學卷幼稚園的小朋友有機會考到直資/私小嗎?

Galaxy88

原帖由 SillyU 於 15-12-11 發表
本帖最後由 SillyU 於 15-12-11 10:41 編輯

我小朋友讀村幼，仲要年尾出世，往年都有四間九龍區私小正取 ...

真心請教，今年仔仔升K1,地區著名學券幼稚園收咗AM，仍煩惱諗緊要唔要山長水遠去九龍塘讀。如果學券幼稚園，加上父母用心教導，都有成功例子，我就叠埋心水留喺屋企附近讀；但問題係要如何準備呢？

moneydog

原帖由 punlik 於 15-12-16 發表
要睇你九龍塘幼稚園offer是邊間，例如SC，KV...肯定值得
又要睇你直資私立目標是一線還是二線，一線offer， ...

同意

ffaye

原帖由 Galaxy88 於 15-12-16 發表
真心請教，今年仔仔升K1,地區著名學券幼稚園收咗AM，仍煩惱諗緊要唔要山長水遠去九龍塘讀。如果學券幼稚園 ...

如果你打算課外都會上下興趣班或自己教多少少學術野，一樣無問題。我識學券幼稚園小朋友，k2已經識乘數，嚇親我。

我自己都係幫小朋友揀左學券k,小學都有不錯offer.如果你覺得間幼稚園適合你小朋友的話便不用擔心

wing.2bb

回覆 Miffy_Joey 的帖子

不是名幼都有機會。如學術已有加強，在家最緊要訓練小朋友有禮貌笑容，主動唔怕羞。陽光小孩一般更易吸引老師目光。

charlottechy

其實好在乎你自己花幾多時間, 睇幾多書, 點樣教小朋友; 如果名幼同你嘅教養原則唔同, 但係又入到名小, 你俾唔俾小朋友讀? 俾得起名幼學費當然好, 但係記得, 對小朋友黎講, 你先至係最關鍵最有影響力嘅人。

豬C奶

原帖由 cyyuen0120 於 15-12-11 發表
不用擔心，我女都係學卷學校，唔係多offer 但都有私收，但唔好期望太高，找到適合的更重要



  ...

特質之一是三年前，我姪仔St.cat出品數年前都好易入到名小，特質之一數年前，今年考得難過上一年，下年又難過今年⋯

retriever

ffaye 發表於 15-12-16 08:23
如果你打算課外都會上下興趣班或自己教多少少學術野，一樣無問題。我識學券幼稚園小朋友，k2已經識乘數，嚇 ...

唔係話非名幼不成, 但話興趣班等同, 就唔係咁認同...

以兩大老牌名幼為例, 佢地出名既, 譬如: 孩子學習自動波, 或者講野叻, 自信呢D... 要潛而默化...

簡單講, 要個環境, 唔係興趣班可代替.

AgapePa

原帖由 Galaxy88 於 15-12-16 發表
真心請教，今年仔仔升K1,地區著名學券幼稚園收咗AM，仍煩惱諗緊要唔要山長水遠去九龍塘讀。如果學券幼稚園 ...

我覺得依家D人太過誇張幼稚園學術水平，一日3粒鐘，又要排洗、茶點、體操、手工，其實一日得20分鐘英文，20分鐘主題學習.
有人話去讀非學卷，可以慳番D外補錢，現實是很多讀英普班的，一樣出外補英普.
講到尾最重要是家教，出外學中英數，要幾勁有幾勁.
近近地讀地區一線K幾好，慳D時間出外參加興趣和補習班，效果仲顯著.

yunbb

原帖由 AgapePa 於 15-12-16 發表
我覺得依家D人太過誇張幼稚園學術水平，一日3粒鐘，又要排洗、茶點、體操、手工，其實一日得20分鐘英文，20 ...

十分同意

ffaye

原帖由 retriever 於 15-12-16 發表
唔係話非名幼不成, 但話興趣班等同, 就唔係咁認同...

