林大輝中學可以嗎？

小瀝

王家爸爸 發表於 17-1-12 09:17
其實越近交表，Whatsapp群組、網上等平台越多啲唔make sense既建議，所以有懷疑要多問、多了解。 ...

我都覺得要小心不能盡信呀！

knt20022002

Hydrengea 發表於 15-12-10 00:14
Necohaos,
我仔仔的情況完全一樣，因為有讀障...中數差到......但英文就A,佢好鍾意林大輝......但我只係擔 ...

請問你仔仔有沒有入讀, 如是, 可否講關於學校情況, 是否外間成日話林很差. 謝謝

knt20022002

SIYip 發表於 15-12-9 17:53
我個仔入咗中一啦 ^_^

請問仔仔在校內開心嗎，有沒有比外間講到林咁差，

simbafelix

我同你一樣等待一些在此校讀的家長俾一啲實際的評語，可惜無回覆。

我有一個舊同學教小學的，他有幾個舊生在林大輝，分別有中二及中三的，他說在他學校去的大致上兩類同學，第一類係全運動型，運動好出衆但成績真係差，第二類係成績好但因為係非華裔學生由於 visa 問題所以屈就讀此校。這些舊生都經常回校探佢，佢見班舊生都仲係純，起碼從外表上仲係正正常常，言談舉止仍然斯文。成績好嘅依然名列前茅，本身成績差嘅就注重响運動方面，大家繼續各展所長。

由於我的同學知我阿仔想讀，聖誕假開學後佢專登問返啲舊生有關學習情況，以下是歸納兩位高材生 （兩兄弟，中三及中二）的 comments :

中三：
1）我覺得d學生唔算聽話 老師系度果陣就聽話
2）學校d體育多學生參與，有一個小型足球場， 一個室外球場，兩個室內球場 ，一個禮堂 ，兩間電腦室 ，成日都有人打波
3）學校嘅art 就一個va房同一個fashion centre
4）讀書方面d人唔算好叻， 都係得果幾個勁， 我地級得幾個認真讀，其他都好懶散
5）學習氣氛唔算好， 但係我覺得都係睇學生自己， 因為我覺得我地學校d老師我地肯問就肯教
6）學校每年換一兩個老師 ，今年換左個以前去做過義工嘅老師， 同埋一個以前教拳嘅老師， 班主任話學校特登每年搵d新老師，想我地多d去同新老師接觸， 擴闊視野
7）學校有d科目英文課本但係有時中文講因為要就翻有d聽唔明嘅學生
8）我覺得如果系想玩體育或者時裝設計就黎我地學校 ，如果讀書都係band 1果d好 ，起碼有個學習氣氛 ，我地呢度學習氣氛唔系太好
9）學生普遍不壞，多數貪玩
10）老師普遍能控制班秩序，
不過要鬧

中二:
我個人認為林大輝既老師很關注學生的成績，當有學生成績或學習態度有所轉變，老師都會關心同學，師生之間有很好的信任基礎和溝通。而紀律就因人而異，以我宜家來講，我班同學都幾安分下但有時會玩大左少少，同學之間既相處都幾融合和諧，幾乎無打架既情況出現。我校注重多元發展，精英班的學習態度以及氣氛較為良好，多數同學亦能從善如流。但其他班的同學未必同樣，如A班較focus係體育發展。

另外一位舊生嘅家長就狂話林校不好，想阿仔轉校，但我同學話呢位舊生在小學時成績已不好，操行亦不太好，所以其實如果自己不改變，去到邊情況都一樣，除非遇到個好似阿媽咁貼身照顧，開導你嘅老師，如果不是，就間間學校都唔好啦！

我另外一位教中學的舊同學有以下評語:

“林大輝注重體育發展，有幾個舊生喺senior form 先過去讀, 佢哋唔太知lower form 曳唔曳, 淨講讀書同功課比較 hea 。
我早幾年住欣廷軒, 見到學生好多一放學有姐姐or 私家車接放學, 唔太多學生溜出商場玩
都聽過有學生講粗口. 講真, 個別學生講粗口一兩句, 間間中學或多或少都有, 好難以偏蓋全”

由於在討論區百分之九十都係負評，這就是令人最困擾的地方，係咁話不好，又不講什麼不好，究竟係學校問題定係個細路問題呢？
學術成績我就知係不理想，不過除了成績，想知有咩其他問題，但無人講，或者講嘅都已係幾年前一些個別例子，例如拍拖，粗口等，這些情況在大部份學校都有。我忘記了在哪一間學校聽校長講過，各位家長不用擔心仔女在中學講粗囗，因為他發現而家中學生講粗囗情況不嚴重，反而入咗大學就學了講粗口，佢懷疑香港嘅大學而家有教粗囗，我聽完真係笑咗！

我自己的分析如下 ：
1）讀到書，運動/藝術強又想兩樣發展 ＞ 體藝
2）讀到書，運動/藝術無特別興趣  or 運動/藝術強但只想專注讀書 ＞ 各大 B1 中學
3）成績中等，運動/藝術強又不想谷成績 ＞ 林大輝 （大前題係無俾討論區嚇親）
4）成績中等，運動/藝術不強 or 無特別興趣 ＞ 貼近 B1 的 B2 中學
5）成績不太理想 ＞ 合乎自己程度嘅中學，目標是成為該校的高材生，要相信在任何階段，任何地方都可以重新起步，重新發力！
6）成績不太理想，學習動機較弱 ＞ 盡可能找基督教學校，普遍來說老師會比較關愛學生。

