女女是否有少少“音樂天份”？

wendyb1121

佢宜家25個月。16個月第一次作首“媽咪”歌比我，用d兒歌將歌詞改成媽咪。果時對d歌既音樂節奏都好敏感，跟住首個既beats拍手，打鼓可以完全跟到。到19/20個月，可以將其他兒歌歌詞代入第二首個既melody. 24個月，會將生活上發生既事情，用兒歌既melody唱出來。今朝起身，又聽到佢自己係度唱歌，係佢自己作既melody, 唔知係咪由好多首歌既melody自己mix埋一齊，跟住歌詞係描述緊佢琴日岩岩去完動物園既野，佢餵左d動物食野。譬如giraffes like to eat leave, because it is yummy; elephants like to eat carrot, tigers dont eat carrrots, only eat meats..(因為佢琴日話要餵carrot比老虎，我話老虎淨係食肉) 淨聽到呢d,之後唔知佢講咩...

wendyb1121

有時係屋企會將要講既野用歌唱出來，好搞笑

scgift

我女上Tommy bee既導師話好多小朋友喺呢個年紀都係會咁，所以我唔覺得我個女因為咁而有特別天份。

wendyb1121

多謝回覆。因為歲半個上playgroup, 老師有同我講過佢比其他同年紀小朋友對音樂比較敏感，叫我培養佢呢方面。

harrysyt

呢個年紀係咁㗎，我個囡囡都係咁樣仲要我跟佢唱

wendyb1121

I see 原來歲半到兩歲既小朋友都係咁

scgift

原帖由 wendyb1121 於 15-12-16 發表
多謝回覆。因為歲半個上playgroup, 老師有同我講過佢比其他同年紀小朋友對音樂比較敏感，叫我培養佢呢方面 ...

的而且確我女上完Tommy bee後，導師話佢已有培養到音感，應該好快就可以有perfect pitch。但其實導師話以佢教咁耐來講，一般3/4班既小朋友係能夠通過課程成功培養到音感。

iamadc

我一向唔覺阿仔音樂好，去合唱團唔enjoy, 但四歲幾自己話要學彈琴，然後就不斷要我們印五線譜比佢畫，越畫越多，最近開始填詞，又個個小節開始做到寫四拍。本來以為佢亂畫，但有一次佢對著佢寫的譜唱出來。我知道現在很多小朋友都學彈得很快，所以唔知係咪好多小朋友都有這興趣？

LeeCC

wendyb1121 發表於 15-12-13 14:35
佢宜家25個月。16個月第一次作首“媽咪”歌比我，用d兒歌將歌詞改成媽咪。果時對d歌既音樂節奏都好敏感，跟 ...

我覺得你囡囡語言天份都高
我仔本身有語障，所以作詞呢D他冇.,幾個鋼琴老師、音樂老師和教音樂朋友都分別說他有音樂天份、要好好栽培

分享下他幼兒時期的事

本身不愛看電視卡通,但歲半時可以自己坐定看管弦樂團節目個半鐘,一邊聽一邊跟音樂搖身,2歲時聽到好聽的古典音樂會流住眼淚聽,但唔係喊,係好陶醉

K2學了幾個月琴,已經自己彈曬學校幾本歌書的歌.，自己將彈過彈變調,加前奏配伴奏,K3在琴彈自己諗的歌,但唔識寫出來

小寶貝兒

scgift 發表於 15-12-17 18:51
的而且確我女上完Tommy bee後，導師話佢已有培養到音感，應該好快就可以有perfect pitch。但其實導師話以佢 ...

perfect pitch..... 以我所知係天生, 冇得培養/訓練出黎架喎~

LeeCC

小寶貝兒 發表於 16-5-19 00:59
perfect pitch..... 以我所知係天生, 冇得培養/訓練出黎架喎~

我發覺好多讀完通x的小朋友家長都話，他們的小朋友個course train到他們的小朋友有perfect pitch，或者聽pitch好準，唔知係咪d導師系甘同d家長講
他們亦吾相信perfect pitch系天生的，系train出來的，他們的子女就系例子

