 要搞半個鐘以上先訓到!
岩岩開始上左2個零月既密集(當中每月各有2次個人ST同OT), 另外一個月2堂1對言語, 佢言語方面係好左....起碼會跟口水尾.....但其他方面好似仲嚴重左, 例如要自己行唔俾拖, 但一放手又跑左去!!又多左固執行為, 仲見到佢同小朋友爭玩具用頭撞人....
個人又嚴重偏食....淨係食飯同魚
我諗緊係返密集學返黎定係佢愈D大症狀先愈明顯....
而前幾日見左密集導師, 佢話阿仔依家言語, 大小肌大概22-24個月, 認知都係27個月左右, 建議S位.....因為佢成日出位坐唔定, 而多衝動行為, 佢認為I位絕對唔岩仔仔!
由於仔仔係細B, 今年本身要讀K1, 但我無俾佢讀, 想讀左1年密集打打低先再K1.....點知原來情況唔係我諗得咁簡單同輕微!

但我又好驚入左S就好難出返黎......而排位方面, 如果轉I位, 我要12月頭決定, 就算轉S都要盡快趕到1月前俾到CAC, 因為3月已經要揀定等派, 而阿仔由2017年1月排.....無論I/E/S都好有可能來年就派到位了...
我真係唔知點揀好呀

小牧媽咪

mssss_ 發表於 17-9-25 12:20
小牧老師你好,

我小朋友出世就有事. 1直係醫院. 而醫生已經比咗心理準備我地 預後差(整體會遲緩)之餘仲要1 ...

抱歉，太耐冇上嚟了，所以宜家先答你，其實如果小朋友未ready入學，社工可以扣起小朋友嘅表格，直到佢ready入學再輪返佢。不過！首先你要同個社工有緊密聯絡，另外！應該會需要出示醫生證明小朋友嘅情況先可以去酌情處理，如果，小朋友已經簽咗學校，但之後又因病要留院未能上課，其實只要你交醫生證明小朋友身體狀況就可以

ilovecat1234

想請教女兒三歲半，之前在扶康評估過認知及小手肌遲緩（她大肌也弱），幼稚園老師也說她進度追不上要留班。政府排了期但評估遙遙無期。
想請教有那些私人機構可作全面評估及訓練，包括自閉。

小牧媽咪

ilovecat1234 發表於 18-1-17 06:14
想請教女兒三歲半，之前在扶康評估過認知及小手肌遲緩（她大肌也弱），幼稚園老師也說她進度追不上要留班。 ...

評估你排咗幾耐？有冇聯絡過社工問下進度？考慮下搵心理學家做過評估，比較出名有協康，叫過排得比較快，但其實唔平（6K左右），協康最大好處係比較一站式，評完會建議做返合適嘅訓練。

hk430

小牧媽咪 發表於 18-1-17 22:06
評估你排咗幾耐？有冇聯絡過社工問下進度？考慮下搵心理學家做過評估，比較出名有協康，叫過排得比較快， ...

你好呀，我岩岩先見到呢個鋪，
感覺好似見到希望之光咁

我地一直心大心細想帶三個仔（全A仔）
回流香港，分別7歲，5歲同2歲
大哥雖然遲開口，但而家講野ok,學校老師話睇唔出佢係 A仔（只識講英文）

二仔最令人擔心，今個月足5歲，完全不在狀況，連最基本既 yes no questions (大人手拎一件物件，問佢要定唔要）都答唔到，有單字（英文）都好少好少會用單字。

三仔有單仔，但言語師話都比同年齡遲左

我地返香港讀書有可能嗎？
我指有可能搵到適合既學校俾佢地嗎？

多謝你

小牧媽咪

hk430 發表於 18-2-12 14:46
你好呀，我岩岩先見到呢個鋪，
感覺好似見到希望之光咁

抱歉，現在才看到你提出的問題，其實香港的教育制度真係好一般，尤其在特殊教育上，融合只係一場有理想的空談，許多制度也並未完善，比較外國，香港實在有點落後。
我建議你直接聯絡香港教育局比較好。

hk430

小牧媽咪 發表於 18-3-5 22:42
抱歉，現在才看到你提出的問題，其實香港的教育制度真係好一般，尤其在特殊教育上，融合只係一場有理想的 ...

小牧媽咪，多謝你既回覆，
其實外國並唔係你哋想像中咁完善。
我就係因為已經幫啲仔搵到最支援既學校，
佢地係有耐性，但其實太 hea
而且供不應求既情況十分嚴重，
簡單講一句就係搵個地方俾個小朋友坐，
坐到放學。
我對呢邊既學校真心失去所有希望。
請問可唔可以分享一下，
我仔仔已經足5歲，但仍然得幾個單字，
亦聽唔明指令，請問香港會係排s 位定入特殊學校呢？我明白咁問好空泛，但希望你可以分享多少少資料俾我
我想知多少少香港既教育體制，再去做多啲資料蒐集，因為打去教育局，佢地都係打官腔多
麻煩晒你

小牧媽咪

hk430 發表於 18-3-5 22:55
小牧媽咪，多謝你既回覆，
其實外國並唔係你哋想像中咁完善。
我就係因為已經幫啲仔搵到最支援既學校，

如果宜家足5歲，只有一年時間，應該排唔切S位。有冇外國評估報告？有嘅話可以出示俾教育局，應該都會pass去評估中心去評估，預計評估後會安排入讀特殊學校。如果只有單字，yes or no都唔掌握，估計表達方面會評估中度至嚴重。當然，仲有其他操作、認知方面你沒有提及，所以唔知道最終評成點。
不過，適逢今年龍仔龍女升學，所有小學，連特殊學校嘅學額非常緊張，有部分九月後出世，所謂細仔嘅小朋友，有可能會避開學額供不應求而輪入下年蛇仔升學，所以下年學額其實都不會太鬆動。意味著，如果你二仔來港就讀，也有可能面對學額緊張。
一般評估到特殊學校後，家長可以選擇第一至三個志願，如果家長不按常規去揀呢三個志願，有可能被教局安排，再讓家長勉強下再選擇一間非心儀的學校。
一般來說，首次聯絡預約評估中心的評估，等幾個月係常見，而評估後，報告會交去教局，由教局進行派位，每年大概五至六左右就會去決定小朋友入邊間特殊學校。