德寶教育機構推卸責任

p_s_penny

本人大囡就讀黃埔花園2期德寶中英文幼稚園k3，今年八月開學派發通告通知家長招收來年k1,其中一句內容係「凡本園學生之弟妹及親友，將予優先取錄」，當時報名亦問過職員，副校，主任，比到我嘅答案都是冇問題，有家姐讀緊，會收番，以往都係咁做.
到面見日，之後送返學，放學，都會間中問下收生結果，主任，副校等人都叫我唔使擔心，冇問題，結果24日，我收到的信不是有學位的信，而是一封waiting信. 即日致電回校問原因，學校不敢接我電話解釋，話冇老師係學校，（當日我地見過副校係學校附近）
到28日，29日原來有2個家長同我情況一樣，都是收到waiting信，打返去同去學校問，答案係由於太多人報讀，比唔到學位我地，叫我地去搵第二間學校

於是我打去教育局及區議員投訴，校長將所有責任推比老師們，話唔知點解佢地咁答家長，口頭答我地冇問題係唔能作準，一切以發出確認信為準
另校長解釋「優先取錄」意思不是必收，而是當有2個學生要佢選擇，家姐阿哥係度讀嗰d先叫優先

我及另外2位家長都因為學校呢張通告及老師們的答案，而冇報其他學校，錯過哂所有學校招生嘅機會，佢地仲叫我地去搵其他學校，好肯定咁答我地連過完統一註冊日都好難比到位我地

究竟作為家長嘅我們，錯在那裏？
希望各位家長慎重考慮仔女應否在這裏學習？

現附上當日發出的通告

15-12-31 23:21 上傳

下載附件 (31.91 KB)

cpychung

其實好多學校既優先都係先waiting，以德寶呢啲學校黎講，呢樣野其實跟本就唔需要咁擔心，到最後都係會有，反而你張件事攪大，俾學校標簽做麻煩家長，學校就算將來收左你，你又夠唔夠膽俾佢入去讀？

guguned13

如果最後都有，咁學校點解要咁做？吊高黎賣？顯得學校多人爭？

doggy2013

原帖由 p_s_penny 於 15-12-31 發表
本人大囡就讀黃埔花園2期德寶中英文幼稚園k3，今年八月開學派發通告通知家長招收來年k1,其中一句內容係「凡 ...

好明顯學校疏忽，搞成咁，點都好，都唔應該再響到讀，老師代表學校，不可以話不作準，如果你條氣唔順，先寫封信比德寶，你而家就去揾其他學校，但德寶要賠償損失，任何可以計數既野你都可以要德寶賠，包括報名費、回郵信封同郵資、去面試交通費、收你間幼稚園同德寶既3年學費差額，有幼稚園收你之後，將清單交比德寶要佢賠，唔賠就上小額告佢

jojosesame

封信意思有點灰色，如果必收就唔使面試啦⋯⋯

p_s_penny

學校分別約家長回校傾，但我拒絕，我話要有其他家長在場做人証先解釋。有家長有回校聽佢地講，答案都係由於太多人報名，睇小朋友表現決定收生，仲同家長講過往經驗係會100%會註冊，如果真係有人唔嚟先比到位我地呢班！仲要家長今朝見到應唔止我地3位苦主，有幾多人相信學校最清楚

想問下名校都唔肯定會100%會全部嚟註冊，何況係呢間只不過係一間村校？究竟收咗d咩人咁肯定一定會嚟讀，連waiting嘅舊生都冇位？

cymchris

只能怪校長同老師在這個問題上回答得太差勁。 我兒子的學校老師一早已經同我講有哥哥在讀， 也不能保證妹妹入到。 結果我有4個朋友的弟妹都是暫取生。
你太早把事件發酵， 到現在已經沒轉彎餘地， 快點找學校吧！

p_s_penny

原帖由 cymchris 於 16-01-02 發表
只能怪校長同老師在這個問題上回答得太差勁。 我兒子的學校老師一早已經同我講有哥哥在讀， 也不能保證妹妹 ...

