張祝珊英文中學

Sosmartc9

可以參考下面嘅資料:

"禮拜六去左張祝珊簡介會，以我嘅理解同觀察學校的特色係注重鞏固學生學術基礎、提供良好英語學習語境、強調全人發展、開拓學生視野及有不同凝聚學生的活動。

另外，校方講嘅收生準則如下:
-        教育局成績次第 (40%)
-        課外活動及服務 (10%)
-        取得的獎項 (20%)
-        面試表現 (30%)
-        乙級操行或以上

同學校網頁公佈嘅一樣。

我舊年都有去簡介會，校方話睇多D申請人嘅語文水平同音樂成就，今年好似無講。學校係舊D，設備一般。不過，無論點我都會幫個女報。觀察左呢間學校嘅學生幾年，大體上守規有禮、樂於助人，又吾會好似有D名校生咁寸。小學老師同幾個C9都話間學校學習氣氛好，吾會只係顧住D精英，音樂發展方面都投放幾多心機。"

Sosmartc9

五駛驚喎，間學校都好注重乒乓波同羽毛球。另外，响報名需須知講明最多四個自行分配學位嘅名額將預留俾响非學術方面有傑出成就嘅申請學生。

vckchoy

有番面試咩?

王家爸爸

vckchoy 發表於 15-12-25 16:55
有番面試咩?

來年(2016年入學)有。

Jobrena

原帖由 Sosmartc9 於 15-12-20 發表
可以參考下面嘅資料:

"禮拜六去左張祝珊簡介會，以我嘅理解同觀察學校的特色係注重鞏固學生學術基礎、提供 ...

有朋友妹妹在此校畢業，英文5**，入左hku law

greenapple1093

"我都聽講此校著重音樂, 我囝5音不全"

"五駛驚喎，間學校都好注重乒乓波同羽毛球。另外，响報名需須知講明最多四個自行分配學位嘅名額將預留俾响非學術方面有傑出成就嘅申請學生。"

張記今年(2015-2016) 弦樂團中，有3個學生拉大提琴，有大約10個中一學生拉小提琴。另外，不只注重乒乓球及羽毛球、田徑及籃球亦有定期訓練。

hellokitty820

我有個親戚個女係度讀，佢話呢間學校好純樸，老師對學生好好，一視同仁，無偏心，同埋入U率高，出好多醫生，律師，好似無國界醫生主席謝子華，歌手王婉芝都係呢間學校出黎，真是平民中的貴簇學校。唔似其它名校學生咁串，讀出來在社會做事都謙虚d, 待人處事會成熟d.

evacalbee

greenapple1093 發表於 15-12-25 22:22
"我都聽講此校著重音樂, 我囝5音不全"

"五駛驚喎，間學校都好注重乒乓波同羽毛球。另外，响報名需須知講明 ...

Sosmartc9

間學校規定中一新生要參加一樣樂器班、制服團隊、球類興趣班或藝術班。