請問應該什麼年級去外國讀書較適合?

momotam168

如果係沒有任何親戚幫手照雇底下....

littleparent

其實幾多年級去都可以，視乎自己的經濟能力和小孩適應能力。
我兒子三年級已經去外國讀書。

洋子

回覆 momotam168 的帖子

我覺得如果外国冇任何親戚照顧gei話, 我覺得小朋友讀完F3後走最合適......囝囝就系讀完F3後去外国讀Year 10, 暫時so far都適應得好好

db7mu23

我仔讀完中三才去英國。
比我再來一次，讀完小六即去!

tung_yan0623

我仔讀完中二出去，佢話應該再早d出去

Wnnieng

你們怎樣manage 離別不捨情绪？

心肝寶貝

原帖由 tung_yan0623 於 15-12-17 發表
我仔讀完中二出去，佢話應該再早d出去

我大仔都係咁講

tung_yan0623

回覆 Wnnieng 的帖子

我同个仔去英國開学，自己喊左成个星期，之後見到亞仔的houseparent和好靚的房間，个人開始放心小小，加上亞仔第一日已經同roomates,同学好friend, 我就完全放心晒！亞仔日日都会打电話比我，好快又放假可見面，所以冇唔捨得啦！

momotam168

咁頭幾年揀讀國際學校係唔係好d 呀？
同埋想問問呢，如讀完小學就安排過去，學費若多少錢一年？加拿大或者英國....

亮燈

阿大都係讀完中三去英國讀Y10，依家阿細就出年去讀Y8，如果可以時光倒流，我會等佢地讀完小六，過去讀Y7。我都係冇任何親戚朋友在英國，靠學校及監護人，等阿仔聖誕節返黎就開始好放心。

Ruby1219

原帖由 亮燈 於 15-12-18 發表
阿大都係讀完中三去英國讀Y10，依家阿細就出年去讀Y8，如果可以時光倒流，我會等佢地讀完小六，過去讀Y7。 ...

我仔Year10 開始英國寄宿生活，好快適應同好鍾意。剛問阿仔，佢話year 9 去會更好，因為可以同其他同學一齊入學，socially 會更好。

亮燈

原帖由 Ruby1219 於 15-12-18 發表
我仔Year10 開始英國寄宿生活，好快適應同好鍾意。剛問阿仔，佢話year 9 去會更好，因為可以同其他同學一齊 ...

冇錯，剛問阿大，佢都話Y8過去會好D。

basbyy

呢個 topic 其實都講過好多次，有 D 家長會覺得越早去越好，但我會諗多一點，係小朋友將來會唔會返黎升大學或者返黎做野，如果係諗住返香港，咁我覺得中三 (Year 9) 會好D！始終有一定嘅中文水平！我身邊朋友如果送子女去讀 F.1，佢地通常會讀完小五跳班，好少讀完小六去升 Form 1。

我大女而家讀緊Year 10，佢係喺 HK 讀完 F.2 過 UK 讀 Year 9，我大女一向知我打算比細仔好似佢咁，讀完 F.2 去 UK 讀 Year 9，之前，我同大女傾電話，我話想細佬遲一年過 UK，點知大女極力返對，佢話自己 Year 9 去，慢慢適應果邊生活同學習環境，而且 Year 9 已經開始教 GCSE D課程 (唔知係唔係間間學校係咁)，而佢果年有個女仔係去讀 Year 10，佢見個女仔讀得幾辛苦，因為個女仔一去到要即刻選科，學 GCSE 嘅野同埋追返 Year 9教左嘅野，個女仔係黎自九龍區幾出名嘅 band 1 女校架，不過我亞女唔知呢位 D成績如何，亦唔係話個師姐追唔上學校要求。

我亞女上年讀 Y9，頭一年 D 成績都 OK，都有兩、三科A，今年選科，我由得佢自己選，無比任何意見佢，佢返黎同我講，雖然我無比意見佢，但佢覺得自己讀得幾開心又無選錯科，佢揀左較難讀嘅 Triple Science，讀得好 enjoy，佢無接觸過 Business，但係讀落又覺得幾有興趣幾好玩，又可能之前有一年適應期，佢今次成績好好（我應為）， 全部科都攞A或者A*，佢自己非常滿意，雖然亞女唔係讀乜野勁校、名校，但做父母真係好開心。