以兩大老牌名幼為例, 佢地出名既, 譬如: 孩子學習自 ...

個環境其實學券k一樣可以provide到。同樣地，有d非學券k齋谷有時反而兩頭唔到岸。

我自己就prefer學校同屋企執品德態度，再加興趣班。so far小朋友都OK.

five555

無錯，家教身教比所有學問更重要，面試第一輪大多考合作性，禮貌，成績當然會考，但普遍學校想收品德好學問好的學生。

retriever

回覆 AgapePa 的帖子



我唔認同"學術" 呢個關鍵字...

學校培養到既一D SOFT SKILL 同習慣, 係要浸...

興趣班俾唔到....

AgapePa

retriever 發表於 15-12-16 16:23
回覆 AgapePa 的帖子

"學術" -- 我係指中英数等能力.
我覺得幼稚園最重要學習群体生活和自理. 唔値得因為"學術"而山長水遠去讀名幼.

SillyU

Galaxy88 發表於 15-12-16 00:34
真心請教，今年仔仔升K1,地區著名學券幼稚園收咗AM，仍煩惱諗緊要唔要山長水遠去九龍塘讀。如果學券幼稚園 .l。

Interview表現好重要，答人哋問題，要望住，而且要答兩句以上。等侯時間要坐定定，不要擰來擰去週圍望;  玩遊戲要有手尾，幫手執返個波/豆袋/道具; 最後，閲讀興趣亦很重要，好多學校都會叫小朋友閱讀/講故事。

個人意見，如車程40分鐘內，揀名幼;  多過40分鐘，要好好考慮，小朋友休息最重要。

Miffy_Joey

原帖由 wing.2bb 於 15-12-16 發表
回覆 Miffy_Joey 的帖子

不是名幼都有機會。如學術已有加強，在家最緊要訓練小朋友有禮貌笑容，主動唔怕羞 ...

多謝意見~

Beiku

講到底，小朋友係天資聰敏嘅，讀咩幼稚園都可以考到好直/私小學。

Galaxy88

原帖由 SillyU 於 15-12-16 發表
我小朋友11月細仔，報唔到名幼，無得揀所以答你唔到。
我哋讀村幼(救世軍，保良東華嗰種)，中文方面，學校 ...

多謝您！其實救世軍都收咗，不過因為係全日，所以我放咗位了。

Galaxy88

原帖由 Beiku 於 15-12-16 發表
講到底，小朋友係天資聰敏嘅，讀咩幼稚園都可以考到好直/私小學。

話雖如此，但經過K1面試一役，真的難以鬆懈，因為地區名幼兩間收，其中一間係最難入嘅，有AM；但九龍塘名幼就三間waiting,那麼小朋友資質應該沒問題。加上身邊朋友，係今年考小學的家長就話K1面試好小兒科，考小學難好多倍！所以至煩！

Beiku

Galaxy88 發表於 15-12-16 23:56
話雖如此，但經過K1面試一役，真的難以鬆懈，因為地區名幼兩間收，其中一間係最難入嘅，有AM；但九龍塘名幼 ...

K1 interview, 啲學校以咩準則去收學生, 老實講, 我睇唔到. 睇資質? 睇家長? 睇家底?
我小朋友, K1 interview 差不多全軍覆沒, 所以繼續係N班學校升K1 - 學卷村校, 一間一般人聽到都會問點解讀呢間, 課程唔夠深....等等麻麻地嘅學校. 不過, 係一間令小朋友可以學好自理, 愛學習, 閱讀, 充滿愛嘅happy school. 呢3年來, 除咗出外學phonics, 我冇再俾佢學其他嘢. 可幸嘅係小朋友有非常好嘅記憶力, 而且對語文好sensitive, 性格亦比較主動外向. 上年考直/私, 成績不錯.

唔好太擔心, 簡一間你認為適合小朋友嘅學校, 唔好盲目追求 "名校".

Good luck!!