我再重申一次，我冇希望過會比番個位我，就算比我都唔會讀，答覆以上家長答案都係你所講「冇攪事」嘅麻煩家長，學校都咁答佢地。
如果你都堅係學校正確，我係攪事家長，我都冇法，係呢件事上我睇唔到我有咩錯

cpychung

p_s_penny 發表於 16-1-2 13:29
學校分別約家長回校傾，但我拒絕，我話要有其他家長在場做人証先解釋。有家長有回校聽佢地講，答案都係由於 ...

100％註冊？講笑咩，德望都唔會有....德寶第一round 可能多waiting，但到最後係唔難入既，所以我先講跟本唔需要擔心....一間幼稚園有超過80％最後take offer 已經係好唔錯，德寶大概我估只有50％ take offer...

佢100％註冊應該係話細佬妹過往經驗係100％可以註冊到....

RRRRGGGG

但你大女仲係度讀緊，又係係呢度畢業，你又何必呢？唔怕影響阿女考小學？

p_s_penny

難道佢地會蝦我個囡？就因為大囡係到讀，比人咁蝦都唔出聲去忍？我已搵緊學校，我唔擔心冇書讀，講呢件事出嘅係想多d人知道嘅件事邊個有問題？

cymchris

唔係話你攪事或麻煩家長， 只係有時真係要退一步， 你仲有個女係度讀， 無謂之後有咩事都容易令大家有誤會。爱子女深切， 每個家長都係， 但有時不能不妥協。。。 好多學校都會把有siblings 擺係 waiting list 到， 因為佢哋知道稍後通知你去註冊， 你都會去讀。

RRRRGGGG

你冷靜d，唔係蝦你個女，而係你個女係間比你講到咁差既學校出來，d小學會點睇？既然你女都讀左3年，之前都放心交託呢間學校，點解為左呢件事改變晒？唔可以用好d既方法解決，正如前面既jm所講，waiting最後都好大機會wait到，我亦相信如此，錯就錯在學校一早唔應該承諾任何野，應該先小人後君子

p_s_penny

可以答你學校比我地家長嘅答案係waiting都冇希望,已叫我地搵定其他學校

bboo1

p_s_penny 發表於 15-12-31 23:21
本人大囡就讀黃埔花園2期德寶中英文幼稚園k3，今年八月開學派發通告通知家長招收來年k1,其中一句內容係「凡 ...

張通告寫得好有問題，優先取錄，但又話要比$面試。其實想點？如學校應承左就冇奶油唔收。樓主有沒有報左其他面試

p_s_penny

原帖由 bboo1 於 16-01-02 發表
張通告寫得好有問題，優先取錄，但又話要比$面試。其實想點？如學校應承左就冇奶油唔收。樓主有沒有報左其 ...

就係佢通告寫優先取錄，及報名時問過副校，主任，職員比我嘅答案係冇問題，所以我地呢d有大嗰個係到讀就信佢優先取錄，冇報其他，你話係唔係比佢地害死

Saboc

衰在信口頭。信內容好明顯唔係指不保証，只優先。我個人從來覺得口頭答案只可參考，只信written.
樓主，不要再專注這事上，快啲搵學校

Saboc

好明顯唔保証

SCK824

原帖由 Saboc 於 16-01-02 發表
衰在信口頭。信內容好明顯唔係指不保証，只優先。我個人從來覺得口頭答案只可參考，只信written.
樓主，不 ...

信係冇問題，係可能你小朋友面試同埋教職員同你講野有問題

SCK824

原帖由 SCK824 於 16-01-02 發表
信係冇問題，係可能你小朋友面試同埋教職員同你講野有問題

信係冇問題，係可能樓主小朋友面試同埋教職員同你講野有問題