其實大意呢樣嘢係咪有得改善呢?

哈利媽

上學期成績又出咗啦.... 結果除個別科目外, 大多數都不過不失啦, 不過每科嘅老師都係話佢被扣嘅大意分最少10分以上, 唉!! 即係佢真係可以考得好啲嘅, 其實大意呢個問題真係有冇得訓練, 大個啲又有冇改善呢 (依家小三), 真係有啲擔心呢個問題真係會拖累佢日後成長嘅好多嘢.....

mwfwinnie

哈利媽 發表於 15-12-18 16:55
上學期成績又出咗啦.... 結果除個別科目外, 大多數都不過不失啦, 不過每科嘅老師都係話佢被扣嘅大 ...

當然有得改善啦
我老公最近訓練我姪女，少左d錯，當然仍有大意，唔小心。 數學考得好成績 。 姪女話只有小一考數學試過有9字頭，今年小四 mid term 有9字頭，開心死佢

哈利媽

回覆 mwfwinnie 的帖子

可唔可以講吓點訓練? Thanks.

HAPPYJOCELYN

我都想知, 真係扣成十幾分大意分,好貴😭

wister

其實都好難避免

bluesky1314

原帖由 mwfwinnie 於 15-12-19 發表
當然有得改善啦
我老公最近訓練我姪女，少左d錯，當然仍有大意，唔小心。 數學考得好成績 。 姪女話只有小 ...

我都想知!

ac917

原帖由 mwfwinnie 於 15-12-19 發表
當然有得改善啦
我老公最近訓練我姪女，少左d錯，當然仍有大意，唔小心。 數學考得好成績 。 姪女話只有小 ...

有咁好嘅例子俾大家學野，但已經幾日都未見你回覆，等到頸都長埋！

mwfwinnie

我唔係成日上呢道，所以未回應。 加上放大假，更加少上綱 。

其實每一個學生都唔同，我老公用係我姪女身上，並不等於適用於其他人 。
我老公每次比練習姪女做，錯埋d唔小心，每錯一條唔小心，就會同佢點解? 錯咩？係咪唔小心錯? 當佢自己答到係唔小心錯，就會同佢講，其實你識，錯埋d唔小心，係咪好唔抵 。 佢答係 。 就會鼓勵佢唔好錯d咁唔小心，減少唔小心錯，可以執番十幾分 。 每次提佢，咁佢又改到 。
當然有 set 目標比佢，考試達到某個分數，會有獎勵 。而她又好恨得到，自然會比心機啦 ～

我自己都有個學生，P5，佢又係錯大意，我要求她所有功課先行 check 一次先比我對 。 不可多於 3個不小心錯 ，每次10分滿分， 累積到某分數，送一份禮物比佢 。 佢又係減少左好多唔小心。

我老公都係今年8月份同我姪女補習數學，冇補習經驗 ，只係了解姪女，用啱方法，所以有效 。 姪女自己都超開心有9X分 。 佢想繼續有好成績 。
我做過託管義工，也學懂少少如何教學，都係因姪女英文補習老師突然唔教，我弟婦叫我幫手，我才教。 我同老公一齊 set 目標比姪女的 ，她很受落 。