我開始留意學校比亞女 Sixth Form 轉校同細佬一齊讀，我會留意埋第一個 term break 嘅日期，我會選擇第一個 term break 放兩個星期嘅學校，咁樣佢地就可以第一個 term break 都返香港，一年可以見多一次。

BoBoCute

起碼完成小六，最遲讀完中三會好些

DoReMi媽媽

香港讀完F.2, 過英國讀Year 9, 既可保中文底子， 而year 9亦係英國入學時間， 同學同期入學， 較易相互融入， year 10開始GCSE課程及選科， 可於就讀year 9這一年時間熟習語言， 學習環境， 調節心情， 如果year 10才過去， 要即時適應以上一切， 會比較吃力。

ssckid

如果子女在香港的成績很優秀，建議Year 12才去，因香港學生的學術水平比同級的外國學生高了不少，GCEAL對這些香港學生來說還是較容易的。

事實上去唸Year12的香港學生大部份的目標是牛劍。失敗的也能考進UCL, LSE, Imperial 等名校(這些學校被謔稱牛劍難民營)。較早出國的便少了這些優勢，因他們的學術水平祇能等同當地學生。但是香港學生的强項在數學及理科，若子女的興趣在人文學科如歷史、語文等，就應該早些出國，因外國學校較重視多角度和批判性思考。子女要多些時間習慣這種學習模式。


此外，如果子女長遠打算在外國生活、工作，則早點去較好，因為同學、朋友圈子會以外國人為主，對外國文化的認同感也較强。

spiderlily

ssckid 發表於 16-1-4 11:42
如果子女在香港的成績很優秀，建議Year 12才去，因香港學生的學術水平比同級的外國學生高了不少，GCEAL對這 ...

其實，英國top schools 的水平也非常高。不只是science subjects,  humanities 也強，較 all rounded.

db7mu23

我在沙特毫斯最後的一年，被委任為留學生總代表 ，其中一項重要的任務是幫助香港學生適應寄宿學校的生活以及讓香港及英國本土學生關係融洽。要是香港留學生由中三起便在沙特豪斯就讀，與本地學生融洽是基本上沒有問題的。中六才加入的香港留學生反而有機會只和其他也是中六才加入的香港留學生組成小圈子，因而不能融入及學習英國文化。這不就與留學英國為求學好英語及擴闊視野的目的背道而馳嗎?


其實問題是雙方面的。首先，英國本地學生早在中三時便己組成了社交圈子，中六才入學的香港學生要加入是極困難的。同時，基於文化差異及溝通方面問題，香港留學生在海外自然喜歡與[同聲同氣]的學生打成一片。




節錄-- P.153
從香港到劍橋
--- 英國留學攻略
王君舜著

DoReMi媽媽

db7mu23 發表於 16-1-5 09:26
我在沙特毫斯最後的一年，被委任為留學生總代表 ，其中一項重要的任務是幫助香港學生適應寄宿學校的生活以及讓香港及英國本土學生關係融洽。要是香港留學生由中三起便在沙特豪斯就讀，與本地學生融洽是基本上沒有問題的。中六才加入的香港留學生反而有機會只和其他也是中六才加入的香港留學生組成小圈子，因而不能融入及學習英國文化。這不就與留學英國為求學好英語及擴闊視野的目的背道而馳嗎?


其實問題是雙方面的。首先，英國本地學生早在中三時便己組成了社交圈子，中六才入學的香港學生要加入是極困難的。同時，基於文化差異及溝通方面問題，香港留學生在海外自然喜歡與[同聲同氣]的學生打成一片。




節錄-- P.153
從香港到劍橋
--- 英國留學攻略
王君舜著

完全道出了實況， 係真真正正發生的， 中六才加入， 係好難打入本身已混成一片的同學圈， 結果， 中六的就只能跟同聲同氣的較為熟稔， 再者， year 9係學生入學時間， 各校收生數目亦較多， top school更甚， 要考入top school, year 9會比lower sixth容易。

jimjim0903

個人認為12歲前去留學最好.