利申 ： 我阿仔是 B2頭，運動有天份，已有林大輝 offer, 我和阿仔都喜歡此校 （當然校舍及設施都有很大程度的吸引），但阿仔小學想阿仔考慮吓其他，所以都有報其他直資，等待面試中

希望大家不會嫌我長篇大論，我已把自己對林校所知的告訴大家。當然所得的資訊也只是數位同學/老師的睇法，但希望能給予各位一點啟發。

reefmao

回覆 simbafelix 的帖子

Thank you very much for the valuable information!

lovebb2

simbafelix 發表於 17-1-16 16:52
我同你一樣等待一些在此校讀的家長俾一啲實際的評語，可惜無回覆。

我有一個舊同學教小學的，他有幾個舊生 ...

from 中三分享:
全级得幾個認真讀, 其他都好懶散???!!!!

simbafelix

回覆 lovebb2 的帖子

果個同學仔係咁講囉, 我唔知係指全級還是只是佢果班, 同埋佢係考第一, 可能在他眼中只有頭5名先係認真讀書嘅人, 其他都唔係路, 同埋呢個係佢自己個人睇法. 其實睇到有人話認真讀書都 surprise 啦, 因為睇討論區嘅評論以為無人讀書添

simbafelix

回覆 reefmao 的帖子

Bbkingdombb

自己認識有兩位住在沙田的家長，送個女去該校讀書 ，一個已經畢業，另一個應該係高年班。
兩位朋友的諗法是明知小朋友冇興趣讀書，但唔想去學壞，如果派位就會去校風唔掂嘅津校，不如畀錢讀一間冇咁易學壞嘅直資，朋友所講佢哋都滿意學校，因為兩個女都冇學壞，畢業嗰一位現在讀自資學位但唔知係學士還是副學士，另一個應該係dse了。

補充少少，兩個同學都不是體育或者藝術或者甚麼什麼的高手，只是希望沒有什麼功課壓力下成長，至於有冇專心讀書，我就冇詳細問了。

SIYip

回覆 knt20022002 的帖子

我仔不是讀這間。

ilovematthew

Bbkingdombb 發表於 17-1-17 15:25
自己認識有兩位住在沙田的家長，送個女去該校讀書 ，一個已經畢業，另一個應該係高年班。
兩位朋友的諗法是 ...

無錯，睇下想要咩囉，讀唔到都無辦法，條條大路通羅馬，最緊要唔好學壞

CACACAROL

姪仔新婚, 太太是林的舊生, 讀到城大, 乖女. 在婚禮上見她中學同學也是正常.她說她有些舊同學設計好勁,現在某大運動品牌做設計.

knt20022002

回覆 simbafelix 的帖子

thanks for your details information.

chingko

我大女今年在林讀中二，讀得開心，學校好適合我女！當初選這校確實有點掙扎，但現在覺得亦冇揀錯！

Moonhui

我仔1月14日interview 完即有offer，我地一家好開心。
11月頭去開放日，對學校環境，教學方針（除左成績還會培養運動方面），仔同老公都覺好適合，所以收左好開心。我個人認為好同吾好既意見都會睇，但我會去視察，問朋友仔女讀此校的評語，再決定，最重要係個用家（即我仔），佢要讀6年。而且我參觀過政府b2學校，好多除主科英文，其它都係中文書中文教，過幾年我會送仔去外國讀書，如入左中中，驚佢在外國初時讀得吃力，所以讀林。
好多媽咪會話仲咩吾㨂培基、李國寶呀個啲banding好好多，我都知，但我了解自己個仔，佢吾係b1生，吾想打沉佢自信同太大功課成績壓力。加上開放日仔同老公好喜歡林大輝，所以只報了林去考。
總之間學校好吾好，大家一定要去學校附近觀察吓！自己衡量邊間適合自己小朋友。

2jkidsfather

回覆 simbafelix 的帖子

讀林大輝，記住把握機會用那裏的運動資源。林大輝在學界某些項目升緊 Level。

Moonhui

我仔愛足球，僥倖今年有幸能夠參加學界足球比賽，林對運動上的資源的確比其他直資學校係豐富好多。
而且阿仔好鍾意佢有個課外活動係香港航空青年團，好吸引佢。

ashley08

chingko 發表於 17-2-24 15:23
我大女今年在林讀中二，讀得開心，學校好適合我女！當初選這校確實有點掙扎，但現在覺得亦冇揀錯！
...

想問一下，林大輝是否有兩星期的中一新生訓練？想問一下返幾點放幾點？

wan2010

necohaos 發表於 15-12-9 13:32
女兒今個星期六second interview林大輝中學，因小女成績麻麻地，所以試下同佢報直資，身邊朋友話ok，但係上 ...

如果小朋友鐘意體育，林是不錯的選擇。

heiBBB

唔好意思，想知道以往放榜日多唔多人去林大輝叩門?
定係而家去林交左表先會比較好?