我無嘢講

hhaa

我都想了解多D關於perfect pitch, 我小朋友今年8歳，細個時都有上tomlee嘅junior music course，當時只當興趣班，完全冇諗過可以訓練到聽音，記得當時老師都有考下佢地聽音，印象中佢嗰時並唔係特別聽得準。
而家小朋友有吹管樂，入咗學校樂團，初入樂團時佢成日同我講好多同學吹音唔準，我開始懷疑，於是測試下佢，我用鋼琴是但彈一個音，佢竟然全中，甚至如果唔太高或太低嘅音，同時彈2-3個音，佢都可以準確答到，其實咁算唔算perfect pitch?

LeeCC

hhaa 發表於 16-5-27 23:35
我都想了解多D關於perfect pitch, 我小朋友今年8歳，細個時都有上tomlee嘅junior music course，當時只當興 ...

perfect pitch 系天生的
但有受過音樂訓練而持續有訓練的可以練到，但如果無練一段時間會無左

天生的就唔會無的

這是一位樂器老師講的


我細個無學過樂器，系二十幾歲先去學小提琴，阿Sir話我聽音好準，有同學問阿Sir可吾可以教她聽音準，阿Sir話我呢D如果從無學過樂器，甘就係系天生的，系無得教的

steamball

perfect pitch is in born, not by training, by training only can hear on piano,  they memorize the C

hebi_518

Perfect pitch，係有天生，我仔仔學前班老師已經留意到佢對鋼琴有天份，叫我比佢試下，仔仔都表明佢自己要學琴，當時3歲多D，就比佢開始學，因為我同我先
生係0音樂知識，上左幾個月堂，鋼琴老師就對我說，話我仔有音樂天賦，如perfect pitch,未學音，佢都講得出黎，彈一首佢未學歌，簡單，佢可以自己彈番出黎比我聽，亦自己會佢用未教鋼鍵彈番出黎，老師話，佢咁細，唔會識自己練，我亦唔識幫唔到佢練，所以呢個係音樂天賦，因為老師話佢自己都未能做到

LeeCC

hebi_518 發表於 16-6-29 22:28
Perfect pitch，係有天生，我仔仔學前班老師已經留意到佢對鋼琴有天份，叫我比佢試下，仔仔都表明佢自己要 ...

我仔細個就系甘樣

hebi_518

LeeCC 發表於 16-6-29 23:00
我仔細個就系甘樣

所以天賦，做家長唔發覺，做老師都會留意到，而且音樂天賦，過左8歲到，你發覺唔到，佢就會自己消失，所以6歲前，比多D野小朋友試，都可以幫助到換佢地天賦同才能

LeeCC

hebi_518 發表於 16-6-29 23:26
所以天賦，做家長唔發覺，做老師都會留意到，而且音樂天賦，過左8歲到，你發覺唔到，佢就會自己消失，所以6 ...

又吾會話八歲後就會消失的
我識一個八歲才學琴，學了幾個月，會靠記憶彈八級歌，學了一年琴，未學樂理，會作曲，寫滿了好多本無線譜

八歲前無接觸過樂器，父母對音樂零認識，系八歲時忽然要求學樂器的

這個小朋友和我仔一樣，有語障，所以無樓上幾位所講，小朋友細細個會自己作詞唱歌呢D嘢

LeeCC

yannie_man 發表於 16-6-30 21:11
訓練出黎嘅係relative pitch,唔係perfect pitch

有音樂老師這樣解釋過，也說perfect pitch機會好細
我曾聽過一個說法，perfect pitch在普通人的出現率非常低，但在自閉症患者中，這是好普遍的事，只是他們能否表達出來或被發現而已

似乎又幾凖，我計過我認識的自閉症小朋友當中，有大約三成是perfect pitch的，但我認識的正常小朋友中，無人有perfect pitch